Aroma 13

1ŴANTU ŵonse naŵolichefya kwa akuru a nsaka: pakuti palive nsaka imbi sembe yofumila kwa Mlungu; izyo zilipo zuikiwa na Mlungu. 2Teti wamene oisusya nsaka oŵakanya maikilo a Mlungu: na aŵo okanya azaliulile mlandu. 3Pakuti aŵo oyondolola ntoyofya a milimo iweme sembe a iipa. Ukapangwa kuŵa wosamuyopa wansaka wochita chiweme, ninga uzoŵe na mchinzi kwake: 4pakuti ni mtumiki wa Mlungu kukuchitira viweme. Sembe ukachita chiipa woyopa; pakuti ntoula chinkalammanja tyala: pakuti ni mtumiki wa Mlungu, chiwezyera kokalipa kwa uyo ochita viipa. 5Teti ni pamti molichefya, nte chikomo chokali weka yai, sembe soti chikomo cha chikumbutima. 6Ku chikomo ichi ni pamusonka soti msonko; pakuti ni atumiki a mulimo wa Mlungu, oyumililave pali chamene ichi. 7Pelekani kwa ŵonse vuwamila kwaŵo: msonko kwa aŵo owamila msonko; chipimo kwa achipimo; mwezo kwa amwezo; mchinzi kwa amchinzi.

8Msaŵa na mangaŵa ku muntu ali wonse, sembe ŵotemwana na ayanu niŵo: pakuti wamene otemwana na mnekwaŵo olisilizya dango. 9Ni ili, Usachita uchende, Usapaya, Usapunsha, Usakumbwila, soti kati likasalapo tetulo limbine lulembewa kandusu na lizu ili lakuti, Womtemwa mnekwanu nga ni muulitemwera weka. 10Chitemwano sichumchitira mnekwaŵo viipa: teti chitemwano ni pichiri chisilizyo cha dango.

11Mochita ivi poziŵa nyengo, yakuti lomba nsita ifwika kuli mweo youka mtulo: pakuti lomba upuzumushi wasu uli pafupi kupula petiyambozomera. 12Usiku upita, mzuŵa mufwikila; ni petiti tovula milimo ya mfinzi notivwika vyolwilako vya mzuŵa. 13Natuyendayenda mtuwamila, nga ni mzuŵa; nte pochesya kuvwalavwanda nokolwa, nte pa kandekundeku na videde, nte poyambana na ukwa. 14Sembe molivwika Asikuru Yesu Kristo; msawamizya futira vya mmuŵili, ku makumbwilo a wine.

Currently Selected:

Aroma 13: MA23

Highlight

Copy