1. Samuilo 31
31
E Sauleso meripe
1E Filistejcura čalade po Izrael, thaj but Izraelcura, sar našle angle lende, mudardile ki gora Gilboa. 2E Filistejcura ćićidije e Saule thaj lese čhaven, thaj mudarde lese čhaven e Jonatane, e Avinadave thaj e Malki-Šua. 3Trujal o Saul sasa zuralo maripe, a kana resle le e manuša e džitkencar, zurale ranisade le.
4Tegani o Saul phenda e slugase savo inđarola leso oružje: “Ikal o mačo thaj mudar man, ma te aven kala biobrezime te pusaven man thaj te mučin man.”
Al o manuš but darajlo thaj ni manglja gova te ćerol. Golese o Saul lija piro mačo thaj čhudija pe pe leste. 5Kana dikhlja o sluga so o Saul mulo, i vov čhudija pe pe piro mačo thaj mulo e Saulesa. 6Gija o Saul, lese trin čhave, o sluga savo inđarola leso oružje thaj sa e Saulese vojnikura, mudardile katane ano jekh đive.
7Kana e Izraelcura save sesa tari aver rig e dolinaći thaj kola save sesa tari aver rig e Jordanesi, šunde so i izraelsko vojska našli, a o Saul thaj lese čhave mudardile, ačhade pe forura thaj našle, a e Filistejcura avile thaj lije te bešen ane lenđe forura.
8Kana theara đive e Filistejcura avile te čoren tare kola so mule, arakhlje e Saule thaj lese čhaven sar pašljon ki gora Gilboa. 9E Sauleso šoro čhinde, uljarde lestar o oružje thaj bičhalde e glasnikuren ani sa i filistejsko phuv te vaćaren kava ano hram kaj sesa lenđe idolura thaj maškare manuša. 10Leso oružje čhute ano hram savo posvetisade e Astartenđe, a o mulo telo kovisade ko duvari ano Bet-Šan. 11Kana e manuša save bešena ano Javeš-Gilad šunde so e Filistejcura ćerde e Saulese, 12uštile e manuša save ni darajle thaj phirde celo rat dži o Bet-Šan, uljarde e Sauleso telo thaj e telura lese čhavenđe taro duvari, thaj irisajle ano Javeš. Gothe phabarde len. 13Tegani lije lenđe kokala thaj prahosade len talo tamarisko kaš ano Javeš. Pale gova postisade efta đive.
Currently Selected:
1. Samuilo 31: GSP
Highlight
Copy
Compare
Share
Want to have your highlights saved across all your devices? Sign up or sign in
