2. Samuilo 11
11
O David thaj i Vitsaveja
1Ano proleće, ano vreme kana e carura džana ko maripe, o David bičhalda e Joave pe zapovednikurencar thaj sa pire izraelskona vojska. Von pobedisade e Amoncuren thaj okolisade i Raba. A o David ačhilo ano Jerusalim.
2Jekh rat o David uštilo taro than e sojimaso, pa phirda ko krovo tare piri palata. Taro krovo dikhlja jekhe džuvlja sar najol. Sasa but lačhi, 3pa o David bičhalda jekhe te raspučol pe latar, a vov javisada lese: “Gova si i Vitsaveja, i čhej e Eliamesi, romni e Urijasi, o Hetito.”
4Tegani o David bičhalda glasnikuren te anen la. Voj avili angle leste, pa vov suta lasa – a voj samo so thodili tare kova so avol pe džuvlja svako čhon. Pale gova irisajli ke po ćher.
5A sar ačhili khamni, voj bičhalda haberi e Davidese: “Khamni sem.”
6Pe gova o David bičhalda haberi e Joavese: “Bičhal manđe e Urija e Hetito.”
Thaj o Joav bičhalda e Urija e Davidese. 7Kana o Urija avilo leste, o David pučlja sar si o Joav, sar si e vojnikura, thaj sar džal o maripe.
8Tegani vaćarda lese o David: “Dža ćhere thaj odmori tut će romnjasa.”
Kana o Urija đelo andari palata, pale leste bičhalde poklon taro caro. 9Al o Urija ni đelo ane po ćher, nego ačhilo anglo ulaz e palatako e slugencar pire gospodarese.
10Kana e Davidese gova vaćarde: “O Urija ni đelo ćhere”, vov pučlja le: “Na li akana aviljan taro drom? Sose ni đeljan ćhere?”
11A o Urija phenda lese: “O Kovčego taro savez, o Izrael thaj i Juda bešen ane senice, a mingro gospodari o Joav thaj ćiri vojska, mingreja gospodarona carona, bešen avri. Sar, tegani, me te džav ćhere, te xav thaj te pijav thaj te pašljivav me romnjasa? Će životosa xav sovli, ni ka ćerav gija khanči.”
12Tegani o David phenda lese: “Ačh kate vadži jekh đive, a theara ka bičhalav tut palal ano maripe.”
Gija o Urija ačhilo ano Jerusalim gova thaj aver đive. 13O David akharda le, pa xalja thaj pilja lesa. O David matarda le, al o Urija ni đelo ćhere, nego ačhilo te sovol ke piro than e sojimaso maškare pe gospodarese sluge.
14Ki sabalin o David pisisada lil e Joavese thaj bičhalda le palo Urija. 15Ane leste pisisada: “Čhuv e Urija ane anglune redura kaj si o maripe emzuralo, tegani crde tut lestar, te avol perado thaj te mudardol.”
16Gija, dži kaj o Joav okolisada o foro, vov čhuta e Urija ko than kaj sesa e emzurale dušmanska ratnikura. 17Kana e vojnikura andaro foro iklile thaj napadisade e Joavese vojska, mudardile nesave andari Davidesi vojska, a mudardilo thaj o Urija o Hetito.
18O Joav bičhalda pherdo izveštaj e Davidese taro maripe. 19Naredisada e glasnikose: “Kana sa kava ka phene e carose so sasa ano maripe, 20o caro šaj ka avol but holjamo thaj šaj ka pučol tut: ‘Sose ano maripe gaći aviljen paše o foro? Ni li džangljen kaj von ka mućhen e strele tare duvara? 21Ko mudarda e Avimelehe, e Jeruv-Bešetose čhave? Na li jekh džuvli čhudija pe leste o upruno bar taro mlin tare duvara e Tevecose, pa mudardilo. Sose gaći aviljen paše duvara?’ Te pučlja tut kava, tu vaćar lese: ‘Mudardilo thaj ćo sluga o Urija o Hetito.’”
22O glasniko đelo, pa kana reslo, vaćarda e Davidese sa so vaćarda lese o Joav te phenol lese.
23O glasniko vaćarda: “Pozurale sesa amendar, pa iklile te napadin amen avral o foro, al amen ćićidijam len premalo ulaz e foroso. 24Tegani e strelcura tare duvara mukhle e strele pe amende, pe ćire sluge, pa nesave e carose vojnikura mudardile. A mudardilo i ćiro sluga o Urija o Hetito.”
25Pe gova o David vaćarda e glasnikose: “Gija vaćar e Joavese: ‘Ma gova te uznemiril tut, golese so nikad ni džangljol pe ko ka mudardol taro mačo. Čalaven pozurale po foro thaj uništin le.’ Vaćar gova te ohrabri e Joave.”
26Kana šunda e Urijasi romni kaj vov mudardilo, žalisada le. 27A kana nakhlo o vreme tari žal, o David bičhalda te anen la ane lesi palata. Voj postanisada lesi romni thaj bijanda lese čhave.
Al e GOSPODESE ni sasa šukar gova so ćerda o David.
