1 कुरिन्थियो 3
3
कालीसियामाय द्लबंदी
1हे बायहो, मी तुवाहे-यो ज्या प्रमाणे वात केर शक्योनाह जोहलो आत्मिक माणहाहे-यो, पुण जोहलो शारीरिक माणहाहे-यो एने ताहे-या जें मसीहात सोराच हेते. 2मी तुमूह दुध पिवाडील, जेवण आपील नाहं; कारण तुमूह ताह खाहय नाह शकते; ऐवी ताहवोर तुमूह खाय शकते नाहं, 3काहाकाय ऐवी ताहवोर शारीरिक हेते, तान केरता कि ताहेरया तुमरे माय डाह एने लेढाय हि तर काय तुमूह शारीरिक नाहं? एने काय माणहान रीतीमाय चालतो नाहं? 4काहाकाय जेवी एक किथे, “मी पौलुसान हि, एने दिहरो मी, अप्पुलोसान हि” तर काय तुमूह माणुह नाहं?
5“अप्पुलोस काय हि? एने पौलुस काय हि? फक्त दास ज्यानस मार्फत तुमूह विश्वास किरील, जोहलो आखाह प्रभुने आपील.” 6मी लागाडील अप्पुलोस सिंचल, पुण बोगवानान वोडावियो. 7तान केरता नाहं कि लागाडणार काय हि एने नाहं सिंचणारा, पुण बोगवानान आखा काय हि जो वोधावनारो हि. 8लागाडणार एने सिंचन केरणारा ज्या दुयू एकुच हेते; पुण प्रत्येक माणुह आपणाच मेहनतान आपणी मोजरी कामावी. 9काहाकाय आमु बोगवानान कामकेरणारे हेते; तुमूह बोगवानान खेत एने बोगवानान बोणाविल हेते.
10बोगवानान ता कृपेने अनुसार जे माहु आपील हि, मी बुद्धिमान राजमिस्र्या सारखा पाया टाकील, एने दिहीरा तापोर राद्दा मेली. पुण प्रत्येक व्यक्तीने होमंबालीन रिजी कि तो तापोर कोहलो बांधकाम करने. 11काहाकाय तो पायो जो यीशु मसीह हि, ताह सोडीन कूण दिहरो पायो नाह टाक सकीत 12जर कूण आवो पायापोर होनो केव्ही चांदी केव्ही मोलवान दिगुड केव्ही लाकडो केव्ही खेड केव्ही भूहटान काम केरू, 13तर प्रत्येक काम उघड एय; काहाकाय तो दिह केह, तान केरता कि तो अग्निबारोबर प्रगट एय एने ती आगठो प्रत्येकान कामाकेरता पारकलु कि ते इही हि. 14ज्यान काम पायापोर स्थिर बोणावीन रेंय, ताह मोजरी जुडी. 15जर कुणान काम बोलीन जाहू, तर तो तान तोटा एय; पुण तो स्वताह वोचील जाहो पुण हेलगतालो बाहेर पोड्ल्याहोस.
16काय तुमूह मालूम नाहं कि तुमूह बोगवानान मंदिर हि, एने बोगवानान आत्मा तुमरे माय रेणे? 17जर कूण बोगवानान मंदिराम नाश केरुहू तर बोगवान ताह नाश केरुहू; काहाकाय बोगवानान मंदिर पवित्र हि, एने ते तुमूह हि.
18कूण स्वताह फोसाडी लेहु मा. जर तुमुमायवालो कूण आवो जगाम स्वताह ज्ञानी समजी, तर तो मूर्खपणा ज्ञानी एय जाहू. 19काहाकाय आवो जगान ज्ञान बोगवानान आहने मूर्ख हेते जोहलो लिखील हि, “तो हुशार माहुउ तान चतुरामाय फोसाड देणे.” 20“प्रभु एने ओवतो ज्ञानवानाचे विचार मालूम हि ते वाया हेते.” 21तामुळे माणहेच काय भी गर्व केरूह नाहा, काहाकाय आखा काही तुमरो हि: 22काय पौलुस, काय अप्पुलोस, काय कैफा, काय जग, काय जीवन, काय मृत्यू, काय वर्तमान, काय भविष्य, आखा काही तुमरो हि, 23एने तुमूह मसीहान हेते, एने मसीह बोगवानान हि.
Currently Selected:
1 कुरिन्थियो 3: NLXNT
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
