2 कुरिन्थियो 13

आखरी चेतवणी

1ऐवी तिसऱ्या टाइम मी तुमरो आहने आवथू; दुय केव्ही तीन गवाहीदारांच्या मुया मायरीन प्रत्येक वात निवाड केरील जाहो. 2जोहलो मी ताहेरया दिहीरा टाइम तुवाहेर्यो एतो, तोहोलोच ऐवी सेटो रेथे येतो ता माणहाहे-यो तान केरता पेल्ला पाप किरील, एने दिहीरा आखा माणहाह ऐवी पेलूच केयीन आपथु कि जर मी पोशा आवूह तर सोडणार नाहं, 3कारण तुमूह तर ज्यान प्रेमान मागनु कि मसीह मारामाय बोलीह, हि जे तुमरीकेरता अशक्त नाहं पुण तुमरे माय समर्थी हि. 4तो तुमरे वजेसे क्रुस पोर चेढांविल गीयो, तेभी पुण बोगवानान सामर्थ्यान जीवतालू हि. आमु पुण तामाय अशक्त हि पुण बोगवानान सामर्थ्यान तुमरो केरता हि, जेहीकाय जीवतालू रेहू.

5स्वताह पारखीन देखू का तुमु विश्वास माय हेते का नाहं. स्वताह पारखीन देखू. काय तुमूह स्वताहन विषयी मालूम नाहं का यीशु मसीह तुमरे माय हि? नापून तुमूह पारखिल बिनकामान हेते. 6पुण मारी आशा हि का तुमूह मालूम एय जाय का तुमूह बिनकामान नाहं. 7आमु आपणा बोगवानान हि प्रार्थना करने कि तुमूह कायीच वाईट केरूह नाहा, तान केरता नाहं कि आमु खेरो देखील जुवी, पुण तान केरता कि तुमूह हाजो केरणे जुवी, जर आमु बिनकामात ठेरणार. 8काहाकाय आमु सत्यान विरोधामाय कायीच केरूह शकत नाहं, पुण सत्याकेरिन केरूह शकणे. 9जेहीकाय आमु अशक्त हेते एने तुमूह बलवंत हेते, तर आमु आनंद एतो, एने हि प्रार्थना पुण करने कि तुमूह पुरो एय जाणेन जुवी. 10ज्यानकेरता जर तुमरो पासाण आवील वातू लेखातालु, कि उपस्थित एयमाहु ता अधिकारा प्रमाणे ज्याह प्रभुने बिगाडणारकेरता नाहं पुण बोनाडाणे केरीन माहु आपील हि, केठीन पणाने वागु नाहा.

अभिवादन

11सेवट हे बायहो, आनंदमाय रीवू; तुमु तुमरी जादासे जादा सुधारणा केरू; इमुत मेलू; एक मोन मेलू; मेलसे रीवू, प्रेम एने शान्ति दाता बोगवान तुमरे हेर्यो रेंय 12एक दिहीरा पवित्र गुल्यादीन नमस्कार केरू. 13आखा पवित्र माणहे तुमूह सलाम केणु. 14प्रभु यीशु मसीहान कृपा एने बोगवानान प्रेम एने पवित्र आत्मान सहभागिता तुमरे आखा हेरी एते रेंय.

Currently Selected:

2 कुरिन्थियो 13: NLXNT

Highlight

Copy

Compare