1 कुरिन्थियो 5

कलीसिया माय व्यभिचार

1न्याहोर होमेलनेमाय आवील का तुमरे माय व्यभिचार एतो, जो दिहरी जातीमाय पुण एता नाह का एक माणुह आपणो बाहाकान लाडीह राखणे हि. 2एने तुमूह दुख तर केरतीन नाहं जामारीन ओहलो काम केरणार, तुमरे मायरीन निकली, जाव पुण तुमूह गर्व केरणू. 3मी तर शरीरान भाव सेटो एतो, पुण आत्मा च्या बायाकने जीहीकाय तुवाहेर्यो रेयीन उपस्थितांच्या अवस्थामाय इही काम करणेकेरता हि न्याय आपील हि. 4कि ताहेरया तुमूह एने मारी आत्मा आपणा प्रभु यीशुन सामर्थ्या बरोबर एक्ठाच एय, तर ओहलो माणुह आपणा प्रभु यीशुन नावान, 5शरीरान नाशान शैतानाहा होपीन, आपज्यू म्हणजे तान आत्मा प्रभु यीशुन दिहामाय उद्धार मिलिन.

6तुमरो गर्व केरणेन हाजो नाहं; काय तुमूह मालूम नाहं कि थोडूज खमीर पुरो कुहनिलपीठाह खमीर केरीन आपीह. 7जुनो खमीर काडीन स्वताह शुद्ध केरू म्हणजे नोवालो कुहणील टाकतालान एय जाहू; म्हणजे तुमूह बेखमीर हेते काहाकाय आमारो पुण फसह यज्ञपशु जो मसीह हि, अर्पण एनो हि. 8तान केरता आवो, तीवारामाय आपु आनंद केरूह नापून, जुना खमिराने एने चुकीने पुण नाहं एने दुष्टाच्या खमिराने पुण नाहं पुण हल्लज एने सत्यान खमिराने.

9मी आपणो पत्राम तुमूह लिखील हि कि व्यभिचारान हेगात घेरू मा. 10ज्यो नाहं कि तुमूह बिलकुल आवो जगाच्या व्यभिचारी, लोभ केरणारा, वित्तहरण केरणारा, मूर्ती पुजारो संगती घेरू मा; काहाकाय आवो अवस्थामाय तर तुमूह जगामाय निकली जाणे लागी. 11पुण मारा केणे हे हि कि जर कूण ख्रीस्तात बाहाक केनार, एने व्यभिचारी केव्ही, लोभी, केव्ही मूर्ती पूजा केव्ही वित्त हरिन केरणार, केव्ही जुलीहि आपणार, केव्ही पिनार रेंय तर तान संगती घेरू मा पुण ओहला माणहाहे-यो जेवण सुद्द केरूह मा. 12काहाकाय माहु दिहरी जातीन माणाहान न्याय केरुहू काय काम? काय तुमूह मायवालान हेते तानकेरीन न्याय केरतीन नाहं? 13पुण दिहरा माणाहान न्याय बोगवान करने, तामुळे ता खाराब काम केरणारा आपानेमाय काडीन टाकु.

Currently Selected:

1 कुरिन्थियो 5: NLXNT

Highlight

Copy

Compare