Ta̤htû̌sò̌ǐ 112
112
Kòyòcǒkòyòtè̤ ata̤howi̤ toǒ
1Htû̌sò̌ǐ Cǒmara tûjûpwa̤.
Kòyò htě a ǐsha bè̌dubè̌na̤ Cǒmara tûjûpwa̤ dě a sò̌phlǒǒ ta jûle̤phî̌yo̤ kû̌ nû̌û ta̤mǎlò̤nu a nî̤bǎ ta̤howi̤.
2Bǎ hǎkhû̌bǎo, aphû̌ali̤ shû̌sho pě.
Kòyòcǒkòyòtè̤ akhlialè nî̤bǎ ta̤howi̤ pě.
3Ta̤pwî̤dû̌le̤htû, ta̤dû̌yò̤htò̌sa sîtoǒ ǒ dě ahǐphòdǒkû.
Ata̤cǒta̤tè̤ glè ǒměǒgle tûjûpwa̤.
4Asî ma̤bwǐma̤sîrî kò, gwèbǎǐ kò, acǒatè̤ akhû̌akhî, a lò̤kèta ta̤lî tama dě a lîrakhalṳ bǎ kòyòsò̌phlǒwǒ.
5Kòyò htě a sò̌leǐ ata tò̤, a ǐbǒǐlo̤ kò, a pṳ̂cǒpṳ̂tè̤ wûhtanu, a ǎbǎobǎ pě.
6Kòyòsò̌phlǒwǒnu, a lò̤jûlò̤po̤ dǐkhò̌꤮ tò̤.
Kò shope̤nǎjò nû̌û dǐkhò̌꤮ tò̤tò̤.
7A gana̤de ta̤wi̤ta̤kè̌ htě awǒtò̤ toǒ bǎbǎ a ǐsha tò̤.
A yṳnǎla̤ǐ Cǒmara tûjûpwa̤ akhû̌akhî, a sò̌phlǒshû̌ sò̌phlǒsho mè̤mè̤̌.
8A sò̌phlǒshû̌ sò̌phlǒsho mè̤mè̤̌ dě a ǐsha dǐcǎ꤮ tò̤.
Dě anǒkò pě dě, a kè̌shǐ Cǒmara ma̤pè̤kè bǎ nû̌û pwa̤sò̌khě nû̌û toǒ pě.
9Pwa̤cǒpwa̤tè̤ tapwa̤ sò̌phlǒsho ma̤jè kòyò shèwèphû̌.
Ata̤cǒta̤tè̤ htǒonu, a ǒměǒgle tûjûpwa̤ hǒ.
A nî̤bǎ ta̤sîrîdû̌sîrîhtû, kò bè̌dubè̌na̤ nû̌û pě.#Kòrî̌tiaphû̌ ginǐ̤bǎ tabǎ 9:9
10Kòyòphû̌mò̤ kè̌shǐ ata̤ma̤ dě a sò̌phlǒgu sò̌phlǒgè mè̤mè̤̌ pě.
Asî sò̌phlǒdû̌ kwîbò akhû̌khi dě a hǎmǎkèbò pě.
Ata̤sò̌yṳ toǒnu, a nî̤bǎpe dǐcǎ꤮ tò̤.
Currently Selected:
Ta̤htû̌sò̌ǐ 112: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
