1. Samuilo 30
30
O David thaj e Amalečanura
1O trito đive kana o David thaj lese manuša resle ano Ciklag, dodžanglje so e Amalečanura đele te čoren ano Negev thaj ano Ciklag. Čalade po Ciklag, thaj phabarde le 2thaj zarobisade sa e džuvljen thaj sa so sasa ane leste, e ternen thaj e puranen. Al khanika lendar ni mudarde, nego inđarde len pumencar thaj đele pe dromesa.
3Kana o David thaj lese manuša resle ano Ciklag, arakhlje o foro phabardo thaj dikhlje so lenđe romnja, e čhave thaj e čheja si inđarde sar robura. 4Pe gova o David thaj lese manuša ruje ano glaso dži kaj ni ačhile bizi zor. 5Zarobime sesa thaj e Davidese duj romnja – i Ahinoam taro Jizreel thaj i Avigajil, i udovica e Navalesi taro Karmel. 6O David sasa ki bari muka, golese so e manuša vaćarena kaj trubul te čhuden bara pe leste, golese so savore sesa but razočarime baše pumare čhave thaj čheja.
Al o David arakhlja zuralipe ano GOSPOD, ane piro Dol. 7Tegani vaćarda e sveštenikose e Aviatarese, e Ahimelese čhavese: “An manđe o svešteničko prsluko.” O Aviatar anda lese, 8tegani o David pučlja e GOSPODE: “Te džav li ani potera pale kola čora? Ka resav li len?”
Tegani vaćarda lese o GOSPOD: “Dža! Sigurno ka rese len thaj ka oslobodi e zarobimen.”
9Gija o David thaj e šovšel (600) murša save sesa lesa đele thaj resle dži ko potoko o Besor, a dujšel (200) džene lendar ačhile palal, 10golese so ačhile bizi zor, pa naštine te naćhen o potoko. Al o David thaj avera štaršel (400) murša nastavisade i potera.
11Ane nesavo polje arakhlje jekhe Egipćano, pa ande le ko David. Dije le te xal thaj te pijol paj – 12kotor tari šući smokva thaj duj grozdura šući drakh. Vov gova xalja thaj irisajli lesi zor, golese so vov ni xalja thaj ni pilja trin đive thaj trin raća.
13O David pučlja le: “Kaso san thaj katar san?”
A o terno čhavo vaćarda lese: “Me sem Egipćanino, robo jekhe Amalečanoso. Angleder trin đive nasvaljem pa mo gospodari ačhada man. 14Sama te čora ano kerečansko Negev, ko than savo preperol e Judaće thaj ane Kaleveso Negev, a o Ciklag phabardam.”
15O David pučlja le: “Šaj li te inđare man dži ke gola čora?”
Kava phenda lese: “Xa tu sovli e Devlesa kaj ni ka mudare man niti ka de man ane vasta me gospodarese, pa ka inđarav tut lende.”
16Thaj vov inđarda e Davide dži lende. E čora sesa raštrkime ke sa e riga ane gova than. Xalje, pilje thaj veselisajle golese so lije baro pleno andari phuv i filistejsko thaj andari Juda. 17O David čalada pe lende tari goja rat sa dži ki aver rat, thaj nijekh naštine te našol, sem štaršel (400) terne čhave save uklile pe kamile thaj našle. 18Gija o David irisada sa so e Amalečanura lije, thaj pe duje romnjen. 19Khanči ni hasardilo – ni terno ni purano, nijekh čhavo niti čhej, ni o pleno, ni khanči aver so e čora inđarde: o David sa irisada. 20O David lija sa i cikni thaj i bari stoka. E manuša tradije pe stoka anglal vaćarindoj: “Kava si e Davideso pleno.”
21Tegani o David đelo dži kola dujšel (200) manuša save naštine te aven, saven ni sasa zor thaj ačhile pašo potoko o Besor. Von iklile anglo David thaj angle manuša save sesa lesa, thaj kana lije te aven paše leste o David pozdravisada len.
22A sa e bilačhe thaj rumime manuša save sesa e Davidesa phende: “Golese so ni sesa amencar, ni ka da len khanči taro pleno savo irisadam. Al dži jekh lendar šaj lol pe romnja thaj pe čhaven thaj te džal.”
23Al o David pe gova vaćarda: “Na, phralalen! Ni troman te ćeren gija kolencar saven dija amen o GOSPOD. Vov arakhlja amen thaj dija amen ane vasta e čoren save čalade pe amende. 24Ko ka složil pe golesa so vaćarden? Kova savo ačhol paši oprema trubul te dobil isto kobor i kova savo džal ano maripe. Savore ka dobin isto.”
25O David tare gova đive ćerda kava te avol uredba thaj zakon ano Izrael, thaj gija si sa dži avđive.
26Kana resle ano Ciklag, o David bičhalda kotor taro pleno pe amalenđe, e starešinenđe ani Juda, haberesa: “Kava si poklon tumenđe taro pleno savo lijam tare GOSPODESE dušmanura.”
27Gola poklonura bičhalda e starešinenđe ano Betel, ano Ramot-Negev, ano Jatir, 28ano Aroer, ano Sifmot, ani Eštemoa, 29ano Rahal, ane forura e Jerahmeelcurenđe thaj e Kenejcurenđe, 30ani Horma, ano Bor-Ašan, ano Atah, 31ano Hevron, thaj ke sa e thana ane save vov thaj lese manuša džana.
Currently Selected:
1. Samuilo 30: GSP
Highlight
Copy
Compare
Share
Want to have your highlights saved across all your devices? Sign up or sign in
