2. Samuilo 14
14
O Avesalom iril pe ano Jerusalim
1O Joav, o čhavo e Cerujako, džanglja so e caro dukhal o ilo palo Avesalom, 2pa bičhalda manušen ani Tekoa pali jekh lukavo džuvli.
Vov phenda laće: “Ćer tut kaj san ani žal. Urav tut šeja bašo žalost thaj ma makh tut uljesa. Ponaši tut sar romni savi but đivesa rovol pale kova savo mulo, 3pa dža ko caro thaj vaćar lese kova so ka phenav tuće.”
Tegani o Joav vaćarda laće so te phenol.
4Kana i džuvli andari Tekoa avili ko caro, peli ke koča angle leste mujesa dži i phuv, pa vaćarda: “Pomoži manđe, carona!”
5O caro pučlja la: “So mučil tut?”
A voj vaćarda lese: “Udovica sem – mo rom mulo. 6Man, će sluškinja, sesa duj čhave. Von marde pe ano polje, thaj khoni ni sasa te crdol len, pa jekh čalada thaj mudarda e dujtone. 7Akana sa i familija uštili protiv mande thaj vaćaren: ‘De amen e phrale-ubica, te mudara le, golese so lija o džuvdipe pe phraleso. Gija ka uništi e nasledniko.’ Von gija, manđen te mudaren mingri jedino nada savi ačhili manđe, te ma ačhaven ni alav, ni potomstvo ki phuv tare mo rom.”
8Tegani phenda laće o caro: “Dža ćhere, a me nekase ka zapovediv te završil gova.”
9A i džuvli andari Tekoa phenda lese: “Mingreja gospodarona carona, nek i krivica avol pe mande thaj pi mi porodica. O caro thaj leso carstvo naj banđe ane sa kava.”
10O caro phenda: “Te khoni phenda khanči, an le mande, thaj ni ka dosadil tut vadži.”
11A voj vaćarda: “Nek o caro molil pe e GOSPODESE, pire Devlese, te ačhavol e ratvale osvetniko te ma mudarol vadži, te ma uništil me čhave.”
Vov phenda: “Xav sovli po GOSPOD o džuvdo, će čhavese ni ka perol ni bal taro šoro.”
12Tegani i džuvli phenda: “Mukh vadži khanči te phenav tuće, gospodarona carona.”
O caro phenda: “Vaćar.”
13A voj phenda: “Sose gija manđe te ćere protiv e Devleso narodo? Kalesa so o caro phenda, korkoro pes osudil, golese so ni irisada pe čhave save progonisada. 14Sigurno savore ka mera, golese so sam sar paj savo čhordol ki phuv, pa našti palem te ćidol pe. Al o Dol ni manđol te lol o džuvdipe, nego araćhol način sar e progonime te ni aven dur lestar. 15Aviljem gova te phenav tuće, gospodarona carona, golese so e manuša darade man. Dijem gođi: ‘Ka vaćarav e carosa. Šaj ka ćerol gova so ka moliv le. 16Golese so, vov ka manđol te ikalol man tare vasta e manušese savo man thaj me čhave dićhol te crdol taro nasledstvo savo o Dol dija amen.’ 17Tegani dijem gođi: ‘Nek o lafi me gospodareso e careso anol mir, golese so si vov sar e Devleso anđelo thaj razlikujil o šukar taro bilačhipe.’ Nek o GOSPOD, ćiro Dol, avol tusa.”
18Tegani o caro phenda laće: “Ma te čhinave manđe o odgovor ko pučipe savo ka pučav tut.”
I romni vaćarda: “Vaćar, gospodarona carona.”
19O caro pučlja la: “Na li o Joav mešisada pe naja ane sa kava?”
A i romni vaćarda: “Xav man sovli pe ćiro džuvdipe, mingreja carona gospodarona, tutar našti khanči garadol! Va, ćo sluga o Joav zapovedisada manđe gova te ćerav. Vov phenda manđe so te phenav. 20Ćerda gova te dićhe e buća ko aver način. Al tu san, gospodarona, mudro sar e Devleso anđelo – džane sa so desil pe ani phuv.”
21O caro vaćarda e Joavese: “Šukar, ka ćerav gova. Dža thaj iri e terne Avesalome.”
22Pe gova o Joav pelo ke koča anglo caro mujesa dži i phuv thaj blagoslovisada le, pa vaćarda: “Avđive džanav, gospodarona carona, kaj me, ćiro sluga, arakhljem milost ane ćire jakha, golese so šundan mi molba.”
23Pale gova o Joav đelo ano Gešur thaj anda e Avesalome palal ano Jerusalim.
24Al o caro phenda: “Nek džal ćhere. Ni mangav te dikhav le.”
Gija o Avesalom đelo ćhere, a ni dikhlja e caro.
25Ano sa o Izrael nijekh manuš ni sasa gaći hvalimo baše piro lačhipe sar o Avesalom. Vov sasa bizi mana taro šoro dži ki patum. 26Kana bi čhinola pe bala jekh drom ano berš golese so bi avena lese but phare, merila bi pe bala: sesa phare duj kila premali carsko mera.
27E Avesalomese bijandile trin murša thaj jekh čhej. E čhejako alav sasa Tamara thaj voj sasa but lačhi džuvli.
28O Avesalom bešlo duj berš ano Jerusalim, a ni dikhlja e caro. 29O Avesalom tegani bičhalda palo Joav te bičhalol le ko caro, al o Joav ni manglja te avol. Vov bičhalda pale leste i dujto drom, al kava ni manglja.
30Tegani o Avesalom vaćarda pe slugenđe: “Šunen: E Joavesi njiva si paše mingri. Vov odori sejisada ječam. Džan thaj phabaren la.”
Gija e Avesalomese sluge phabarde e Joavesi njiva.
31Tegani o Joav avilo ane Avesalomeso ćher thaj pučlja le: “Sose će sluge phabarde mi njiva?”
32O Avesalom phenda lese: “Šun, bičhaldem tuće haberi te ave te bi bičhalava tut ko caro te puče le: ‘Sose aviljem andaro Gešur? Po šukar sasa te ačhav odori.’ Gija, mangav te dikhav e caro. Te sem baše khanči bango, nek mudarol man.”
33Gija o Joav đelo ko caro thaj gova vaćarda lese, pa o caro akharda e Avesalome. O Avesalom đelo ko caro, pelo ke pe koča angle leste mujesa dži i phuv, a o caro čumidija le.
