1. Mojsije 48
48
O Jakov blagoslovil e Efreme thaj e Manasija
1Pale nesavo vreme phende e Josifese: “Ćo dad si nasvalo.” Tegani o Josif lija pesa pe duje čhaven, e Manasija thaj e Efreme, thaj đele te dićhen e Jakove.
2Kana phende e Jakovese: “Avilo ćo čhavo o Josif tute,” o Izrael ćidija zuralipe thaj bešlo ke po than e sojimaso.
3O Jakov phenda e Josifese: “O Emzuralo Dol sikadilo manđe ano Luz, ani phuv i Hanaansko, thaj odori blagoslovisada man. 4Phenda manđe: ‘Tutar ka ćerav baro narodo thaj ka dav tut bute potomkuren. Kaja phuv ka dav ano nasledstvo će potomkurenđe ane sa e đivesa.’ 5Gija akana, ćire duj čhave save bijandile tuće ano Egipat angleder so aviljem tute kate, nek aven mingre. O Efrem thaj o Manasija nek aven mingre sar o Ruvim thaj o Simeon. 6A čhave save ka bijandon tuće pale lende, nek aven ćire. Lengo nasledstvo nek vodil pe talo alav lenđe phralengo, e Efremeso thaj e Manasijaso. 7Kava ćerav baše ći dej i Rahilja. Ki mingri žal, voj muli ani phuv i Hanaansko, ko drom paši Efrata kana irisaljem andaro Padan. Prahosadem la odori pašo drom ani Efrata.” (Gova si avđive o Vitlejem.)
8Kana o Izrael dikhlja e Josifese čhaven, pučlja: “Ko si kala?”
9O Josif phenda pe dadese: “Kala si me čhave, saven o Dol dija man kate.”
Vov phenda lese: “An len mande, te blagosloviv len.”
10O Izrael naštine taro phuripe šukar te dićhol. Kana anda len o Josif paše leste, leso dad čumidija len thaj grlisada len.
11Pale gova o Izrael phenda e Josifese: “Dijem gođi kaj nikad ni ka dikhav tut, al akana o Dol dija man te dikhav thaj će čhaven.”
12Tegani o Josif crdija len tare koča e Izraelese thaj pelo mujesa dži ki phuv. 13O Josif lija len soldujen, e Efreme pese tari desno rig, premalo Izraeleso levo va, thaj e Manasija pese tari levo rig, premalo Izraeleso desno va, thaj gija anda len popaše lese. 14Al o Izrael čhuta po desno va ko šoro e Efremeso, iako sasa ciknjeder, a po levo va po šoro e Manasijaso. Gija prekrstisada pe vasta iako sasa o Manasija phureder.
15Tegani blagoslovisada e Josife vaćarindoj:
“O Dol, kase ano pačajipe služisade
me dada o Avraam thaj o Isaak,
o Dol, savo sasa mo pastiri
tare mo ternipe dži avđivesutno đive,
16o anđelo savo ikalda man tare dži jekh bilačhipe,
nek blagoslovil kale čhaven.
Pale lende te dol pe gođi pe mingro alav
thaj pe alava me dadenđe, e Avraameso thaj Isaakoso,
thaj te aven len but čhave ki sa i phuv!”
17Kana o Josif dikhlja kaj o Izrael čhuta po desno va po šoro e Efremeso, ni sasa lese sa jekh, pa lija o va pe dadeso thaj manglja te crdol le taro šoro e Efremeso ko šoro e Manasijaso.
18O Josif phenda pe dadese: “Na gija, dade, kava si phureder, lese čhuv ćo desno va ko šoro.”
19Al leso dad ni manglja, nego phenda: “Džanav, čhaveja mingreja, džanav. Thaj tare potomkura e Manasijase ka avol narodo. O Manasija ka avol baro, al leso ciknjeder phral, o Efrem, ka avol pobaro lestar thaj tare Efremese potomkura ka aven but bare narodura.”
20Gija o Izrael blagoslovisada len ane gova đive thaj phenda:
“Tumare alavencar e Izraelcura ka blagoslovin gija:
O Dol te ćerol tut sar e Efreme thaj e Manasija!”
Gija o Jakov čhuta e Efreme anglo Manasija.
21Pale gova o Izrael phenda e Josifese: “Akh, me sigate ka merav, al o Dol ka avol tumencar thaj palem ka inđarol tumen ani phuv tumare paradadenđi. 22A tuće dav jekh kotor phuv po but nego će phralen: o plodno krajo Sihem, savo prelijem tare Amorejcura me mačosa thaj džitkasa.”
Currently Selected:
1. Mojsije 48: GSP
Highlight
Share
Copy
Want to have your highlights saved across all your devices? Sign up or sign in
