Yezsuzyaq 4
4
Aeu Tin Daengj Hoak Gaenq Mai
1Dij goanz Yixsowhleh daengzle kamj dah Yezdanq yaq, Yez'hoahhuah zoq daj Yezsuzyaq hax: 2"Mawz lowg sipngih ngah Yixsowhleh, ngah ux goanz ux. 3Mawz hoakzaqnaeh nemz paenqdix: ‘Gaenqsu bae zang dah dih puj mbud dij Sen in naeh, goanz ux aeu ndoaq tin dwx ux maz, daengzle aeu maz sipngih ndoaq, tw mwz, aeu nyaengx dih haemhzawjraeuz su ndowj naeh.’" 4Yaq Yezsuzyaq zoq lowg sipngih ngah Yixsowhleh, ngah ux goanz ux, rongx paenqdix maz, 5daj paenqdix hax: "Gaenqsu bae zang dah Yezdanq, bae baihnaj aen gvih Yez'hoahhuah dij Sen su naeh. Yixsowhleh miz sipngih ngah, ndoaq ux zawh hax ngah ux, gaenqsu goanz ux mbeg ndoaq ux mwz rongzmbaq hoakri. 6Aeu le ndoaq tin naeh hoak gaenq mai diauq vaenzzawjraeuz Yez'hoahhuah hoak naeh. Mwznaj luglan su hoakzaqnaeh cham su zwzrawz: ‘Le ndoaq tin naeh zawh hax gaeng mux?’ 7Gaenqsu zoq hoanx naeh haxdoq paenqdix: ‘Zwz aen gvih dij Sen kamj dah Yezdanq naeh, naemx ndaw dah zoq kawq nauq. Naemx ndaw dah Yezdanq yuq doqnaj aen gvih Yez'hoahhuah kawq nauq. Baenzzaqnaeh le ndoaq tin naeh hawj dij goanz Yixsowhleh nyen ndaej mbaed saeh naeh daengznauq.’"
8Dij goanz Yixsowhleh zoq hoakzaq Yezsuzyaq nemz paenqdix naeh. Paenqdix hoakzaq Yez'hoahhuah nemz Yezsuzyaq naeh, Yixsowhleh miz sipngih ngah, paenqdix zoq bae ndaw dah Yezdanq aeu maz sipngih ndoaq tin, tw mwz, mwz taeng dih paenqdix ndowj naeh, paenqdix zoq aeu nyaengx dih naeh.
9 Yezsuzyaq goj daeuq yuq zang dah Yezdanq, dih puj mbud dij Sen tam aen gvih dij Sen in naeh, ndaem sipngih ndoaq tin. Taeng deg vaenzzawjraeuz, le ndoaq tin naeh naengz yuq dih gaengnaeh. 10Puj mbud dij Sen tam aen gvih dij Sen in zang dah Yezdanq. Goanzlai zoq kamj dah rub rub, puj mbud dij Sen in zang dah taj sowh saeh Yez'hoahhuah haxdoq Yezsuzyaq nemz dij goanz Yixsowhleh hoak naeh hoak ndae nauq. Puj Yixsowhleh kamj dah yaq, hoanx naeh paenqdix zoq hoakzaq Moahciz ndaej saengq Yezsuzyaq naeh. 11Dij goanz Yixsowhleh daengzle kamj dah yaq, aen gvih Yez'hoahhuah daj puj mbud dij Sen zux yuq doqnaj daengzle daeq ndaw dah maz. 12Ngah Loixbenq, ngah Zazdowh, mbengj ngah Yezsowh ngah Maxnahciz naeh mbengj ux, paenqdix hoak zaq Moahciz saengq naeh, gaem gaenq dungzsaeuh, kamj dah daekgoanq daengzle. 13Paenqdix miz teq siq fanh goanz ux naeh, gawz goj dox ndae'ndowq, mwz taeng ndaw doanghpiang Yezliqgoz chaenh naeh, dij goanz Yixsowhleh zunxbiq mwz saeuh Yezliqgoz chaenh. 14Vaenz gaengnaeh, Yez'hoahhuah hawj dij goanz Yixsowhleh aeu Yezsuzyaq hoak dwx. Daengz zohgoanz dix, dij goanz Yixsowhleh mbu dix, daj koax daekgoanq mbu Moahciz dungzlumj.
15 Yez'hoahhuah haxdoq Yezsuzyaq: 16"Nemz sowh puj mbud dij Sen tam aen gvih gux naeh daeq ndaw dah Yezdanq maz." 17Yezsuzyaq zoq nemz puj mbud dij Sen: "Gaenqsu daeq ndaw dah Yezdanq kwnj maz." 18Sowh puj mbud dij Sen tam aen gvih Yez'hoahhuah naeh daeq ndaw dah kwnj maz, din paenqdix hiamq yamq maz taeng dihliangx, naemx ndaw dah zoq daeuj baenz zaqgaeuq, daj koax daekgoanq dungzlumj laij maz song haenz dah.
Yuq Ndaw Jehzah Ndowj
19Bi gaengnaeh, ndown nduq dix vaenz chosip naeh, dij goanz Yixsowhleh kamj ka dah Yezdanq yaq, zoq yuq ndaw Jehzah ndowj, Jehzah yuq baih tang'vaenz og Yezliqgoz chaenh. 20Yezsuzyaq aeu sipngih ndoaq tin paenqdix aeu ndaw dah Yezdanq maz naeh, ndaem ndaw Jehzah. 21Dix daj dij goanz Yixsowhleh hax: "Mwznaj, luglan su hoanx naeh cham dez paenqdix zwzrawz: ‘Le ndoaq tin naeh zawh hax gaeng mux?’ 22Gaenqsu zoq haxdoq paenqdix: ‘Zwz dij goanz Yixsowhleh gvaq ka dah Yezdanq naeh, Yez'hoahhuah hawj naemx ndaw dah Yezdanq kawq.’ 23Yez'hoahhuah dij Sen su yuq doqnaj su hawj naemx dah Yezdanq kawq, taengdeg gaenqsu daengzle kamj gvaq nauq, daj zwz dix yuq doqnaj raeuz hawj naemx aen haij rongx hoak Haijndiang naeh kawq, hawj gaenqraeuz daengzle kamj bae nauq naeh dungzlumj. 24Hoanx naeh hawj dij goanz dawj fax ruxndeq Yez'hoahhuah riangz baenzzaqrawz, goj hawj gaenqsu ruxndeq mbu Yez'hoahhuah dij Sen su daengznauq."
Currently Selected:
Yezsuzyaq 4: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
