1. Samuilo 20
20
O Jonatan pomožil e Davide
1O David našlo andaro Najot paši Rama pa đelo ko Jonatan, thaj pučlja le: “So ćerdem? So grešisadem? So ćerdem će dadese bilačhe kana manđol te lol mo džuvdipe?”
2O Jonatan phenda: “Dur tare gova! Ni ka mere! Mo dad khanči ni ćerol, ni baro ni cikno dži kaj ni phenol manđe. Sose bi garavola mandar? Gova našti avol.”
3A o David xalja sovli thaj vaćarda: “Ćo dad šukar džanol kaj arakhljem milost ane će jakha, thaj dija gođi: ‘O Jonatan ni trubul te džanol golese, te ma avol lese žal.’ Al xama sovli po GOSPOD thaj pe tute, samo si korako maškar mande thaj o meripe.”
4O Jonatan pučlja e Davide: “Vaćar manđe so manđe te ćerav tuće?”
5A o David phenda lese: “Akh theara si o prazniko e terne čhoneso thaj bi trubula te xav mangro e carosa. Al tu mukh man te džav thaj te garavav man ano polje dži prektheara ki rat. 6Ako ćo dad dićhol kaj naj sem gothe, tu phen lese: ‘O David zurale molisada man te mukhav le te siđarol te džal dži ke po bijando foro o Vitlejem, golese so odori dol pe e beršesi žrtva baši sa lesi familija.’ 7Te o Saul phenda: ‘Šukar’, me, ćiro sluga, ka avav mirno. Al te holajlo, av sigurno kaj anda odluka te ćerol manđe bilačhipe. 8Golese, tu av šukar mancar, ćire slugasa, golese so phangljan savez mancar anglo GOSPOD. Te sem bango, tegani mudar man! Sose te de man će dadese?”
9O Jonatan phenda: “Dur tare gova! Te džanav kaj mo dad anda odluka te ćerol tuće bilačhipe, dal ne bi phenava tuće?”
10Tegani o David pučlja e Jonatane: “Ko ka javil manđe ako ćo dad holjavol?”
11A o Jonatan vaćarda: “Ajde te iklja avri ano polje.”
Kana solduj džene iklile avri ano polje, 12o Jonatan phenda e Davidese: “Xama sovli po GOSPOD, o Dol e Izraeleso, dži prektheara ki rat ka dodžanav tare mo dad so dol gođi tutar. Te dija gođi šukar tutar, ga bičhalav khanika te phenol tuće. 13Al te manglja mo dad te ćerol tuće bilačhipe, o GOSPOD te kaznil man emzurale te ni vaćardem tuće gova thaj te ni mukhljem tut te dža ano mir. O GOSPOD nek avol tusa sar so sasa me dadesa. 14A tu premal mande av milostivno sar o GOSPOD, sa dži kaj sem džuvdo, te ma mudardivav. 15Thaj ma nikad te ačhave ćo manglipe premal mi familija, pa i kana o GOSPOD crdol sa ćire dušmanuren tari kaja phuv.”
16Tegani o Jonatan phanglja savez e Davidesa thaj lese potomkurencar vaćarindoj: “Nek o GOSPOD kaznil e Davidese dušmanuren!”
17Gija o Jonatan rodija taro David te potvrdil piri sovli, golese so manglja le sar korkoro pes.
18O Jonatan phenda lese: “Theara si o prazniko e terne čhoneso. Ka dićhol kaj naj san gothe, golese so ćo than ka avol čučo. 19Prektheara ki rat, dža odori kaj garadiljan angleder thaj ađućar pašo bar o Ezel. 20Me ka mukhav trin strele premalo bar, sar kana gađiv ani meta, 21pa ka bičhalav e sluga thaj ka phenav lese: ‘Dža te araćhe e strele.’ Ako phenav lese: ‘Ak, e strele si tari kaja rig. An len’, tu tegani ava golese so, xama sovli po džuvdo GOSPOD, bezbedno san, thaj naj opasnost. 22Al te phendem lese: ‘Ek e strele tari koja rig’, tegani mora te dža, golese so o GOSPOD bičhalda tut akatar. 23A tare kova so vaćardam, de gođi kaj si o GOSPOD svedoko maškar amende ane sa e đivesa.”
