2. Samuilo 17
17
E Ahitofeleso savet properol
1O Ahitofel vaćarda e Avesalomese: “Bi biriva dešuduj milje (12 000) manušen, pa bi erat džava ani potera palo David. 2Bi napadiva le dži kaj si vadži umorno thaj slabo thaj bi čhuvava lese dar ane kokala. Tegani bi sa o narodo savo si lesa našola. Bi mudarava samo e caro, 3a sa e narodo bi iriva tute. A sar bi avola mudardo samo kova kas rode, savore bi irina pe. Sa o narodo bi ačhola džuvdo thaj sasto.”
4Kava plan sviđisajlo e Avesalomese thaj sa e izraelskone starešinenđe, 5al o Avesalom vaćarda: “Akharen i e Hušaje e Arkijco, te šuna so vov isi le te vaćarol.”
6Kana o Hušaj avilo leste, o Avesalom phenda lese: “O Ahitofel gija thaj gija savetujisada amen. Te ćera li gija sar so vaćarda amenđe? Te na, vaćar amenđe so tu de gođi.”
7O Hušaj phenda e Avesalomese: “Kava drom e Ahitofeleso savet naj šukar. 8Tu džane će dade thaj lese manušen. Von si e marimase manuša, holjame sar mečka savatar lije laće ciknen. A ćo dad si iskusno manuš ko maripe thaj ni ka nakhavol i rat e narodosa. 9Vov sigurno već garadilo ane nesavi jama il aver nesavo than. Ako vov angleder napadil ćire vojska, ko god te šunol baše gova ka phenol kaj ći vojska si mudardi. 10Tegani i o emhrabro vojniko, kaso ilo si sar e lavoso, ka hasardol tari dar. Golese so, sa o Izrael džanol kaj si ćo dad manuš e marimaso thaj kola so si lesa si bizi dar.
11Golese dav tut kava savet: Ćide sa e Izraelcuren taro Dan ko sever dži ki Beer-Ševa ko jug – save si sar pošik ki morsko obala – thaj tu lencar dža ko maripe. 12Tegani ka napadi le bilo kaj te avol. Ka učhara le, sar i rosa kana učharol i phuv. Ni ka ačhava ano džuvdipe ni le ni bilo kas tare lese manuša. 13Te crdija pe ane nesavo foro, sa e Izraelcura ka anen dorika thaj ka vucin e duvara e forose ano potoko, gija te našti araćhol pe lestar ni emcikno bar.”
14Tegani o Avesalom thaj sa e Izraelcura vaćarde: “O savet e Hušajeso e Arkijcoso pošukar si tare Ahitofeleso savet.” Golese o GOSPOD zurale odlučisada te uništil e Ahitofeleso šukar savet, te bi e Avesalome araćhola o bilačhipe.
15O Hušaj vaćarda e sveštenikurenđe e Sadokese thaj e Aviatarese: “O Ahitofel dija savet e Avesalome thaj e izraelskone starešinen te ćeren gija thaj gija, a me dijem savet te ćeren gija thaj gija. 16Sigate bičhalen haberi e Davidese: ‘Erat ma te sove ke ravnice ani pustinja, nego nakh ki aver obala, te ma mudardo tu thaj sa o narodo so si tusa.’”
17O Jonatan thaj o Ahimaac sesa ko En-Rogel. Odori džala jekh sluškinja thaj vaćarola lenđe sa so desil pe, golese so len khoni ni tromaja te dićhol sar džan ano foro. Von tegani bi džana thaj bi vaćarena gova e carose e Davidese. 18Al len dikhlja jekh terno čhavo thaj javisada e Avesalomese, pa von duj džene sigate đele gothar ano Bahurim, gothe avile dži ko ćher jekhe manušeso kas sasa bunari ani avlin. Mukhlje pe ano bunari, 19a lesi romni lija i ćebava, buljarda la upral prekalo bunari thaj odupral čhuta điv, pa gija khanči naštine te primetil pe.
20Kana e Avesalomese sluge avile ki goja romni ano ćher, pučlje: “Kaj o Ahimaac thaj o Jonatan?”
Voj phenda lenđe: “Nakhle prekalo potoko.”
Von rodije len, al ni arakhlje len, pa irisajle ano Jerusalim.
21Kana đele, kola duj džene iklile andaro bunari thaj đele te vaćaren e Davidese.
Von phende e Davidese: “Džan sigate thaj naćhen prekali len, golese so o Ahitofel gija thaj gija vaćarda protiv tumende.”
22Gija o David thaj sa o narodo save sesa lesa, spremisajle thaj nakhle i len o Jordan. Dži i sabalin ni ačhilo ni jekh manuš savo ni nakhlja prekali len.
O Ahitofel mudarol pe
23Kana o Ahitofel dikhlja kaj ni prihvatisade leso savet, upregnisada e here thaj pojdisada ćhere ane po bijando foro. Odori dija naređenje pe ćherutnenđe, a pale gova umlada pe. Gija mulo, pa prahosade le ano lese dadeso limori.
O Avesalom naćhol i len o Jordan
24O David đelo ano Mahanajim, a o Avesalom nakhlja i len o Jordan sa e Izraelcurencar. 25Ko than e Joaveso o Avesalom bašo glavno zapovedniko čhuta e Amase, e čhave e manušese savo akhardola Jitra. O Jitra sasa Izraelco savo suta e Avigaelasa i čhej e Nahašesi, phen e Joavese daće e Cerujaće. 26E Izraelcura thaj o Avesalom ćerde logori ano Gilad.
27Kana o David reslo ano Mahanajim, o Šovi o čhavo e Nahašeso andari Raba ano Amon, thaj o Mahir o čhavo e Amieleso andaro Lo-Devar thaj Barzilaj, Gilađanino andaro Rogelim, 28ande posteljine, činije thaj phuvale čare, a xamase điv, ječam, aro, pržime zrnura, fusuj, leća, pržime jarma, 29avđin, urda, cikni stoka thaj guruvnjano ćiral. Gova ande ko David thaj ko narodo savo sasa lesa, golese so vaćarde: “O narodo ani pustinja si bokhalo, umorno thaj trošalo.”
