2 Uan 1
1
Tagriruk ay at ngay Tagtap
1Aw, sik tagmagurang aw sa sangay tagafanud. Griruk aw sa emu, Diyus at nafili fag mangena ay anggan sam ngay sisiyan. Kesug aktuwa ayu. Ay bundi aw fagsadi takesug ayu, anggan fagayu tagsaful at matuyan fag longan kesug yangay ayu. 2Kesug ami ayu, teway at matuyan fag longan si wa antam ay si wa ban antam faggugat.
3Tam Diyus tam Tama ay tam Fun Isus, tam Tama at Baguwama, at mamanyun nangus sa antam, ay takafanyu antam ay anggan at nanfanabayan antam. Anway kanya at matuyan ay takesug antam.
At Matuyan fag Longan ay at Fakafanyuun
4Guseganan aw dawdaw anway nalag aw te, am unga tiba gfaning tuwa sat matuyan fag longan, kata tam Tama sas banwa at suguwan antam. 5Sena, katsi glong aw emu te, kadkafanyuwan tuwa tam. Tuy ku rirukan bunwa sik longan bagu. Gsud yay kata ebi sfagsigadan tam nadungug fag longan. 6Ay katatuy nu kadkafanyuwan tuwa tam: gfaning tuwa tam Diyus at longan. Ay katatuy at longan te, afanyui tuwa faggugat. Kata yangay ebi am nadungug fag longan ebi sfagsigadan.
7Ngayu tagfanluk at kinrapyag sas fagdaul daga. Kanya fag ngay taw at yud way gfoyung te, tam Fun Isus, e bilug tuwa ebi gina kadasug ste swa daga. Ay kanya fag ngay taw sik tagfanluk way ay sik takalimata way tam Fun Isus. 8Tagaki tuwa, laman di malyam ay nafabul siginan ay nafagbulunan dawdaw, laman mul wa ban am ay natvngvdan fagayu.
9Nus nga sinu fag taw at yud gfatunglus gfaning sa tam Fun Isus at longan, kanya ya nsadi sas Diyus. Ay kanya fag taw nu gfatunglus tuwa gfaning sa tam Fun Isus at longan, kanya nsadi wa fiya sa tam Tama sas banwa, ay anggan sat Baguwama. 10Sik taw dewa ndasug sa ayu, nu saman way at foyungan sa baliwa tam Fun Isus at longan, lag am gfasulitanan ay lag gfasakbo sa ay bale. 11Anway nu nafasulitanan way am ka fag taw, insadi wam sat mauri fag fagbulun.
Uan at Fakatabuwan fag Longan
12Ngayu yama ku fagalongunun sa ayu, roro dakwa kaumsig igriruk. Ku fakaumsigun nanlag aktuwa nangus ayu ay nansulitanan tuwa tam, laman tam fagusegananun umtvngvd tuwa.
13Iste am fadugsay fag mangena, Diyus at nafili yangay kata emu. At ngay sisiyan ginto te, “Go tain o sanya?”
Currently Selected:
2 Uan 1: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
