1. Samuilo 26
26
O David palem ačhavol e Saule ano džuvdipe
1Nesave manuša andaro Zif avile ko Saul ani Giva thaj phende: “O David garadol ko brego Hahila pašo Ješimon.”
2Thaj o Saul ulilo tele ani pustinja Zif, a lesa sesa trin milje (3 000) ratnikura birime andaro sa o Izrael, te bi odori rodola e Davide, 3thaj ćerda logori pašo drom ko brego Hahila pašo Ješimon. O David sasa ani pustinja, thaj kana dikhlja so o Saul avilo odori pale leste, 4bičhalda špijunuren te uveril pe kaj o Saul čače avilo. 5Tegani o David uštilo thaj đelo pašo than kaj o Saul ćerda logori thaj dikhlja kaj pašljona o Saul thaj o Avner, o čhavo e Neroso, o šorutno zapovedniko lese vojskako. O Saul pašlilo ko maškar e logoreso, a i vojska trujal leste.
6O David pučlja e Ahimelehe e Hetito thaj e Avišaje, e Cerujaće čhave thaj e Joavese phrale: “Ko ka džal mancar tele ano logori ko Saul?”
O Avišaj phenda: “Me ka džav.”
7Gija o David thaj o Avišaj đele raćasa dži ki vojska thaj dikhlje e Saule sar sovol ano maškar e logoreso, a leso koplje sasa pusado ani phuv paše leso šoro. A trujal leste pašlile o Avner thaj i vojska.
8Tegani o Avišaj phenda e Davidese: “Avđive o Dol ane će vasta predija tuće će dušmane. Golese, mukh man akana te pusavav le lese kopljesa thaj o koplje te naćhol maškar leste dži ki phuv. Ni ka trubul te čalavav le dujto drom.”
9A o David phenda e Avišajese: “Ma te mudare le! Ko tromal te vazdol piro va po pomazaniko e GOSPODESO, pa te ma avol bango golese?” 10Thaj o David vadži phenda: “Xama sovli po GOSPOD o džuvdo, korkoro o GOSPOD ka čalavol le, dal kana ka avol o đive tare leso prirodno meripe il kana ka džal ano maripe thaj te mudardol. 11Al te ma dol o GOSPOD te vazdav mo va pe leso pomazaniko! Nego, le o koplje paše leso šoro thaj leso khoro e pajesa, pa ka dža.”
12Gija o David lija o koplje thaj o khoro e pajesa save ačhile e Saulese pašo šoro kaj pašljola, pa tegani vov thaj o Avišaj đele. Khoni ni dikhlja len, ni džanglje so sasa, thaj khoni ni uštilo. Savore sute, golese so o GOSPOD ćerda len te peren ano baro sojipe.
13Tegani o David nakhlo ki dujto rig thaj ačhilo ko vrho e bregoso savo sasa po dur, gija maškar leste thaj e Sauleso logori sasa baro duripe.
14O David dija vika zurale premali vojska thaj o Avner, o čhavo e Neroso: “Avnere, javi tut!”
A o Avner vaćarda: “Ko san tu thaj sose uznemiri e caro?”
15O David phenda: “Naj li san junako? Ko si sar tute ano Izrael? Sose ni arakhljan ćire gospodare e caro? Khoni avilo te mudarol le. 16Naj tuće šukar gova. Xama sovli po džuvdo GOSPOD, tu thaj ći vojska trubun te meren, golese so ni arakhljen šukar tumare gospodare, e GOSPODESE pomazaniko. Dikh trujal tute. Kaj e caroso koplje thaj o khoro e pajesa save ačhile paše leso šoro?”
17O Saul pindžarda e Davideso glaso thaj pučlja: “Gova li si ćiro glaso, Davide, mo čhavo?”
A o David phenda lese: “Va, carona, gospodarona mingreja.”
18Tegani pučlja le o David: “Gospodarona, sose progoni man, ćire sluga? So gova ćerdem tuće thaj savo bilačhipe andem tuće? 19Moliv tut, akana gospodarona, carona, šun man, ćire sluga. Te gova o GOSPOD čhuta tut te ave protiv mande, nek kovljarol le i žrtva. Al, te ćerde gova e manuša, nek aven prokleta anglo GOSPOD! Akana tradije man tare mingro kotor ani GOSPODESI phuv. Gova si sar te phende manđe: ‘Dža thaj služi avere devlenđe.’ 20Ma de mingro rat te perol ki phuv dur tare GOSPODESO muj. O caro e Izraeleso avilo te rodol man, sar nesavi pišum, sar so lovil pe i jarebica ane planine.”
21Pe gova o Saul phenda: “Grešisadem! Iri tut Davide, mo čhavo. Ni ka ćerav tuće vadži bilačhipe, golese so avđive mo džuvdipe sasa vredno ane ćire jakha. Čače sema sar manuš bizi gođi thaj but grešisadem.”
22A o David phenda: “Akh e caroso koplje. Nek avol jekh tare ćire sluge thaj nek lol le. 23O GOSPOD dži jekhe nagradil premale leso pravednost thaj vernost. Iako avđive o GOSPOD dija man tut ane mingre vasta, ni mangljem te vazdav mo va pe GOSPODESO pomazaniko. 24Sar so ćiro džuvdipe avđive sasa vredno ane mingre jakha, gija nek mingro džuvdipe avol vredno ane GOSPODESE jakha thaj nek ikalol man andaro dži jekh bilačhipe.”
25Tegani o Saul phenda e Davidese: “Blagoslovimo te ave, Davide, mo čhavo. Ka ćere bare buća thaj sigurno ka uspi.”
Pale gova o David đelo pe dromesa, a o Saul irisajlo ćhere.
Currently Selected:
1. Samuilo 26: GSP
Highlight
Copy
Compare
Share
Want to have your highlights saved across all your devices? Sign up or sign in
