Salmos 149
149
Jpaswanej te Diose soc ja' Muc' Ajwalil
1¡Bin nax yutsil te Cajwaltique!
C'ajintayaic ta yach'il c'ayoj te Cajwaltique;
albeyaic yutsilal ta bay stsoboj sbaic te mach'atic jun yo'tanique.
2Bayaluc me sbujts' q'uinal x'awaiyic, israeletic, ja'ex lum Sión,
melel ja' jpaswanej awu'unic te Diose,
soc ja' Muc' Ajwalil awu'unic.
3Albeyaic yutsilal sbiil ta swenta ajc'ot,
c'ajintayaic c'ayojetic soc arpaetic soc panderoetic.
4Melel te Cajwaltic ya smulan te lum yu'un;
te mach'atic peq'uelic ya x'ac'otic ta ich'el ta muc' ta swenta tsalaw.
5Bayaluc me yutsil q'uinal ya yaiyic yu'un te tsalaw,
ja' te mach'atic jun yo'tanic ta stojol;
manchuc teme wayalex c'ajinanic ta swenta sbujts' q'uinal.
6Albeyaic yutsilal Dios ta aweic;
soc ayuc me ta ac'abic puñal te xcha'jejch'el ay ye,
7swenta spacol ta stojolic te mach'atic ma ba xch'uunejic Dios,
swenta yac'beyel castigo nacionetic,
8swenta xchuquel ta cadena muc' ajwaliletic
soc yantic te mach'atic ay yipic,
ya me yich'ic chuquel ta taq'uin te buen alic,
9swenta yu'un jich ya xc'ot ta pasel a te castigo ts'ibubil ya xc'ot ta stojolique.
Ja' me yich'elic ta muc' yu'un ta spisilic te mach'atic jun yo'tanic ta stojol Dios.
¡Bin nax yutsil te Cajwaltique!
Currently Selected:
Salmos 149: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.