2. Samuilo 15
15
O Avesalom boril pe bašo vlast
1Pale nesavo vreme, o Avesalom arakhlja pese marimaso vordon thaj grasten thaj pinda (50) dženen save prasten angle leste te pripremin lese o drom. 2Bi uštola rano ki sabalin thaj bi ačhola pašo drom savo džal premali forosi kapija. Kana bi khoni avola te anol nesavi žalba o caro te presudil, o Avesalom bi dola vika: “Andar savo foro san?” A kana bi kova vaćarola tare savo si Izraelsko pleme, 3o Avesalom bi vaćarola: “Ćire zahtevura si opravdime thaj šukar, al kate naj e caroso predstavniko savo šaj šunol tut.” 4Thaj vadži vaćarola: “E, kana bi man čhuvena bašo sudija ane kaja phuv! Onda bi dži jekh manuš kas isi nesavi žalba il spor, šajine bi avol mande a me bi dikhava te sudil pe lese pali pravda.” 5A kana bi avola khoni te perol ke koča angle leste, o Avesalom bi zagrlila le thaj bi čumidola le. 6Gija ćerola premal sa e Izraelcura save avena ko caro te roden pravda thaj gija osvojisada e ile e Izraelcurenđe.
7A kana nakhle štar berš, o Avesalom vaćarda e carose: “Mukh man te džav ano Hevron te pherav o zavet savo dijem e GOSPODESE. 8Dži kaj me, ćo sluga, živisadem ano Gešur, ano Aram, gija dijem zavet: ‘Te o GOSPOD inđarda man palal ano Jerusalim, ka perav ke koča e GOSPODESE ano Hevron.’”
9O caro phenda lese: “Dža ano mir.” Thaj o Avesalom đelo ano Hevron.
10Pale gova o Avesalom bičhalda glasnikuren čorale ke sa e izraelska plemenura, te phenen: “Kana ka šunen o zvuko tare bakrenđe šinga, phenen: ‘O Avesalom postanisada caro e Izraeleso ano Hevron!’”
11A e Avesalomesa đele dujšel (200) manuša andaro Jerusalim. Sesa akharde sar gostura thaj đele, al von khanči ni džanglje so si lese ki gođi. 12Dži kaj o Avesalom dola žrtven, bičhalda palo Ahitofel o Gilonco, savo sasa e Davideso savetniko, te avol andaro piro bijando foro o Gilo. Gija i zavera zurajli thaj o narodo sa pobut naćhena ke Avesalomesi rig.
O David našol andaro Jerusalim
13Jekh glasniko avilo ko David thaj phenda: “E Izraelcurengo ilo irisajlo premalo Avesalom.”
14Pe gova o David phenda sa pire službenikurenđe save sesa lesa ano Jerusalim: “Te ni našljam sigate, nijekh amendar ni ka šaj te spasil pe taro Avesalom. Sigate mora te dža, te ni resol amen pa te čhudol pe amende bilačhipe thaj te mudarol mačosa savoren ano foro!”
15E carose službenikura vaćarde: “Gospodarona, carona, ka ćera sar tu manđe.”
16O caro pojdisada phirindoj, a sa lese ćherutne đele pale leste. Ačhada samo deše romnjen-ropkinjen te vodin redo tari palata. 17Dži kaj o caro thaj sa o narodo ikljona andaro foro, ačhile pašo empaluno ćher. 18Pašo caro o David nakhle sa lese službenikura, a gija thaj sa e Kerećanura thaj e Peletovcura, thaj sa e šovšel (600) Gitejcura save avile lesa andaro Gat.
19O caro pučlja e Itaje, e Gitejco: “Sose i tu dža amencar? Iri tut thaj ačho pašo nevo caro. Tu san abandžija, a paše gova, ikaldo san andari ćiri phuv. 20Eraći aviljan amende, pa dal već avđive te čhuvav tut te phire mancar akari-okori, kana ni me korkoro ni džanav kaj džav? Iri tut thaj tusa inđar će manušen, a e Devleso manglipe thaj o vernost nek avol tumencar.”
21Al o Itaj vaćarda e carose: “Xama sovli po GOSPOD o džuvdo thaj pe tute, gospodarona carona, kaj god te ave tu, džuvdo il mulo, ka avav i me, ćiro sluga.”
22Pe gova o David phenda lese: “Šukar, dža anglal.”
Gija o Itaj, o Gitejco, đelo anglal pire manušencar, e romnjencar thaj e čhavencar save sesa lencar.
23Sa i phuv zurale ruja dži kaj o narodo naćhola. O caro nakhlo prekali dolina Kidron thaj sa o narodo đelo dromesa premali pustinja. 24Gothe sasa i o Sadok thaj e Levitura save inđarde o Kovčego e Devlese savezesa. Von mukhlje e Devleso kovčego ki phuv, pa o Aviatar ćerda o adeti e phabarde žrtvengo, dži kaj sa o narodo ni iklilo andaro foro.
25O caro phenda e Sadokese: “Iri e Devleso kovčego ano foro. Te arakhljem milost ane GOSPODESE jakha, vov ka iril man palal thaj ka dol man palem te dikhav o kovčego thaj leso boravište. 26Al te phenda: ‘Naj sem zadovoljno tusa’, nek ćerol mancar sar so dol gođi kaj si emšukar.”
27O caro vadži vaćarda e sveštenikose e Sadokese: “Naj li san tu dikhljarno? Iri tut ano foro ano miro. Inđar tusa će čhave e Ahimaace thaj e Aviatarese čhave, e Jonatane. Tu thaj o Aviatar irin tumen tumare duje čhavencar, 28a me ka ađućarav ke ravnice ani pustinja, dži kaj ni bičhalen manđe haberi.”
29Gija o Sadok thaj o Aviatar irisade e Devleso kovčego ano Jerusalim thaj ačhile odori.
30A o David džala naupre ki Maslinsko gora rojindoj. Leso šoro sasa učhardo, thaj phirola prnango tari žal. Thaj sa o narodo savo sasa lesa učharda po šoro thaj ruja.
31E Davidese phende: “O Ahitofel si maškare kola save pobunisajle e Avesalomesa.”
Golese o David molisajlo: “GOSPODE, ćer e Ahitofelese savetura te aven bihaljarde.”
32Kana o David reslo upre ko brego, odori kaj perola ke koča anglo Dol, gothe ađućarda le o Hušaj o Arkijco, a lese šeja sesa pharade thaj ko šoro sasa le praho.
33O David phenda lese: “Te pojdisadan mancar, ka ave manđe ko pharipe. 34Al, te irisaljan ano foro thaj te vaćardan e Avesalomese: ‘Ka avav ćo sluga, carona. Sema sluga će dadeso, a akana ka avav ćiro’, ka šaj te pomoži manđe gija so ka rumi e Ahitofelese savetura. 35Odori tusa ka aven i e sveštenikura o Sadok thaj o Aviatar, pa tu vaćar lenđe sa so ka šune ane carosi palata. 36Lencar si thaj lenđe duj čhave, o Ahimaac, o čhavo e Sadokeso thaj o Jonatan, o čhavo e Aviatareso. Prekale lende vaćar manđe sa so ka šune.”
37Gija e Davideso savetniko o Hušaj, reslo ano Jerusalim baš kana o Avesalom dija ano foro.
