1. Samuilo 13
13
Maripe e Filistejcurencar
1Ane gova vreme o Saul sasa caro berš đive.
A ko dujto berš tari lesi vladavina po Izrael, 2o Saul birisada pese trin milje (3 000) Izraelcuren. Duj milje (2 000) đele lesa ano Mihmas thaj ane betelska bregura, a milja (1 000) džene sesa e Jonatanesa ani Giva e Venijaminesi. A avere manušen bičhalda te irin pe ćhere.
3O Jonatan čalada po filistejsko logori ani Geva, a avera Filistejcura šunde gova. Tegani o Saul naredisada te phurdol pe ane bakrane šinga ani sa i phuv vaćarindoj: “Nek šunen e Jevreja.” 4Gija sa o Izrael šunda: “O Saul čalada po filistejsko logori. Akana e Izraelcura zamerisajle e Filistejcurencar.” Golese o narodo sasa akhardo te džan ko Saul ano Gilgal.
5E Filistejcura ćidije pe te čalaven po Izrael. Sasa len tranda milje (30 000) marimase vordona, šov milje (6 000) manuša pe grasta, thaj pešakura save sesa gaći sar pošik ki morsko obala. Von đele thaj ćerde logori ano Mihmas, istočno taro Bet-Aven. 6E Izraelcura dikhlje kaj si ano bilačhipe, golese so lenđi vojska sasa ćićidime tare sa e riga, pa garadile ane pećine, ane žbunura, maškare stene, ane jame thaj ane rupe kaj ćidola pe o paj. 7Nesave Jevreja čak nakhle prekali len o Jordan ani phuv e Gadesi thaj e Giladesi. A o Saul sasa vadži ano Gilgal, a sa lesi vojska tresisada tari dar. 8O Saul ađućarda efta đive, sar so phenda lese o Samuilo, al sar o Samuilo ni avilo ano Gilgal, i vojska lija te crdol pe taro Saul.
9Tegani o Saul phenda: “Anen manđe phabardi žrtva thaj žrtve bašo katanipe.”
Gija predija i phabardi žrtva. 10Al samo so o Saul predija i žrtva, avilo o Samuilo.
O Saul iklilo angle leste te pozdravil le, 11a o Samuilo pučlja le: “So ćerdan gova?”
A o Saul phenda: “Kana dikhljem so mi vojska lija te crdol pe mandar, a tu ni aviljan ano vreme baše savo dogovorisaljam, a e Filistejcura ćiden pe ano Mihmas, 12dijem gođi ane mande: ‘Akana e Filistejcura ka čalaven pe mande ano Gilgal, a me vadži ni molisaljem e GOSPODESE, vov te avol amencar.’ Golese dijem gođi kaj trubul te predav i phabardi žrtva.”
13O Samuilo phenda lese: “Ćerdan baro dilipe! Ni ićardan tut taro zapovest savo dija tut o GOSPOD, ćiro Dol. Te ićaresa tut pe leso zapovest, o GOSPOD bi ane sa e đivesa zuravola ćiro carujipe po Izrael. 14Al akana ćiro carujipe ni ka ićardol. O GOSPOD pese arakhlja manuše savo si pale leso manglipe thaj le čhuta te avol vladari pe piro narodo, golese so tu ni ićardan tut tare GOSPODESO zapovest.”
15Pale gova o Samuilo đelo andaro Gilgal ani Giva e Venijaminesi. A o Saul đinda e manušen save ačhile lesa – sesa paše šovšel (600) džene.
16O Saul, leso čhavo o Jonatan thaj i vojska savi sasa lesa ačhile ani Giva e Venijaminesi, a e Filistejcura vazdije logori ano Mihmas. 17Tegani andaro filistejsko logori iklili četa tare manuša save džana te čoren thaj uladile ane trin grupe: jekh grupa đeli premali Ofra ani phuv o Šual, 18dujto premalo Bet-Horon, a i trito grupa đeli premali granica upreder i dolina Cevoim, premali pustinja.
19Ane sa o Izrael naštine te araćhol pe nijekh kovači, golese so e Filistejcura phende: “Gova ka ačhavol e Jevrejen te ćeren pese mačura thaj kopljura.” 20(Golese sa e Izraelcura uljena tele ke Filistejcura, von te oštrin lenđe plugura, e motike, e tovera thaj e rovlja savasa tradena pe e guruva. 21Ohto grama srebro trubula te poćinol pe te oštrinpe e plugura, e motike, e vile trine šiljkurencar, thaj e tovera thaj te lačharen pe e šiljkura ki rovli savasa tradena pe e guruva.)
22Gija ko đive kana trubuja te avol o maripe ano Mihmas, nijekhe vojniko savo sasa e Saulesa thaj e Jonatanesa, ni sasa ni mačo ni koplje, sasa samo e Saule thaj lese čhave, e Jonatane.
O Jonatan napadil e Filistejcuren
23A jekh filistejsko četa iklili ko prolaz maškare bregura ano Mihmas.
Currently Selected:
1. Samuilo 13: GSP
Highlight
Copy
Compare
Share
Want to have your highlights saved across all your devices? Sign up or sign in
