2. Samuilo 18
18
E Avesalomeso meripe
1O David ćidija thaj đinda pe vojska savi sasa lesa thaj čhuta zapovednikuren pe milje (1 000) thaj pe šel (100) džene. 2I angluni trećina tari vojska čhuta tale Joaveso zapovedništvo, i dujto talo zapovedništvo e Joavese phraleso, e Avišajeso, o čhavo e Cerujako thaj i trito trećina talo zapovedništvo e Itajaso taro Gat.
O caro naredisada te pojdin thaj phenda: “I me ka džav tumencar.”
3Al i vojska vaćarda lese: “Tu ni smi te dža. Te trubujam te naša, lenđe gova khanči ni ka značil. Pa i te amendar opaš mudardiva, lenđe i gova khanči ni ka značil. Al tu korkoro vredi sar amen deš milje (10 000). Golese ka avol pošukar te pomoži amen andaro foro.”
4Pe gova o caro vaćarda: “Ka ćerav gija sar so dijen gođi kaj si emšukar.”
Tegani ačhilo paši kapija sa dži kaj nakhli i vojska ane čete tare šel thaj tare milja džene.
5O caro vadži phenda e Joavese, e Avišajese thaj e Itajese: “Aven kovle premalo terno Avesalom, baše mande.”
Sa i vojska šunda so o caro zapovedisada e zapovednikurenđe bašo Avesalom. 6Gija i vojska iklili ano polje ko maripe protiv o Izrael. O maripe sasa ane Efremese veša, 7a odori e Davidese sluge pobedisade e izraelskone vojska. Gova đive sasa but baro čhinipe: biš milje (20 000) manuša mudardile. 8O maripe širisajlo ane sa gova krajo, thaj gova đive pobut žrtve inđarda o veš nego o mačo.
9O Avesalom slučajno iklilo angle Davidese sluge. Dži kaj jašisada ki pi xerni nakhlo tare gusta kašta e hrastese. E Avesalomeso šoro zaglavisajlo maškare kašta, pa ačhilo te visil ano vazduho, a i xerni lesi nastavisada te džal.
10Gova dikhlja jekh vojniko, pa vaćarda e Joavese: “Akana dikhljem e Avesalome sar visil ko jekh hrast.”
11A o Joav phenda e vojnikose so javisada lese: “So! Dikhljan le? Pa sose ni mudardan le pa mukhljan le ki phuv? Dava bi tut deš srebrnjakura thaj marimasi kuštik.”
12A o vojniko phenda lese: “Ke vasta te đinen manđe milja (1 000) srebrnjakura, ne bi vazdava mo va pe caroso čhavo. Amare kanencar šundam kana o caro zapovedisada tuće, e Avišijase thaj e Itajese: ‘Araćhen e terne Avesalome, baše mande.’ 13Te čalavava po caro gija so bi mudarava lese čhave – a taro caro khanči našti garavol pe – ni tu ne bi ačhesa ki mingri rig.”
14O Joav vaćarda: “Ni hasarav mo vreme kate tusa.”
Tegani lija trin kopljura thaj čhuta len ano ilo e Avesalomese dži kaj vov vadži visisada džuvdo ko hrast, 15a deš e Joavese štitonoše okolisade e Avesalome, perade le thaj mudarde le.
16Tegani o Joav phurdija ano bakrano šing, thaj i vojska ačhada te juril e Izraelcuren, golese so o Joav gija ačhada len. 17Lije e Avesalome, pa čhudije le ani jekh bari jama ano veš, pa učharde la bute barencar. A ke gova vreme sa e Izraelcura našle ke pumare ćhera.
18Vadži kana sasa džuvdo, o Avesalom lija jekh stubo thaj čhuta le sar spomeniko pese ane Caresi dolina, golese vaćarda: “Naj man čhavo savo ka araćhol i uspomena pe mingro alav.” O spomeniko akharda pale piro alav, pa vov i ko avđivesutno đive akhardol e Avesalomeso spomeniko.
O David dodžanol baše Avesalomeso meripe
19O Ahimaac, o čhavo e Sadokeso phenda e Joavese: “De man te prastav thaj te javiv e carose lačho haberi kaj o GOSPOD opravdisada le gija so ikalda le andare vasta e dušmanurenđe.”
20O Joav phenda lese: “Avđive našti ave glasniko taro lačho haberi. Šaj ave glasniko taro lačho haberi aver drom, al avđive našti, golese so e caroso čhavo mulo.”
21Tegani o Joav phenda jekhe Kušaninese: “Dža thaj javi e carose so dikhljan.”
O Kušanino pelo ke koča anglo Joav, a pale gova đelo prastandoj.
22O Ahimaac o čhavo e Sadokeso palem phenda e Joavese: “Nek avol so avol, samo, moliv tut, mukh man te prastav palo Kušanino.”
O Joav pučlja le: “Sose manđe te dža, mo čhavo, kana ni inđare šukar haberi baše savo našti ave nagradimo?”
23Al o Ahimaac phenda: “Nek avol so avol, mangav te prastav.”
O Joav tegani vaćarda lese: “Praste onda.” O Ahimaac prastija dromesa maškari ravnica thaj nakhada kole Kušanino.
24Dži kaj o David bešlo maškari avrutni thaj andruni kapija, o stražari uštilo ko krovo po prolaz maškare kapije thaj dikhlja jekhe manuše sar korkoro prastol. 25O stražari dija vika thaj phenda e carose, a o caro vaćarda lese: “Te si korkoro, sigurno anol nesavo haberi.”
A o Ahimaac avola sa popaše.
26O stražari dikhlja vadži jekhe sar prastol, pa vaćarda e manušese ko vudar: “Ak vadži jekh prastol korkoro!”
Pe gova o caro phenda: “I kava anol nesavo haberi.”
27O stražari phenda: “Činil pe manđe kaj kava savo anglal prastol si sar o Ahimaac o čhavo e Sadokeso.”
O caro phenda: “Vov si šukar manuš thaj anol šukar haberi.”
28O Ahimaac dija vika premalo caro: “Zdravo”, pelo ke pe koča mujesa dži i phuv pa vaćarda: “Hvala e GOSPODESE, ćire Devlese, so ane vasta dija amen kolen so uštile protiv tute, mingreja gospodarona carona.”
29A o caro pučlja le: “O terno čhavo o Avesalom džuvdo li si thaj sasto?”
O Ahimaac pe gova vaćarda lese: “Dikhljem bari pometnja baš kana o Joav bičhalda pire sluga thaj man, al ni džanav so sasa.”
30O caro phenda lese: “Ačh ki rig thaj ađućar.”
Gija o Ahimaac ačhilo ki rig, pa ađućarda.
31Ane gova reslo kova Kušanino thaj phenda: “Gospodarona, carona, šun o šukar haberi: O GOSPOD avđive opravdisada tut gija so ikalda tut andare vasta savorendar save uštile protiv tute.”
32O caro pučlja le: “A o terno čhavo, o Avesalom, džuvdo thaj sasto li si?”
A o Kušanino vaćarda: “Nek ćire dušmanura, gospodarona carona, thaj savore save ušten protiv tute te ćeren tuće bilačhipe, naćhen sar gova terno čhavo!”
33Golese o caro zurale uznemirisajlo, pa đelo ani upruni soba upreder e forosi kapija thaj lija te rovol.
Dži kaj gija phirola, o caro vaćarda: “Avesalome, mo čhavo! Avesalome, mo čhavo, mo čhavo! Te mudardivava me umesto tute! Avesalome, mo čhavo, mo čhavo!”
