रोमियो 5

बोगवाना हेरी मेल

1सेवट ताहेरया आमु विश्वासान धर्मी ठेरती, तर आपणो प्रभु यीशु मसीहान द्वारा बोगवान हेरी मेल मेलणे, 2ज्यान द्धारा विश्वासान कारणाने ता कृपेपर्यंत ज्यामाय आमु बनेल हेते, आमरी पुचनु पुण, एने बोगवानान महिमाच्या आशा खत केरहू. 3केवळ ज्याच नाहं, नापून आमु क्लेशातपण खत केरूह, हे सेमजीन कि क्लेशानी धीर, 4एने धीरान खेरीच निकलनु, एने खेरो निकली जायेल आशा उत्पन्न एती; 5एने आशा लजीत एता नाहं, काहाकाय पवित्र आत्मा जी आमूह आपील गीयो हि तान द्धारे बोगवानान प्रेम आमरा मोना माय टाकील गीयहो.

6काहाकाय कि ताहेरया आमु दुर्बकच एतो, तर मसीह हाजो टाइम अभंकताकेरिन मोरणु. 7काल्ल्हा खेरो जन मारकेरीन कूण मोर जायेल, हा तर दुर्बळ हि; पुण एहू शकते कायताहा हाजो माणहान केरीन कूण मोरने केरता पुण इमुत केरूह. 8पुण बोगवान आमऱ्येपुरीन आपणो प्रेमाची प्रेमान आवो रीतीमाय प्रगट केरणू कि, ताहेरया आमु पापीज एता तेवी मसीह आमरे केरता मोरणु, 9सेवट ताहेरया कि आमु ऐवी तान रक्तान कारणाने धर्मी ठेरणू, तर तान द्धारा बोगवानान क्रोधाने वोचील नाहं? 10काहाकाय शत्रु ला दशा माय तान सोरान मृत्युन द्धारे आमरी मेल बोगवान हेरी एनी, तर मेल एय एईल ओवतो तान जीवनान कारणाने आमु उद्धार का कायजुडी नाहं? 11केवळ ज्याच नाहं, पुण आमु आमरा प्रभु यीशु खिस्ताच्या द्धारे, ज्यान द्धारे आमरी मेल एनी बोगवान हेरी आनंदित ऐतेह.

आदमान द्वारे मोत-मसीह द्वारे जीवन

12जानकेरता जोहलो एक माणहान द्धारे पाप जगाम आवा, एने पाप्यान द्धारा मृत्यू आवा, एने ओला रीतीमाय मोर गीया, आखान माणहामाय फेयलीन गीयो, कारण आखाज पाप किरील. 13व्यवस्था आपील जगामाय पाप जगामाय तर होतुजे, पुण जाहारी व्यवस्था नाहं ताहारी पाप मोजील जाहू नाहं. 14तारण आदमाफायरीन एयन मुसा ताहवोर मुरील आवो माहापुररीन पुण राज्य किरील, तान केरता ता आदम, जो तो तानकेरीन आवणारा चिन्ह हि कि अपराधान हारका पाप किरील नाहं.

15पुण जीही गुन्हान दशा हि, तोहलीच कृपा दाणान वरदानावजेसे नाहं, काहाकाय जेवी एक माणहान अपराधसे जादा माणहे मोरना, ते बोगवानान कृपा दान एने तान जो दान एक ज्यो हि का माणाहान, यीशु मसीहान कृपादानामाय जुलुम जाणान केरता एय गीयी. 16जोहलो एक माणहान पाप तान केरता फोल एय गीयो, तोहोलोच दानाहा ठेराव एनो, पुण जुलुम ओहला दण्ड कारण से तोहोलोच वरदान उत्पन्न एनो का माणहे धर्मी ठेरती. 17काहाकाय जेवी ता एक माणहान अपराधान वजसे मरण एकाचने द्वारे राज्य किरील, ते जा माणहे कृपा एने धार्मिकतान वरदान जुलुम मिळवणे हि ते एक माणाहान, अर्थात यीशु मसीहान द्वारा खेरीच अनंत जीवनामाय राज्य केरती.

18ज्याकेरता ओहलोच एक अपराध आखा माणहान दण्डान आज्ञेचे, काहाकाय एय गीयो, तोहोलोच एक धार्मिकतान काम पुण आखा माणहान केरता जीवनान निमित्त धर्मी ठेराव्या जाणेन काहाकाय एय गीयो. 19काहाकाय कि ओहलो एक माणहान आज्ञा पालील जुलुम माणहे पापी ठेरना, तोहोलोच एक माणुह आज्ञा पालील जादा माणहे खेरो ठेरना. 20व्यवस्था मायतेच आवीन गीया कि अपराध जुलुम होवो, पुण जाहारी पाप एय गीयो ताहारी कृपा दान तापुररीन पुण होवटो एय गीयो, 21का जीही पाप मरण पासारतेन राज्य केरील, तोहोलोच आमरो प्रभु यीशु मसीहान द्वारे कृपा दान भी अनंत जीवनान केरीन धर्मी ठेरावताला राज्य केर्ती.

Currently Selected:

रोमियो 5: NLXNT

Highlight

Copy

Compare