1. Samuilo 29
29
E filistejska zapovednikura odbacin e Davide
1E Filistejcura angleder ćidije sa pe vojska ano Afek, a e Izraelcura ćerde logori pašo izvori ano Jizreel. 2Dži kaj e filistejska šorutne đele ko čikat tare pire čete save sesa po šel (100) thaj po milja (1 000) vojnikura, o David thaj lese manuša đele palal e Ahišesa.
3E filistejska zapovednikura pučlje: “So ćeren kala Jevreja akate?”
A o Ahiš phenda: “Gova si o David, savo sasa sluga ko izraelsko caro o Saul. Mande si pobut tare berš đive, a taro đive kana našlo dži akana, naštine te arakhav pe leste khanči bilačhe.”
4Al e filistejska zapovednikura holajle po Ahiš thaj phende: “Iri le. Nek iril pe ano than savo dijan le. Ni tromal amencar ano maripe, te ma bi irila pe protiv amende. Sar pošukar te iril o naklonost pire gospodareso nego gija so ka čhinol e šore amare vojnikurenđe. 5Naj li gova o David kastar đilabena ćhelindoj:
‘O Saul mudarda miljen,
a o David deše miljen’?”
6Tegani o Ahiš akharda e Davide thaj phenda lese: “Xama sovli po džuvdo GOSPOD, tu san pošteno. Avola bi manđe šukar te dža mancar ano maripe, golese so ni dikhljem nisavo bilačhipe pe tute taro đive kana aviljan dži akana. Al e filistejska šorutne ni manđen tut. 7Golese iri tut thaj dža ano mir. Ma ćer khanči so ne bi avola šukar e filistejskone šorutnenđe.”
8O David pučlja: “So ćerdem? So arakhljan protiv mande sar aviljem te služiv tuće dži avđive? Sose našti džav te marav man protiv e dušmanura mingre gospodarese e carose?”
9O Ahiš phenda lese: “Džanav kaj san ane mingre jakha šukar sar e Devleso anđelo. Al e filistejska zapovednikura phende: ‘Ni smil amencar ano maripe.’ 10Golese theara ušti rano će gospodarese slugencar save avile tusa thaj dža čim ikljol o kham.”
11Gija o David thaj lese manuša uštile rano ki sabalin thaj pojdisade te irin pe ani filistejsko phuv, a e Filistejcura đele upre ano Jizreel.
Currently Selected:
1. Samuilo 29: GSP
Highlight
Copy
Compare
Share
Want to have your highlights saved across all your devices? Sign up or sign in
