Salmos 148
148
Ya yalbeyic yutsilal Cajwaltic te bitic spasoj
1¡Bin nax yutsil te Cajwaltique!
Albeyaic yutsilal Cajwaltic c'alal ta ch'ulchan.
Albeyaic yutsilal c'alal ta toyol.
2Albeyaic yutsilal, ja'ex ta apisilic te ch'ul abatex yu'une.
Albeyaic yutsilal, ja'ex soldado ch'ul abatex te ayex ta ch'ulchane.
3Albeyaic yutsilal, ja'ex c'aal soc u.
Albeyaic yutsilal, ja'ex eq'uetic te bayal axojobilique.
4Albeya yutsilal, ja'at ch'ulchan te ayat ta sba te ch'ulchane,
soc ja'at ja'etic te ayat ta sba te ch'ulchane.
5Albeyaic yutsilal sbiil te Cajwaltique,
melel ja' stuquel la yal mandal, jich pastaj spisil te bitic ayique;
6ja' la yac' ta yawil swenta sbajt'el q'uinal,
soc la xchajban mandalil yu'un te ma xju' ta c'axintayele.
7Albeyaic yutsilal te Cajwaltique li' ta balumilal
muc'ul chambalametic ta mar, soc mero sc'ubulil mar,
8te chawuc soc te bat, te toib soc te tocale,
te chawuquil ic'al ja'al te ya xch'uunbey te mandaletic yu'une.
9Albeyaic yutsilal te witsetic soc te tseletique,
ta spisilic te cedroetic soc te te'etic ya yac'botic site,
10te chambalametic ayic ta na, soc te ja'mal chambalametique,
te mutetic ya xwilic, soc te chambalametic staslajanic ta lum.
11Albeyaic yutsilal te muc' ajwaliletic ta balumilal soc ta spisil ta jpam lumetic,
ta spisil te jmandalteswanejetic soc jwentainwanejetic ta balumilal,
12winiquetic soc antsetic, spisil muc'-biq'uitetic.
13Ta apisilic albeyaic yutsilal sbiil te Cajwaltique,
melel ja' nax stuquel te mero toyole.
C'ax toyol te yutsil bit'il te ch'ulchan soc te balumilal.
14Ja' yac'ojbey yip te lum yu'une.
Albeyaic yutsilal ta apisilic te jun awo'tanic ta stojol,
ta spisil te israeletic, te ja' lum yu'un te nopol ay ta sts'eele.
¡Bin nax yutsil te Cajwaltique!
Currently Selected:
Salmos 148: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.