1 कुरिन्थियो 16

विश्वासीन केरता दान

1ऐवी देखू संतासाठी दान एखठो केरणेन, बारामाय मी चुकीई पवित्र माणहाह जी आज्ञा मी गलतियो कलीसियाह आपील हि, तुमु पुण तोहोलोच केरू. 2हफ्तान पेल्ला कमाई मायरीन काही काही आपणो घेरानकेरता पुण टुलू केरतीन रीवू जानकेरता कि ताहेरया मी आवूह तह्लाजमाय दान टुलू केरणेन टाइम आवूह नाहं. 3मारा ता जागापूर पोचनेपोर, ज्या कोणीही तुमूह कियील मी ताह बोहजाईल पत्र आपील तुमरो दान यरूशलेम माय लीन जाणे मोकलीन आपण्यू. 4एने मारा जाणू योग्य रेणा तेभी पुण ते मारो बरोबर चालना जाहो.

पौलुसान यात्रा एने कार्यक्रम

5मी ताहेरया मासेदोनिया फायरीन जाहू तेवी तुमरो आहने पुण आवूह कारण मेसेदोनिया फायरीन जाणेन मी निश्चित किरील हि. 6इही एहू शकते कि मी तुमरो बरोबर काही दिह रेहू शकणे केव्ही हियालू तुमरेहे-यो रेहू जानकेरता कि ताजमाय माहु जाणेन हि तुमूह माहु खोबीर आपुह शकता. 7मी इही किथी नाहं कि तारीन जातेन फक्त तुमूह मिलिन लेहु पुण माहु आशा हि कि जर प्रभुन ईच्छा रेंय तर मी तुमरो आहने काही दिह रेहू पुण. 8मी पन्नास व्या एक दिह च्या तिवार ताहवोर इफिसुस मायूम रेहू. 9कारण योग्य काम केरणेन केरता शक्यता ताजागेन मोठा द्वार उगालाह हि एने ओवतो ताजागेन मारा विरोधी पुण जादा हेते.

10जर तीमुथियुस आवा, तर लक्षाम मेलू कि ताह तुमरो बरोबर मेहनत एय, कारण मारहोच तो पुण प्रभुन काम केरतीन हि. 11तान केरता काडील ताह आत्या मानू नाहा ताह तान प्रिनासकेरने शान्ति से खोबीर आपणे जानकेरता कि माहिदेकहू आवीन पोचाडीदे मी दिहीरा बायाकहे-या तान आवणेन वाट देखीह हि. 12ऐवी आमारो बाहाक अप्पुलोसचे हे केणे हि कि मी ताह दिहीरा बायाकहे-यो तुमरेहे-यो जाणेन होवटो प्रोत्साहन किरील हि पुण बोगवानान हि ईच्छा नाहं कि तो ऐवी तुमरेहे-यो आवु तो संधी साधून तुमरेहे-यो आवी.

आखरी आदेश एने अभिवादन

13सावधान रीवू, दृढवाही आपणो विश्वासामाय अटल बोणावीन रीवू. 14साहसी बना, शक्तीशाली बना, तुमूह जे काही मुडोपुर प्रेमाकेरिन मुडोपुर.

15हे बायहो, तुमु स्तीफनुसच्या घेराह ओलकतेह, कि ते अखयान पेल्लो फोल हि, एने पवित्र माणहान सेवान केरता तियार रेणू. 16तुमूह पुण स्वताह ला ओहला माणाहान एने प्रत्येक ता माणहान अधीन होपीन दयाजे ज्याह कामाम जुडील हि एने प्रभुन केरता काम केरतीन हि. 17स्तीफणुस, फर्तुनात, एने आखियक च्या उपस्थित मी संतोष हेपोन मारकेरीन तुमूह जे काही केरूह शकले नाहं ते तानकेरीन देखाडणे. 18तास मारी तोहोलोच तुमरो आनंदित आत्मा किरील हाजा केरता ओहला माणाहान सन्मान केरू.

19आशिया भागाम कलीसियाहिरोत तुमूह प्रभु माय नमस्कार अक्विला एने प्रस्कीला तान घेराम एक्ठाच आवणारा कलीसिया फायरीन तुमूह सलाम. 20आखा बायाकपुरीन तुमूह नमस्कार पवित्र चुंबनाने तुमूह एक दिहरान स्वागत केरू.

21मी पौलुस तुमूह आपणो आथान सलाम लेखथूह. 22जर कूण प्रभु माय प्रेम केरतीन नाहं तर ताह शापभ्रष्ट जुळी, आमारो प्रभु आवु, 23प्रभु यीशुन कृपा तुमूह प्राप्त होवो. 24यीशु मसीहा माय तुमरो प्रती मारा प्रेम तुमूहहु बोठान बरोबर होवो. आमीन.

Currently Selected:

1 कुरिन्थियो 16: NLXNT

Highlight

Copy

Compare