1 Uan 1

Sik Longan Tagfon Leleg

1Griruk ami sa ayu em nadungug sa baliwa sik Longan Tagfon Leleg. Ka fag Longan siginan was fagsigadan. Nadungug ami anya, ay nalag, ay nated wami anya. 2Tagfon Leleg nu nsure wan, nalag ami anya. Gfatuyan ay gfoyung ami anya sa ayu. Kanya gfaudgufudan tam Tama ay roro katsi nsure sa emi. 3Igfoyung ami ayu em nadungug ay em nalag, laman masadi tuwa tam. Ay anggan tam fagfausegananun sa yangay tam Tama ay anggan sat Baguwama, tam Fun Isus. 4Em fagnarirukun tuy fag longan laman umtvngvd tuwa ban tam fagusegananun.

Diyus sik Fagmayamagun

5Katatuy em nadungug siginan tam Isus, ay gfoyung ami ayu te, Diyus wan fagmayamagun ay si anya di e marum, nus di sirut. 6Dewa tam glong te, masadi watam tam Diyus, ay roro nu gfaning way tam sad marum, kamuwagan way tam, ay watam gfaning sat matuyan fag longan. 7Nut si tuwa tam sad mayamag kata Diyus nut sisad mayamag, masadi watam. Ay tam Diyus at Baguwama Isus at taguk at nafasine antam siginan tam ngay asalanan. 8Nu glong tam te, watam e asalanan, gfanluk way tam antam mandi, ay at matuyan fag longan wa si tam amatanganan. 9Nu nafoyung tuwa tam tam ngay asalanan sas Diyus, kanya gfalyam wan tam asalanan ay gfegus wan fagayu tam mauri, anway Diyus faggugat matuyan tuwa. 10Nu glong way tam te, watam e asalanan, nafangayan watam Diyus te, sik takamuwag. Nu katanya, at longan wa si tam amatanganan.

Currently Selected:

1 Uan 1: TAWEAST

Highlight

Copy

Compare