1 कुरिन्थियो 2

क्रुस पोर चेढील मसीह ने विषयी संदेश

1हे बायहो, जेवी मी बोगवानान वचन केतेन तुमरेहे-यो आवो, ते शब्द एने ज्ञान से नाहा आवो. 2काहाकाय मी ज्यो ठेराव लियील इतू, का यीशु मसीह भी क्रुस पोर चेढाविल मसीहाह सोडीन एने काल्लोबी दिहिरी वातूह नाय जाणू 3मी अशक्त पणाने एने भितीपुररीन, एने जुलुम काटीन येतो तुवाहेर्यो रेणू; 4एने मारा वचन, एने मारो पोरचारा माय ज्ञानाह विहिरावणारी वात नाहं, पुण आत्मा एने सामर्थ्यान प्रेमान एता, 5तान केरता कि तुमरो विश्वास माणहान ज्ञानावर नाहं, पुण बोगवानान सामर्थ्यान अवलंबून हि.

बोगवानान ज्ञान

6तेभी पुण हेल्लीच माणहामाय आमु ज्ञान होमलाडेहे, पुण ता संसारान एने आवो संसारान नाश एणाराह हाकीम ज्ञान नाहं; 7पुण आमु बोगवानान ते लिकाडील ज्ञान, जे उघड नासोता रीतीपूर किथे ज्याह बोगवानान सनातना पासून आमरा महिमासाठी निवाड किरील हि. 8जे जगाच्या हाकीमां मधून कुनुस ओलखिल नाहं, कारण जर तास ओलखिल हि तर तेजस्वी प्रभुह क्रुस पोर चेढ़ाइल नसतू. 9पुण जोहलो लिखील हि.

“ज्या वातू डोलाकेरिन देखल्या नाहं, काना केरीन होमल्या नाहं, एने ज्या वातू माणहान विचाराम आवीन नाहं, तान हि ज्या बोगवानान आपणो प्रेम केनारान केरता बानावल्या हि.” 10पुण बोगवानान ताह आपणो आत्मान द्वारे आमरा उपेर प्रगट किरील, काहाकाय आत्मा आखी वातूह पारखी लेणे ओलख नाहं तर बोगवानान लिकाईल वातू पुण पारखणे लेणे. 11माणहा मायरीन कूण काल्लोबी माणहान वातू पारखिल्यु लेणे फक्त माणहान आत्मा जी तामाय हि, तोहोलोच बोगवानान वातू पुण कुणीहुच मालूम नाहं, फक्त बोगवानान आत्माच जाणीह. 12पुण आमु जगान आत्माह नाहं, पुण आमूह तो आत्मा जुडील हि जो बोगवाना फायरीन हि, का आमु त्यू वातूह जाण लेज्यू, ज्यू बोगवान आमूह आपील हि 13आमु माणहान हिकाडील वातुपोर नाहं, पुण आत्मा माय हिकाडील वातीमाय ज्याह आत्मिक वातीमाय मिलवीत होमलाळणे. 14पुण शारीरिक माणुह बोगवानान आत्मान वातू हिकाडी नाहं, काहाकाय ते तान नजरोम मुर्खातिही वातू सारकोस हि, एने नाहं ते तीह होमजू केरसेक्तालू कहाकाय तान ओलेख आत्मिक रीतीमाय एता. 15आत्मिक जन आखा काही पारखितो, पुण तो स्वताह कुणीफायरीन समजीत्लू जात नाहं. 16“काहाकाय प्रभुन मोन कोणीही मालूम हि का ताह हिकाडील” पुण आमरा माय मसीहान मोन हि.

Currently Selected:

1 कुरिन्थियो 2: NLXNT

Highlight

Copy

Compare