Éxodo 27
27
Scajtajib ta chiq'uel mahtanil pasbil ta bronce
1Ya me apas scajtajib ta chiq'uel mahtanil ta acacia-te', ho'eb xuhc'ubil#27.1 2 metros snahtil soc ho'eb xuhc'ubil sjamalil, pajal sp'isol te jujun xuhc, soc oxeb xuhc'ubil#27.1 1.3 metros te stoyolile. 2Pasbeya chaneb xulub ta schanebal xuhc; junax ya yich' pasel soc te scajtajib ta chiq'uel mahtanil, soc ya me apots ta bronce. 3Pasbeya yawil tan banti ya yich' stsobel, soc palahetic, muc'ul tazahetic, trinchehetic, soc yawil ac'al; ya me apas ta bronce spisil te bintic ya xtuhun yu'une. 4Pasbeya bin jalbil ta bronce; soc pasbeya sch'ocowil ta bronce ta schanebal xuhc. 5Tey me yac awac' ta ye'tal te lehchel scajtajib ta chiq'uel mahtanil, scuenta yu'un ohlil ya xc'oht yu'un te stoyolil. 6Pasbeya ta acacia-te' te sq'uechojibal soc ya me apots ta bronce. 7Te sq'uechojibal ya sohl ta sch'ocowil, hich ay sq'uechojibal ta jujujehch te c'alal ya yich' q'uechel bahele. 8Te scajtajib ta chiq'uel mahtanil ya me apas ta tabla, soc jochol ta yutil. Hich me yac apas te bin ut'il a'botat awil ta wits.
Yamaq'uil Nahilpac' Templo
9Ha nix hich ya me apasbe yamaq'uil te Nahilpac' Templo. Ta stojol sur ya me yich' maquel bahel ta jalbil lino, ho'winic (100) xuhc'ubil#27.9 45 metros. snahtil te jlehbe. 10Te jtahb yoyal soc te jtahb scajtajib ya me yich' pasel ta bronce, te sganchohil soc te sc'atal-te'el ya yich'ic pasel ta plata. 11Ha nix hich ta stojol norte ho'winic (100) xuhc'ubil snahtil te paq'ue, soc jtahb yoyal soc jtahb scajtajib pasbilic ta bronce. Te sganchohil soc sc'atal-te'el pasbilic ta plata. 12Te sjamalil te amac' ta stojol smahlib c'ahc'al, ha lajuneb yoxwinic (50) xuhc'ubil#27.12 22.5 metros. te paq'ue, soc lajuneb yoyal soc lajuneb scajtajib. 13Te sjamalil te amac' ta stojol banti ya xloc' tal c'ahc'al, ha lajuneb yoxwinic (50) xuhc'ubil. 14Te pac' ta jehch yu'un te yochibal, ho'lajuneb (15) xuhc'ubil,#27.14 7 metros. soc oxeb yoyal soc oxeb scajtajib. 15Ta yan jehch, lajuneb yoxwinic (50) xuhc'ubil, soc oxeb yoyal soc oxeb scajtajib. 16Te yochibal te amac' jtahb xuhc'ubil#27.16 9 metros. te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib. 17Spisil te yoyal ta sjoyobal te amac' ya yich' sch'ocowil ta plata. Te sganchohil pasbilic ta plata soc te scajtajib pasbilic ta bronce. 18Te snahtil te amac' ho'winic (100) xuhc'ubil, te sjamalil lajuneb yoxwinic (50) xuhc'ubil, soc ho'eb xuhc'ubil stoyolil; te paq'uetic yu'un pasbilic ta ts'otbil lino, soc te scajtajibic pasbilic ta bronce. 19Spisil te bintic ya xtuhun ta Nahilpac' Templo, ha chican banti ya xtuhunic, soc spisil te ts'apbil yich'o-ip yu'un te nahilpac', soc spisil te ts'apbil yich'o-ip yu'un te amac', ya me yich' pasel ta bronce.
Aceite yu'un c'ahq'uetic
20Pasa ta mandar te snich'nab Israel te ya yich'ic tal lequil aceite yu'un p'ebil olivahetic yu'un ya yich' tsunel, scuenta yu'un spisil ora ya xtihl te c'ahq'ue. 21Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.
Currently Selected:
Éxodo 27: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
