2 कुरिन्थियो 1

अभिवादन

1पौलुसा फायरीन जो बोगवानान इच्छासे मसीह यीशुन प्रेरित हि, एने बाहाक तीमुथियुसाह फायरीन बोगवानान ता कलीसियान नावापुर, जी कुरिन्थियो माय हि एने आखा अखयावाला आखा पवित्र माणाहान नावापुर:

2आमारो आबुक बोगवान एने प्रभु यीशु मसीहा फायरीन तुमूह कृपा एने शान्ति जुडते रेंय.

बोगवानान धन्यवाद केरज्यो

3आमारो प्रभु यीशु मसीह बोगवान एने आबाकने धन्यवाद ओहलो, जो दया आबुक एने आखी जातीन शान्तिन बोगवान हि. 4तो आमरा संकटामाय शान्ति आपणे म्हणजे आमु तान शान्तिमुळे; जो बोगवान आमूह आपणे ताह, पुण शान्ति (सत्वना) आपुह शकुह जां काल्ला भी प्रकारान संकटामाय एती ता, 5काहाकाय जोहलो मसीहान दुखा माय आपु जादा भागीदार एतो, तोहोलोच आपु खेतामाय पुण मसीहाद्वारे मोक्तास भागीदार एतो.

6जर आमु संकटात सापडणे तर हि, तुमरी शान्ति एने उद्धार केरीन हि; एने जर शान्ति मिलवणे रेंय; तर तुमरो सांत्वनाकेरीन हि, ज्यान प्रभावही तुमूह बागेरीनजाहू ता कांटाळाना सहन केरीन लेनो, ताह आमु पुण सहन करने. 7आमरी आशा तुमरो विषयी मजबूत हि; कारण आमूह मालूम हि तुमूह जोहलो आमरा दुखा माय, तोहोलोच शान्ति पुण भागीदार हेते. 8हे बायहो, आमरी ईच्छा नाहं कि तुमूह आमरा ता संकटाविषयी तुमूह मालूम ऐन जाण्यां रेय जे आशिया माय आमऱ्येपुररीन आवा एता; आमु ओहला केठीन दाबावु दाबीन जाईल एतो जे आमरा सामर्थ्यान बाहेर एता न्याओर कि आमु जीवणेहि केव्ही मोरण्यू इही एईन गीया एता. 9पुण आमु आपणो मोनाम सेमजीन लीईल एता कि आमऱ्येपुररीन मोरणेन दण्ड केरीन आपील हि, म्हणजे आमु आपणो विश्वास मारपोर मेलूह नाहा पुण बोगवानापोर जो मुरीलाह जीवतालू करने तापोर विश्वास मेल. 10ताणुच आमूह मोरणेन ओहला मोठला संकटामाय वोचाडील, एने वोचाळू; एने तापोर पुण आमरी आशा हि कि तो ओगाण पुण वाचाडील रेंय. 11एने तुमूह भी मिलिन प्रार्थनान वजसे आमरी मदत केरू, का जो वरदान मोक्तास जाणान वजसे आमूह जुडील हि, तान कारण से खोब माणहे फायरीन उपकार स्तुती केरणू.

पौलुसान यात्रा योजनामाय बोदेल

12काहाकाय आमु आपणी विवेक बुद्धीन जी गवाहीपुर घमेंड केर्नु, का जगामाय एने विशेष केरीन तुमरे माय, आमरो वागणो बोगवानान योग्य इही पवित्रता एने सात्विकता हेर्यो एतो, जा शारीरक ज्ञानासे नाहं पुण बोगवानान कृपा हेर्यो हि. 13आमु तुमूह उंजू काही लेखत्लू नाहं फक्त तोज जे तुमूह वाचतलो एने होमोलनु, एने माहु आशा हि कि शेवेट ताहवोर पुण मानत रेहू. 14जोहलो तुमरे मायरीन केताहा मानीन लीईल हि कि आमु तुमरो गर्वान काहाकाय हेते, तोहोलोच तुमूह पुण प्रभु यीशु च्या एक दिह आमरे केरता गर्वाचे काहाकाय ठेरणार.

15ज्योच भरीवसावाही मी ईच्छा केरतीन एतो कि पेल्ला तुमरेहे-यो आवहू ज्यान मुळे तुमूह उंजू एक दान जूळनू; 16एने तुमरेफायरीन मासेदोनिया जाहू, एने ओवतो तुमरीफाय आवहू; एने तुमूह यहूदियाकडे काही ताउर पोचाडील. 17तामुळे मी जे हि ईच्छा केरील तर काय मी उलटता देखीह, केव्ही ईच्छा केरणेन ते शरीराप्रमाणे ईच्छा केरतीन येतो केव्ही वातून होव, होव पुण केरुहू एने नाहं, नाहं, पुण केरुहू? 18बोगवान विश्वास योग्य गवाही हि कि आमरा ता वचनामाय जे तुमूह कियील हि, एने नाहं दुयू दिसत नाहं. 19काहाकाय बोगवानान सोरो यीशु मसीह ज्यानस आमरा द्वारे म्हणजेच मारो एने सिलवानुस एने तीमुथियुस द्वारे तुमरे माय पोरचार एनो तामाय होय, नाहं इही नाह एता, पुण तामाय होय एने होय च एय गीयो. 20काहाकाय बोगवानान जे प्रतिज्ञा हेते, ता आखा तामाय होय च्या हेर्यो हेते. तामुळे तान वजेसेपुण एय गीयो कि आमरे पोररीन बोगवानान महिमा एने. 21एने जो आमूह तुवाहेर्यो मसीहा माय मजबूत करने, एने ज्यान आमारो अभिषेक किरील तोच बोगवान हि. 22ज्यान आमुपूर छाप पुण केरीन आपील हि आत्माला आमरा मोनाम आपील हि.

23मी बोगवानान गवाहीदार केरीन किथे कि मी कुरिन्थियो माय एविवूर तान केरता आवूह नाहं, कि माहु तुमरे पोर दया आवील एती. 24इही नाहं कि आमु तुमरो विश्वास केरीन राज्य केरणे मागणे; पुण तुमरो आनंदम मदत केरणे हि काहाकाय तुमूह विश्वासामाय स्थिर रेतेह.

Currently Selected:

2 कुरिन्थियो 1: NLXNT

Highlight

Copy

Compare