1. Samuilo 21
21
O David ano Nov
1O David đelo ano Nov, ko svešteniko o Ahimeleh, savo tresisada tari dar kana dikhlja le.
O Ahimeleh pučlja le: “Sose san korkoro? Sose khoni naj tusa?”
2A o David phenda lese: “O caro naredisada manđe te ćerav khanči thaj phenda manđe: ‘Khoni ni smil te džanol o zadatko thaj e naredbe save dijem tut.’ A me slugenđe phendem te arakha amen ko jekh than. 3Nego akana, so isi tut pašo va xamase? De man pandž bokolja mangre, il khanči so god isi tut.”
4Al o svešteniko vaćarda e Davidese: “Naj man pašo va obično mangro, samo posvetime mangre, šaj te dav tu samo ako ćire manuša angleder nesavo vreme ni pašlile e džuvljencar.”
5O David phenda: “Na, ni pašlile e džuvljencar, sar uvek kana džav ano maripe. Lenđe telura sesa thode čak i baše obična zadatkura, a kamoli avđive kana si posebno zadatko.”
6Gija o svešteniko dija e Davide thaj lese manušen te xan e posvetime mangre, golese so jedino mangro sesa gola bokolja save sesa posvetime e GOSPODESE, save trubuje te crden pe anglo GOSPOD, te bi čhuvena pe tate mangre.
7A baš ke gova đive o Doeg, o Edomco, službeniko e Sauleso savo sasa glavno čobano, sasa odori golese so trubuja te ćerol khanči bašo adeti anglo GOSPOD.
8O David pučlja e Ahimelehe: “Naj li tut kate nesavo koplje il mačo? Ni andem mingro mačo niti aver oružje, golese so e carosi bući trubuja te ćerol pe sigate.”
9A o Ahimeleh vaćarda lese: “Isi ma mačo e Golijateso e Filistejcoso, save mudardan ani dolina Ela. Palo svešteničko prsluko si thaj si paćardo ano čaršafi. Le le te mangljan. Naj amen aver mačo sem gova.”
A o David phenda: “Ni jekh naj polačho lestar. Dema le.”
O David ke Filistejcura
10Gova đive o David našlo taro Saul thaj đelo ko Ahiš, ko caro andaro Gat.
11A e Ahišese službenikura vaćarde e Ahišese: “Kava li si o David, o caro e phuvako? E manuša đilaben kaja đili lestar kana ćhelen:
‘O Saul mudarda miljen,
a o David deše miljen’?”
12O David dija gođi tare kala lafura save šunda, thaj but darajlo taro caro o Ahiš andaro Gat. 13Gija lija angle lende te ćerol pe kaj naj gođasa, thaj golese so sasa ane lenđe vasta, ponašisajlo sar dilo: ke vudara tari kapija ćerola znakura thaj mukhlja te thavden e čhungara pe lesi brada.
14O Ahiš phenda pe službenikurenđe: “Dićhen kale dile manuše! Sose anden le ke mande? 15Naj li man pherdo dile manuša kate pa anden manđe vadži jekhe te ponašil pe gijate angle mande? Dal vov mora te avol ane mo ćher?”
Currently Selected:
1. Samuilo 21: GSP
Highlight
Copy
Compare
Share
Want to have your highlights saved across all your devices? Sign up or sign in
