2 Timutiyu 4

Sungatani tuwa Farapyagi at Matuyan fag Foyungan

1-2Sama, glong aw emu te, katsi foyungi wa fiya sa sangay taw tam Diyus fanlongan. Ay katanya ku suguwan sa emu, tam Diyus wan tagfatvngvd, ay anggan tam Fun Isus.

Ay tam Fun Isus kadasug yangay ste swa daga. Kanya wa ban tagmagurang fagdaul daga. Ay fagayu ban taw, dewa tagleleg ay dewa at kinkate, tam Fun Isus wa ban tagfoyung sanya fagayu te, go dada at fakadasugan. Nu katanya, foyungi wa fiya tam Diyus fanlongan sa sangay taw. Dewas nga ginain, ay dewa yud e gadunguganun emu, foyungi tuwa.

Ay nu glag wo am iba te, igsalan wan, longi tuwa, te kanya igsalan wan. Ay fatvngvdi tuwa at ngay amatanganan. Ay nu gfoyung o, fafoyunguni tuwa. Dangay o gfangafoliun.

3Katsi wan nu gfoyung o tam Diyus fanlongan, teway bandi at ngay taw wa kaumsig igdungugan at matuyan fag foyungan. At fagadunguganun, sik ngay foyungan way tagfadiyuganan at ngay fakaumsigun mandi. Nu katanya ban, kanya fag ngay taw sumarap sik ngay takamoyung ayuwayu laman tagfoyung at fakaumsigun fag ngay foyungan. 4Ay wa ban dumungugan at matuyan fag foyungan. At fakaumsigun, sik taw way foyungan at yud matuyan.

5Ay roro, dewas nga setaw am fagdalanun, si emu am amatanganan matvngvdi tuwa. Ay dewa e gfatakan emu, barisi tuwa. Ay fatunglusi tuwa foyungi Masine fag Barita sa sangay taw at yud gafanud. Ay nus nga setaw tam Diyus fon emu fag ngay fagbulun, fagbuluni tuwa.

6Teway fakatanyaun ay, katsi makbang wan nu gakateun aw. Gatabuun wan nu gfaning aw tam Diyus ste swa daga. 7Nasungatan aktuwa, ay nafatabu aktuwa ku fagbulun. Gtunglus aktuwa gafanud sat matuyan fag foyungan, ay dakdi nafabayan tibak taw nu gfabali. 8Ay katsi tam Diyus nafamasadan wan at famanyun sa angku, teway nafagbulun aktuwa at masine. Ay bandi ban, nu ndasug wa ban tam Fun at filian fag menit, igfon wa long ban angku. Teway tam Fun wa ban tagfili, te go dada fag ngay taw nu gfon at famanyun. Ay kanya di gsalan nu gfili.

Ay tam Fun nu gfon ban at famanyun, bundi fagtvngvd sa angku. Anggan tuwa sas fagayu taw tagamatangan te “Tam Fun Isus afolii wa nangus ste swa daga.”

At Fakatabuwan fag Longan

9Katsi, sama, stei wan. Dewa mataka, mafalii tuwa nu stiye o, 10teway katsi, kwe ufud bangan. Ta usama Krisinis nalo wa sas talun Galasya. Ay ta usama Titu, nalo wa sas talun Dalmasya. Ay ta usama Demetrius, naubun wa angku. Nalo wa sas fulan Tesalunika. Teway si anya at fakaumsigun, at ngay maumsig iste swa daga. 11Ay katsi ku ufud, anway Lukas sesadi. Ay gina ban o stiye, tabani yap ta usama Markus, teway kanya igfantarabang tuwa nu gfagbulun aw.

12Ta usama ngaro Tikiku, katsi wa ste. Nasugu kyay sas fulan Efesu.

13Ebi ngaro, gina aw sis fulan Truas, nafamato aw ku falefe at menbung, sis Karpu at bale. Ay gina o stiye baliwa, dalani sanya ay ubanani tuwa. Ay anggan ku ngay fafil, ubanani yangay, kaugat wan at marirukan fagayu sis balat balan. Kanya long, ubanani tuwa nangus.#4:13 Ebi, gina Pablu fag fulan taw, balat balan at fangawat at fafil at yud kagirat. Sanya at ngay taw nu griruk at ngay rirukan at mafanud dawdaw.

14-15Sama, gamatang yay ro o kanya fag ama takawat fagnuwan siginans bakal, at ngayan Aleandru. Mauri dawdaw kanya fag ama at nafagbulun sa angku. Nasalag dawdaw nu kamoyung tam. Ay katsi, o matagakani tuwa gugat. Teway labon, bandi, magbulun yay mauri sa emu. Ay tam Diyus wa ban tagfafoli sa anya at nafagbulun.

16Ebi daw sik sayginan, iste at ngay taw nataban angku sas ke tagmagurang fagsulitananan. Sanya, nanginto unu angku sa ku nasalan baliwa. Ay ginanya we naufud angku. Ku ngay iba naubun way angku. Ay dewa katanya, igdarangin aw sa tam Fun Isus te, lag gamatangan ku ngay iba at nafagbulun. 17Teway dewa aw sesadi, tam Fun naufud tuwa angku, ay nafatvngvd tuwa ku amatanganan. Ay katanya tuway, nafafoyungun aktuwa at Masine fag Barita sanyas tagmagurang fagsulitananan. Ay guseganan aw te, at ngay taw yud Udyu sanya fagayu nadungug wa long ro ku foyungan at Masine fag Barita.

Ay tam Fun Isus nadingding tuwa angku, ay sanya at ngay taw di nafate angku. 18Ay dewa bans nga setaw takadasug sa angku, tam Fun Isus igfalangfe tuwa gugat angku siginan sangay taw at fagbulun mauri. Ay tumaban ban angku sas banwa, sat fagmagurangan. Nu katanya, fauseganani tuwa anya, faggugat ban. Kin, fauseganani wa fiya.

19Sama, longi sa ta usena Prisila, ay anggan sat mangama Akila, te gamatang aktuwa gugat anya. Anggan sas Unisifuru, ay anggan sat ngay kalongan, longi yangay katanya.

20Ay ta usama ngaro Erastus, infamato sis fulan Kurintu. Ay ta usama Trufimus, indaylan wayay, infamato yay sis fulan Miletus.

21Ay sama, glong aw emu te, bagu mdasug fanmoyanun adasugi wa fiya nangus stiye.

Sama, gsaful yay ro o ta usama Yubulu, anggan ta duwama Pudinis ay Linu, ay anggan ta usena Klaudya. Kanya gamatang tuwa gugat emu. Anggan fagayu tagafanud sa tam Isus iste fag fulan, gamatang tuwa gugat emu.

22Ay tam Fun Isus wa ban tagufud emu. Ay anggan at ngay taw sanya si ay fulan, tam Fun Isus wa ban tagufud ayu, teway kafanyu tuwa ayu. Ste way kabat ku rirukan.

Currently Selected:

2 Timutiyu 4: TAWEAST

Highlight

Copy

Compare