Salmos 150
150
Yalel yutsil Dios ta ch'ulchan balumilal
1¡Bin nax yutsil te Cajwaltique!
Albeyaic yutsilal Dios ta templo;
albeyaic yutsilal ta ye'tal te muc'ul yaxal ch'ulchan yu'une.
2Albeyaic yutsilal yu'un te bitic muc' spasoj ta swenta yu'ele;
albeyaic yutsilal yu'un te smuc'ul te ma xju'
cu'untic sna'el te ma'yuc slajibale.
3Albeyaic yutsilal ta swenta sc'op xulubil,
albeyaic yutsilal ta swenta arpa soc yantic músicaetic,
4albeyaic yutsilal ta ajc'ot ta swenta panderoetic,
albeyaic yutsilal ta swenta amayetic soc músicaetic te yich'oj cuerdaetique,
5albeyaic yutsilal ta swenta platilloetic te mero tulan ya xc'opojique.
6¡Ta spisilic me te bitic cuxajtic te ya yich'ic iq'ue,
ac'a me yalbeyic yutsilal te Cajwaltique!
¡Bin nax yutsil te Cajwaltique!
Currently Selected:
Salmos 150: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.