Éxodo 25
25
Mahtanil scuenta spasel te Nahilpac' Templo
1Te Jehová la yalbe te Moisés: 2Halbeya te snich'nab Israel te ac'a yich'bonic tal jmahtan. Spisil te mach'atic ta sc'anojel yo'tan ya yac', ya me awich'be te jmahtane. 3Hich ay te mahtaniletic yac atsob: oro, plata, cobre, 4yax, chi'in-yax soc tsajal estambre, soc t'ujbil lino, stsotsel tentsun, 5snuhculel stat tuminchij bombil ta tsaj, nuhculetic,#25.5 Ma mero chican bin chambahlamil, ay ya yalic dugongo o delfín, ha chambahlam te ay ta mar; o ay ya yalic cohtom. acacia-te', 6aceite yu'un c'ahc', ha'maletic te sumet yic' te ya xtuhun yu'un te aceite yu'un ch'ultesel soc yu'un pom te sumet yic', 7ónice tonetic, soc yan t'ujbil tonetic te ya xtuhun ta efod#25.7 Ha te bin slapoj te sacerdote, jteb ma pajaluc yilel soc chaleco. Ilawil 28.6-12. soc ta bolsa pac' ya xc'oht ta stahn.#25.7 Ha bolsa te limil ta stahn te muc'ul sacerdote te ha yawil te lahchayeb t'ujbil tonetic te seña yu'un te lahchaychahp snich'nab Israel. Ilawil 28.15-30 8Ac'a spasbonic ch'ul awilal, hich ya x'ayinon ta yohlilic. 9Spisil te bin ya ca'bat awil, hich me xapas te Nahilpac' Templo soc spisil te bintic ya xtuhun tey a.
Scaxahul te chapbil-c'op
10Ya me spasic scaxahul te chapbil-c'op ta acacia-te', j'ohlil yoxeb xuhc'ubil#25.10 1.10 metros snahtil, j'ohlil scheb xuhc'ubil#25.10 65 centímetros sjamalil, soc j'ohlil scheb xuhc'ubil stoyolil. 11Ya me apots ta puro oro ta yutil soc ta spat, soc ya me apasbe sch'ahlel ta pimil oro ta sjoyobal sti'il. 12Pasbeya chaneb sch'ocowil ta uhltesbil oro te yac awac' ta schanebal xuhc,#25.12 O: schanebal yoc chebcheb sch'ocowil ta jujujehch. 13Pasbeya sq'uechojibal ta acacia-te', ya me apots ta oro. 14Xija sohlel te sq'uechojibal ta sch'ocowil te ayic ta jujujehch te scaxahul te chapbil-c'op, yu'un ya yich' q'uechel bahel a. 15Tey ya xhilic a te sq'uechojibal ta sch'ocowil te scaxahul te chapbil-c'op; ma ba ya yich'ic loq'uesel. 16Ya me awotses ta scaxahul te chapbil-c'op te Testigo-c'op#25.16 Testigo-c'op: ha te cha'pehch ton te banti ts'ihbabil te lajuneb mandariletic. te ya ca'bate.
17Ya me apas yawil stahel perdón ta puro oro, j'ohlil yoxeb xuhc'ubil snahtil soc j'ohlil scheb xuhc'ubil sjamalil. 18Soc pasa cheb querubinetic ta oro ta jehch ta jehch te yawil stahel perdón, tembilic ta martillo. 19Pasa jun querubín ta jujujehch; junax ta pasel soc te yawil stahel perdón ta jehch ta jehch. 20Ya me stoy mohel te xiq'uic te querubinetic ta yaxintesel te yawil stahel perdón; ya snuhp'usitay sbahic ta yilel te yawil stahel perdón. 21Ya me awac' te yawil stahel perdón ta sba te scaxahul te chapbil-c'op soc ya me awotses ta yutil te Testigo-c'op te ya ca'bate. 22Tey ya jta jbahtic a ta sba te yawil stahel perdón, ta yohlil te cheb querubinetic te ay ta sba te scaxahul Testigo-c'op, tey ya calbat a spisil te jmandar yu'un te snich'nab Israel.
Mesa yu'un pan ac'bil ta stojol Dios
23Soc ya me apas mesa ta acacia-te', cheb xuhc'ubil#25.23 90 centímetros snahtil, xuhc'ubil#25.23 45 centímetros sjamalil, soc j'ohlil scheb xuhc'ubil#25.23 65 centímetros stoyolil. 24Ya me apots ta puro oro soc ya me apasbe sch'ahlel ta oro ta sjoyobal sti'il. 25Ya me atsehlambe ta sjoyobal sti'il jayal tabla te jtahn c'abal#25.25 7 centímetros sjamalil, soc pasbeya sch'ahlel ta oro ta sjoyobal. 26Pasbeya chaneb sch'ocowil ta oro, a'beya ta jujun xuhc ta banti ay te chaneb yoque. 27Tey ta ye'tal te jayal tabla ya xc'oht te ch'ocowiletic te banti ya x'och te sq'uechojibal te ya yich' q'uechel bahel a. 28Pasa te sq'uechojibal ta acacia-te' soc ya me apots ta oro; ha ya yich' q'uechel bahel a te mesa. 29Soc pasbeya platohetic, cucharahetic, oxometic, soc muc'ul tazahetic te ya xtuhun yu'un malbil mahtaniletic; ya me apasticlan ta puro oro. 30Ya me awac' ta mesa spisil ora te pan ac'bil ta jtojole.
Scajtajib c'ahc' pasbil ta oro
31Soc ya me apas scajtajib c'ahc' ta puro oro, tembil ta martillo; junax ta pasel te yoc, ste'el, svasohil, swolnich, soc snich. 32Ya me xloc' waqueb sc'ab ta ste'el, ox-oxeb ta jujujehch. 33Ta jch'ix sc'ab ay oxeb yawil te hich yilel te bin ut'il snich almendro soc swolnich soc snich; ta yan sc'ab ay oxeb yawil te hich yilel te bin ut'il snich almendro soc swolnich soc snich; hich ta hich ta jujuch'ix sc'ab te ya xloc' ta ste'el. 34Ta ste'el te scajtajib c'ahc' ay chaneb yawil te hich yilel te bin ut'il snich almendro soc swolnich soc snich. 35Ay jun swolnich ta ye'tal ta banti ya xloc' te cheb sc'ab, hich ta hich ta jujuchej te swaquebal te sc'abc'abe. 36Te swolnich soc te sc'abc'ab junax pasbil ta puro oro tembil ta martillo. 37Soc pasbeya huqueb yawil c'ahq'uetic te yac atsunticlan yu'un ya sacubtes bahel q'uinal a. 38Te stenazahil yu'un sloq'uesbeyel sc'ahq'uemal smechahil soc te platohetic yu'un ya me yich' pasel ta puro oro. 39Ta jun talento#25.39 33 kilos puro oro yac apas te scajtajib c'ahc' soc spisil te bintic ya xtuhun yu'une. 40Hich me xapas te bin ut'il la jca'bat awil ta wits.
Currently Selected:
Éxodo 25: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
