Unas 2
2
Unas Gdarangin
1Unas gina sisad uyang gdarangin sas Yawi, sat fagsegan fag Diyus. 2Nalong te,
“Yawi, gina aw gatakan, gdarangin aw sa emu, ay nabalus tuwo angku.
Gina aw gakateun, naet aw fanarabangun sa emu, ay nadungug tuwo angku.
3Naukas o angku sasad dagat at fagngabasadan.
Ay am ngay lumbak natabun angku.
4Ay nafayayu wo angku siginan am daga salubangan,
ay roro gafanud aw te, gdog kyay ban umkakbang sa emu, sam nafili fag bale.
5-6Ay gina aw mafalyuwan, ngay makmak dagat nabarikus wa ku alfuyu.
Ay kata aw insungsung sasad dagat at fagngabasadan.
Ay roro o Yawi, ku Diyus, nabul tuwo angku sanya ginan.
7Gina aw gakateun, nadarangin aw. Ay nadungug tuwo angku sanya sam nafili fag bale.
8Ay at ngay taw tagseg sa sangay fagsegan at yud e fanambagun, wa kesug emu.
9Ay aw, nandanyu aw sa emu sik famauseganan.
Ay nus nga setaw ku longan magbulun kwa fiya.
Yawi, o wan ku tagfalangfe!”
10Ay Yawi nasugu ka fag uyang laman malugnan Unas. Ay ka fag uyang nabalugnan wa fiya anya sas tigyangan dagat.
Currently Selected:
Unas 2: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
