Unas 3
3
Unas Nalo sas Fulan Ninibi
1Yawi gdog yay nalong sas Unas te, 2“Loi wa mafali sas Ninibi, tagbiya fag fulan, ay salagi sanya fag ngay taw kata ku longan sa emu.” 3Ay Unas nalo wa mafali sas Ninibi kata Yawi at longan anya. Ninibi sik tagbiya fag fulan, at kadaulan tuluk menit nu kalo.
4Ay Unas indasug wa sas Ninibi. Ay sik menit gayayag yay sanya. Ay nu ntabu wan nalong sa sangay taw te, “40k menit way at sawad ay tuy fag fulan umrasras wan.”
5Ay at ngay taw nu nadungug ka fag longan, kanya gafanud sas Diyus. Ay dewa at madaragang ay at mafanalo nabalukasan saku ay nafe lungud gyud gfangon laman gdarangin, sik famasaful te, gubun wan at ngay asalanan. 6Ay at fun sis fulan Ninibi nu nadungug Unas at longan, kanya nlindug wan siginan at faglunggungan ay nabul at fanfun fag balukas siginan at bilug, ay nasulun saku ay inlunggung sit madafug fag daga sik famasaful te, gubun wan at ngay asalanan. 7Ay kanya nafauba sik rirukan sa sangay taw Ninibi. Katatuy at longan te, “Aw ay fun, anggan ku ngay fun sirut e sik suguwan ami te, lag am gfangon ay ginum, dewa ay ngay baka, ay tupa, ay kambing. 8Fagayu am, suluni saku anggan ay ngay balan, ay urunganani darangini sas Diyus. Ay ubuni wan ay ugali at mauri ay anggan nu gfangalimata am. 9Labon manga umbali yay Diyus at amatanganan ay malyam yay nu kadotama dawdaw antam ay di gfamin antam.”
10Ay Diyus nu nalag te, ka fag ngay taw naubun tuwa at ngay mauri fag ugali, inbali tuwa at amatanganan, ay di nafamin ka fag ngay taw Ninibi kata at longan ebi ataw.
Currently Selected:
Unas 3: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
