2. Samuilo 10
10
Maripe e Amoncurencar thaj e Aramejcurencar
(1. Dnev 19,1–19)
1Pale nesavo vreme mulo o caro e Amoncurengo, a ke leso than sar caro nasledisada le leso čhavo o Hanun.
2O David dija gođi: “Ka sikavav manglipe premalo Hanun, o čhavo e Nahašeso sar so i leso dad sikada manglipe premal mande.”
Gija o David bičhalda pire glasnikuren te vaćaren e Hanunese kaj si lese žal so mulo leso dad.
Kana e Davidese glasnikura resle ani phuv e Amoncurenđi, 3e amonska šorutne vaćarde pe gospodarese e Hanunese: “Tu li de gođi kaj o David dol čast ćire dadese golesa so bičhalda kale slugen te sikaven tuće lesi žal? Vov bičhalda len kate sar špijunuren te dićhen o foro thaj te istražuin le te bi osvojina le.”
4Tegani o Hanun dolda e Davidese slugen, dži jekhese ranglja po opaši brada, čhinda lenđe šeja taro maškar dži tele, pa mukhlja len.
5Kana gova javisade e Davidese, vov bičhalda e glasnikuren angle lende, golese so sesa but ladžarde thaj phenda lenđe: “Ačhen ano Jerihon dži kana ni baron tumenđe e brade, pa tegani irin tumen.”
6E Amoncura dikhlje kaj uvredisade e Davide pa lije ano najam biš milje (20 000) aramejska pešakura taro Bet-Rehov thaj andari Cova, thaj taro caro o Maaha milja vojnikura (1 000) thaj dešuduj milje (12 000) vojnikura andaro Tov. 7Kana gova o David šunda, bičhalda e Joave thaj sa pe vojska lenđe emšukare ratnikurencar. 8E Amoncura iklile thaj čhute pe ane marimase redura angli kapija pire forosi, a e Aramejcura andari Cova thaj i Rehov, e Tovljanura thaj e Maahanese vojnikura sesa posebno ko polje. 9O Joav dikhlja kaj si angle leste thaj pale leste but marimase redura, pa birisada nesaven tare emšukar vojnikura andaro Izrael thaj čhuta len ane redura e marimase premale Aramejcura. 10Avere vojnikuren čhuta talo zapovedništvo pe phraleso e Avišajeso thaj čhuta len ane redura e marimase premale Amoncura.
11O Joav vaćarda: “Te si e Aramejcura but pozurale mandar, tumen ka aven manđe ano pomoć. A te si e Amoncura but pozurale tumendar, me ka avav ano pomoć tumenđe. 12Aven hrabra thaj ajde zurale te mara amen baše amaro narodo thaj e forura amare Devlese. O GOSPOD ka ćerol sar dol gođi kaj si emšukar.”
13Gija o Joav thaj lesi vojska pojdisade anglal te čalaven pe Aramejcura, al von našle angle leste. 14Kana e Amoncura dikhlje so našen e Aramejcura, našle i von anglo Avišaj thaj avile ano foro. Tegani o Joav irisajlo taro maripe e Amoncurencar, thaj avilo ano Jerusalim.
15Kana dikhlje e Aramejcura so e Izraelcura pobedisade len, palem ćidije pe. 16O Hadadezer bičhalda haberi e Aramejcurenđe ki koja rig tari len o Eufrat, pa von avile ano Helam. Lengo vođa sasa o Šovah, o zapovedniko e Hadadezerese vojskako.
17Kana gova javisade e Davidese, vov ćidija sa e Izraelcuren, nakhlo prekali len o Jordan thaj avilo ano Helam. E Aramejcura čhute pe ane marimase redura te ađućaren e Davide, pa napadisade le, 18al morajle te našen angle Izraelcura. O David mudarda lenđe eftašel (700) manušen save tradena e marimase vordona thaj saranda milje (40 000) manušen save jašina e grasten. Vov perada i e Šovahe, e zapovedniko lenđe vojskako, thaj vov odori mulo.
19Kana dikhlje so e Izraelcura pobedisade len, sa e carura save sesa tale Hadadezereso vlast, phanglje mir e Izraelcurencar thaj postanisade lenđe sluge. Gija e Aramejcura ni tromaje vadži te pomognin e Amoncurenđe.
