Mikas 5

1Am fag ngay taw Erusalem, famasadani ay ngay sundalu anway ay ngay fabarangyan masafung wa ayu ay gfalingun Israel at tagmagurang.

At Nafatuyanan at Nanmagurang ban sas Israel

2Yawi nalong te, “O Betleem-Efrata, dewa o at alay fag fulan sis Uda, siginan ban emu sik taw at nanfagbulun sa angku laman tagmagurang sas Israel. Ay at ngay aguyangan siginan ebi sik takadungug tuwa.”

3Ay nu katanya, Yawi gfabayan yay sa at ngay fabarangyan nu nangagbilug taw Israel yap ngay ban sik mangena matakan gfasalug sik ama, at nanmagurang ban sas Israel. Ay ka fag tagmagurang at ngay kaiban at kintaban sa tibak talun umfoli yangay ban sa at ngay kaiban sas Israel. 4Ay nu gmagurang taw Israel at fagmabitsugun ay at fagmadaragangun siginans Yawi, kanya at Diyus. Kanya kata sik tagfagut ay gulit at ngay balan. Nu katanya, at ngay taw manwan manabayan anway at ngay taw sas fagdaul daga sumaful at fagmadaragangun. 5Ay kanya nanfanabayan at ngay taw.

Fagmanabayanun ay Faurianan

Taw Asirya nu nanfabarangyan antam ay nu sumakbo sat matvngvd fag lungud tam fulan, tam ngay tagmagurang at mangguyud fiya fiya antam nanfabarangyan. 6Kanya ban mabo ay nanmagurang talun Asirya, Nimrud at talun. At fanbabo at ngay famabarangyan. Ay nu katanya, gfalangfe tuwa antam gina ban taw Asirya nanfabarangyan tam talun.

7“Ay at sawad ban fag ngay taw Israel nu gbanwan sa sangay talun masine fagulitan. Kanya kata sik moyan ay sik damug Yawi at nafon laman gfatugbung at ngay tanum. Ay umfanud tuwa sas Diyus ay bundi sas taw. 8Ay roro kanya gfadasug yangay at faurianan sa sangay talun, kata sik liyun mason nu gfabarangyan sa tibak balan sasad magubat ay anggan sa sangay tupa sat fagfasabsaban. Sik liyun nu gfabarangyan gtulbu ay gsalakyat at fagaloun ay magat wan ay fate wan. 9Taw Israel mabo wa fiya at ngay fabarangyan. Ay gfamin wa fiya fagayu at fabarangyan.”

Yawi Gfafoli sa sangay Taw Israel at Fagmauriun

10Yawi nalong te, “Ginanya ban fag ngay menit, gfate kwan ay ngay kabayu ay rumasras kwan ay ngay karwai. 11Ay rumasras kwan ay ngay fulan anggan at ngay maaladan fag ngay fulan. 12Ay mul kwan ay ngay fangafut ay at ngay mabara malyam wan. 13Ay wa ban am gseg sa sangay fagsegan ay sas fagamatanganun fag fagsegan fag ngay batu ay naawat, anway kanya fagayu rumasras kwan. 14Ay rumasras akyangay Asira fag fagsegan fag ngay turuk ay anggan ay ngay fulan. 15Katvngvdan nu kadotama aw, gfafoli akyangay sa sangay talun at ngay taw at takamabo angku at fagmauriun.”

Currently Selected:

Mikas 5: TAWEAST

Highlight

Copy

Compare