रोमियो 6

पापान केरता मोरील: मसीह ने केरता जीवताला

1तर आमु काय हि? काय आमु पाप करने कि कृपा जुलुम हि? 2केदिमेदी नाहं! आमु ताहेरया पापान केरता मोराना एता तेवी ओगाण तामाय केवी जीवन जाय? 3काय आमूह नाहं मालूम कि आमु आखा तान केरता मसीह यीशुन बाप्तिस्मा लियेल, तेवी तान मोरतला आमु बाप्तिस्मा लियेल. 4तर ओवतो आपु ता मोरणेन बाप्तिस्मा स्वीकारून आमु तान हेरी पुरीगियो जाईल, कारण इही मसीह पितान महिमाच्या द्वारे मुरील मायरीन जीवतालू किरील, तोहोलोच आमु पुण नोवालो जिवलाहारखे चालणे.

5काहाकाय आमु जर तान मोरणेन प्रतीरुपान ताहेरी मिलिन गीया हि, तेवी खेरी खेरीच तान जीवतालू लेणेन प्रतीरुपान पुण जोडीन जाहू. 6आमूह मालूम हि कि आमारो जुनो माणुह तान हेरी क्रुसापोर सोडवियू गीयो, काहाकाय पापान शरीर वाया एय जाहू, एने आमु ओगाण केरता पापान दास्य केरूह नाहा. 7काहाकाय जो मोर गीयो, तो पापाम रीन मुक्त एय जायील ही. 8ज्यानकेरता जर आमु मसीहान हेरी मारीन गीया, तर आमारो विश्वास हा हि कि तान हेरी जीवणेहि पुण. 9काहाकाय हे होमोजणु कि मसीह मुरील मायरीन जीवतालू एय पोशा मोरण्यू नाहं; ज्यापरीन पोशा मरण पोशा आविह नाहं. 10काहाकाय तो जो मरण जूळनो तो पापान केरता एकुच वारीन मरण जूळनो, पुण जो जीवतालू हि तो बोगवानाना केरता जीवतालू हि. 11ओहलाच तुमूह पुण आपणो स्वताह पापान केरता तर मरा, पुण बोगवानान केरता मसीह यीशु माय जीवतालू होमजू.

12ज्यानकेरता पाप तुमरो शरीराम अधीन एने जुवी, कि तुमूह तान लोभा अधीन रेहू नाहा; 13एणेन आपणो शरीरान अधर्मची साधन लेनिके पाप साखजपर्ण केरू, पुण स्वताह मुरील मायरीन जीवतालू इयील होमजाडीन बोगवानानाह साखजपर्ण केरू, एने आपणो अवयव धार्मिकता साधन लेनिके बोगवानानाह साखजपर्ण केरू. 14तेवी तुमरे पोर पापान प्रभुता नाहं आवूह, काहाकाय तुमु व्यवस्थान अधीन नाहं तर कृपान अधीन हि.

धार्मिकतान दास

15तर काय एय गीयो? काय आमु यानकेरीता पाप केरणू कि आमु व्यवस्थान अधीन नाहं तर कृपान अधीन हि? केवी तेभी नाहं! 16काय तुमूह नाहं मालूम कि ज्यान आज्ञा माननेकेरता तुमूह स्वताह गुलामाहोस साखजपर्ण केरीन आपणु ताणुच गुलाम हेते जर पापान केरता ज्यान मरण धार्मिकता हि? 17पुण बोगवानान धन्यवाद ओहलो कि तुमूह जे पापान गुलाम ऐतेह ऐवी मोनामरीन ता हिकाडणे केरता आवीन गीया ज्याह आपणो खोलामाय आपील. 18एने पापो सोडवीन धार्मिकता गुलाम एय गीया. 19एने तुमरो देस्वभावाच्या दुर्बल ताकेरिन मनुष्यव्यवहारा प्रमाणे मी बोलेहे जोहलो तुमूह आपणो अवयवाह पाप केरणे केरता अशुद्ध पुण एने कुकर्म इही दास इही साखजपर्ण किरील गीया तोहोलोच ऐवी आपणो अवयवाह पवित्रतेसाठी धार्मिकता साखजपर्ण केरू. 20जेवी तुमूह पापान दास एता, तर धार्मिकता संबंधाने आलेग एतो. 21शेवेट ज्या वातील ऐवी तुमूह लाज लागणे एती, जानकेरता ता टायीमा काय तुमूह फोल जुडतो एता? काहाकाय तान शेवेट तर मरण हि. 22पुण पाप ने मुक्ती मेलावीन एने बोगवानान दास बोणावीन तुमूह फोल जुडील जोहलो पवित्रता प्राप्त एता, एने तान शेवेट अनंत जीवन हि. 23काहाकाय पापान वेतन मरण हि, पुण बोगवानान वरदान आपणो प्रभु यीशु मसीहा माय अनंत जीवन हि.

Currently Selected:

रोमियो 6: NLXNT

Highlight

Copy

Compare