1. Mojsije 47
47
O Jakov blagoslovil e faraone
1O Josif đelo thaj vaćarda e faraonese: “Mo dad thaj me phrala, pire cikne thaj e bare stokasa thaj sa kolesa so isi len, resle taro Hanaan thaj akana si ano Gošen.”
2Tegani lija pandĹľen tare pire phrala thaj anda len anglo faraon.
3O faraon pučlja e Josifese phralen: “Savi bući ćeren?”
Von vaćarde: “Amen, ćire sluge, arakha stoka sar so gova ćerde i amare paradada.” 4Thaj vadži phende e faraonese: “Aviljam te beša nesavo vreme ane kaja phuv sar abandžije, golese kaj si but baro bokhalipe ani phuv i Hanaansko thaj naj so te čaron e stadura ćire slugenđe. Golese, moli tut, mukh amen, ćire slugen, te beša ano Gošen.”
5O faraon vaćarda e Josifese: “Avile tuće ćo dad thaj će phrala. 6O Egipat si tuće putardo. Inđar će dade thaj će phralen ano emšukar kotor kale phuvako. Nek živin ano Gošen. A te džangljan kaj isi maškar lende sposobna manuša, čhuv len te aven nadglednikura pe mi stoka.”
7Tegani o Josif anda ano dvor pe dade e Jakove thaj inđarda le anglo faraon. O Jakov blagoslovisada e faraone 8thaj o faraon pučlja e Jakove: “Kobor berš isi tut?”
9O Jakov phenda lese: “Phirav šelutranda (130) berš ki kaja phuv. Naj man but berša thaj sesa phare. Mingre berša naj ni paše e beršenđe mingre paradadenđe.”
10Gija o Jakov blagoslovisada e faraone thaj Ä‘elo lestar.
11Gija o Josif inđarda pe dade thaj pe phralen ani Ramzesesi phuv, ani emšukar phuv ano Egipat, thaj odori dija len imanje, sar so zapovedisada o faraon. 12O Josif anola xape pe dadese, pe phralenđe thaj sa lese dadese familijaće, premal gova kobor čhavore sesa len.
O bokhalipe ano Egipat
13Ani sa i phuv ni sasa xape, golese so o bokhalipe sasa but pharo, pa e manuša taro Egipat thaj tari phuv i Hanaansko oslabisade taro baro bokhalipe. 14O Josif ćidija sa e pare savencar e manuša taro Egipat thaj tari phuv i Hanaansko ćinena điv, thaj o Josif anola e pare ane faraoneso dvor.
15Kana ni ačhilo vadži pare ano Egipat thaj ani phuv i Hanaansko, sa e Egipćanura avile ko Josif thaj molisade le: “De amen xape. Sose te mera tuće angle jakha? Naj amen vadži pare.”
16O Josif vaćarda: “Golese so ačhiljen bize pare, anen tumare stoka. Ka dav tumen xape ani zamena baši tumari stoka.”
17Tegani von ande e Josifese pe stoka, a vov dija len xape ani zamena baše lenđe grasta, bakre, buze, guruva thaj hera. Gova berš dija len xape ani zamena paši lenđi stoka.
18Kana gova berš nakhlo, aver berš e manuša palem avile ko Josif thaj vaćarde: “Našti garava tutar, gospodarona, kaj naj amen vadži pare thaj i amari stoka si akana ćiri. Naj vadži khanči so ačhilo te da tut, gospodarona, sem te da tut amen korkoren thaj amare njive. 19Sose te mera angle ćire jakha thaj te ačhen pusta amare njive? Ćin amen thaj amare njive ani zamena xamase, thaj amen katane amare njivencar ka ava e faraonese robura. De amen semenura, te ačha džuvde, te ni mera thaj e njive te ni ačhen pusta.”
20Gija o Josif ćinda e faraonese sa i phuv ano Egipat. Sa e Egipćanura bićinde pumare njive, golese so o bokhalipe sasa but baro. Gija sa i phuv postanisada e faraonesi, 21thaj gija e manuša taro Egipat, taro jekh krajo dži ko aver, postanisade e faraonese robura. 22Ni ćinda samo e sveštenikurenđe njive, golese so o faraon redovno brinila pe lendar thaj sasa len sa so trubula len džuvdimase. Golese e sveštenikura ni bićinde pumare njive.
23O Josif vaćarda e manušenđe: “Avđive ćindem e faraonese tumen thaj tumare njive. Len o seme thaj sejin e njive. 24Al kana ka ćiden o bijanipe so sejisaden, den e faraonese o pandžto kotor, a kola aver štar kotora te ačhol tumenđe sar seme baše njive thaj sar xamase tumenđe, baše tumari familija thaj tumare čhave.”
25Von phende: “Tu spasisadan amaro džuvdipe. Arakhljam milost ane ćire jakha gospodarona, golese ka ava robura e faraonese.”
26Gija o Josif anda naredba baše egipatske njive, savo važil dži avđive: o pandžto kotor si e faraoneso. Samo e sveštenikurenđe njive ni preperena e faraonese.
E Jakovesi poslednjo Ĺľelja
27E čhave e Izraelese bešle ano Egipat, ani phuv o Gošen. Odori barvajle thaj but množisajle.
28O Jakov bešlo ano Egipat vadži dešefta (17) berš, gija sasa le šelusaranda thaj efta (147) berš.
29Al kana avilo o vreme o Izrael te merol, vov akharda pe čhave e Josife thaj phenda lese: “Te arakhljem milost ane ćire jakha, čhuv ćo va pe me čanga thaj obeći manđe kaj ka sikave manđe baro manglipe thaj vernost: Ma te praho man ano Egipat. 30Kana ka merav, inđar man andaro Egipat thaj praho man odori kaj si prahome i mingre dada.”
O Josif vaćarda lese: “Ka ćerav sar vaćare manđe!”
31O Jakov phenda lese: “Xa tut manđe sovli!” Thaj o Josif xalja sovli.
Tegani o Izrael poklonisajlo thaj dija slava e Devlese ke po than e sojimaso.
Currently Selected:
1. Mojsije 47: GSP
Highlight
Share
Copy
Want to have your highlights saved across all your devices? Sign up or sign in