24Gija o David garadilo ano polje.
Kana avilo o prazniko e terne čhoneso, o caro bešlo te xal. 25Bešlo ke po than kaj uvek bešol pašo duvari, a o Jonatan uštilo. O Avner bešlo pašo Saul, a e Davideso than sasa čučo.
26Gova đive o Saul khanči ni vaćarda, golese so dija gođi: “E Davidese sigurno sasa khanči, pa melajlo – va, sigurno si duxovno melalo.”
27Al theara đive, dujto đive ano čhon, e Davideso than palem sasa čučo, golese o Saul pučlja pe čhave e Jonatane: “Sose o čhavo e Jesejeso ni eraći ni avđive ni avilo ko xape?”
28A o Jonatan phenda: “O David zurale molisada man te mukhav le te džal ano Vitlejem. 29Vaćarda manđe: ‘Moliv tut, mukh man, golese so mi familija anol žrtva ano foro thaj mo phral zapovedisada te avav odori. Te arakhljem milost ane ćire jakha, mukh man te džav te dikhav man me phralencar.’ Golese ni avilo ke caresi sinija.”
30O Saul but holajlo po Jonatan thaj phenda lese: “Tu, čhaveja e bilačhe thaj e buntovnona džuvljako! Me li ni džanav kaj ačhiljan ki Jesejese čhavesi rig, ki ćiri ladž thaj ki ladž ćire bišukare dejaći! 31Sa dži kaj si džuvdo ki phuv e Jesejeso čhavo, ni ka ave caro pe kava carstvo. A akana, bičhal pale leste thaj nek anen le mande kate, golese so mora te merol!”
32O Jonatan pučlja pe dade e Saule: “Sose te mudardol? So ćerda?” 33Tegani o Saul čhudija o koplje pe leste, te mudarol le.
Gija o Jonatan dikhlja kaj leso dad o Saul zurale anda odluka te mudarol e Davide. 34Tegani uštilo tari sinija but holjamo, thaj gova dujto đive ano čhon ni xalja, golese so but uznemirisada le gova so leso dad ćerol gasavi ladž e Davidesa. 35Theara đive ki sabalin đelo ano polje te araćhol pe e Davidesa ko vreme kana dogovorisajle, a pesa inđarda jekhe terne sluga.
36Phenda pe slugase: “Praste thaj arakh e strele save me ka mukhav.”
Dži kaj o sluga prastaja, vov mukhlja i strela po dur lestar.
37Kana o sluga avilo dži ko than kaj peli e Jonatanesi strela, o Jonatan dija vika: “Naj li i strela odori po dur tutar?”
38Tegani palem dija vika: “Siđar! Dža sigate! Ma te ačho!”
O sluga lija i strela thaj irisajlo ke po gospodari o Jonatan. 39Khanči ni primetisada golese so samo o Jonatan thaj o David džanglje so značil gova.
40Tegani o Jonatan dija po oružije e slugase thaj phenda: “Dža thaj iri kava ano foro.”
41Kana o sluga đelo, o David uštilo tari južno rig e baresi thaj pelo ke koča mujesa dži i phuv trin droma. Tegani čumidije pe ke čhama thaj lije te roven. A o David ruja pozurale.
42O Jonatan phenda e Davidese: “Dža ano mir, golese so xaljam sovli ano alav e GOSPODESO jekh averese ko amalipe, vaćarindoj: ‘O GOSPOD si svedoko maškar amende thaj maškare ćire thaj mingre potomkura ane sa e đivesa!’”
Tegani o David đelo, a o Jonatan irisajlo ano foro.
Currently Selected:
1. Samuilo 20: GSP
Highlight
Copy
Compare
Share
Want to have your highlights saved across all your devices? Sign up or sign in
