Amus 6
6
Israel at ngay Tagfangguna at Fagmauriun
1Sek am fag ngay tagmagurang sis fulan Siyun ay sis fulan Samarya teway marananan way am yud e nasubuwanan. Ay gamatangan am te, sik takadungug wam fag ngay taw taglabi tibak talun, ay sa wa ayu at ngay taw nu kakbang. 2Ay loi wan ay linggati at kin-gurungan sis fulan Kalne, ay sis tagbiya fag fulan Kamat, ay sis fulan Gat sis Filistiya fag talun. Ka fag ngay fulan amadaragang yap ayu. Ay at daga glabi yay ay daga.
3Sek am fag ngay tagamatangan te, wa mdasug ka fag menit nu gfaurianan ayu. Ay roro sa ay fagbulun at mauri, gfafali way am ka fag ngay taw at mauri nu gfamin ayu.
4Sek am fag ngay tagtiyug gugat si ay fagtiyugan at ngayu nu kasali,#6:4 fagtiyugan at ngayu nu kasali: Sis Fangebriyu, fagtiyugan e ngay afud. ay takapsug gugat at mayayum fag ngay fakonun tupa lawis ay baka lawis ay nafataba.
5Sek am fag ngay takawat danyu kaduge am gfaawang famaawangan at ke ngay bakyang kata Dabid nu gfaawang.
6Sek am fag ngay tagyafadaulun ginum fangaranug ay tagrarus famabebanglu at ngayu nu kasali, ay roro duwam kabalu sa takadasug fag faurianan sa ay fulan.#6:6 grasras ay fulan: Sis Fangebriyu, grasras Use, at masuwad te, Use at ngay kadagdagan ay ate fagdaul talun Israel. 7Nu katanya, am fag ngay tagmagurang taguna at fagtabanun, ay wa ban am gdog umke fagmafulun ay wa ban am gugat gtiyug si ay fagtiyugan.
Yawi Kalimata Talun Israel Nu Gfalabi
8Fun Yawi at Madaragang fag Diyus nafatvngvd at longan te, “Kalimata aw Akub at kadagdagan nu gfalabi, ay kwa kaumsig at matvngvd fag ngay lungud. Nu katanya, mon akwa sa ay ngay fabarangyan ay fulan ay fagayu tagsanya.”
9Nu e sik safuluk taw tagbanwan si sik bale, fagayu umkate wan. 10Ay at kalongan at sadi mul at bilug at sadi ay matas wan. Ay minto sa at nasuksuwan#6:10 at nasuksuwan: ate, at sawad. sat basad bale te, “Go e ufud yay o sanya?”#6:10 Go e ufud yay o sanya: ate, Go e bilug yay sanya? Ay nu malus te, yaya, taginto lumong te, “Lag garingang! Mangayan o Yawi at ngayan ay mafauri antam.”
11At matuyan, nu Yawi wan at sumugu, rumasras wan fagayu bale, dewa gbiya ay sirut.
12Go sik kabayu maatarung sa sangaba tubi gabatuun? Go sik baka mafaaradu sas wa mabatu? Yaya long! At matuyan ay at masine fag fagbulun sa tam ngay iba wam nafe fanambagun, kata way sik fanfate ay sik tanum mayat. 13Guseganan wam nu nababo tuwam fulan Lu-Debar ay fulan Karnayim. Glong am te, “Tam fagnababoun siginan tam fagmabitsugun.” 14Katatuy Yawi at Madaragang fag Diyus at longan te, “Am fag ngay taw Israel, nanfadasug aw sa ayu sik fulan taw at nanfabarangyan ayu. Kanya nanfatakan ayu ay mago ay ngay fulan siginans fulan Lebu-Kamat anggan sas liskung Araba.”
Currently Selected:
Amus 6: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
