1. Samuilo 14
14
1Jekh đive o Jonatan, e Sauleso čhavo, vaćarda pe slugase savo inđarola leso štito: “Ajde ka dža ki aver rig, dži i filistejsko četa.”
Al pe dadese khanči ni phenda golestar.
2O Saul bešola ko krajo tari Giva, talo jekh nareso kaš ano Migron. Lesa sesa paše šovšel (600) vojnikura. 3Lesa sasa thaj o Ahija, savo phirada o svešteničko prsluko. O Ahija sasa čhavo e Ahituveso, a vov sasa phral e Ihavodeso, čhavo e Pinhaseso thaj unuko e Eliso, savo sasa svešteniko e GOSPODESO ano Šilo. Khoni tari vojska ni dikhlja so o Jonatan naj gothe.
4Ke solduj riga ko prolaz kaj o Jonatan manglja te naćhol dži i filistejsko četa, sesa uče bregura. Jekh akhardola Bocec, a jekh Sene. 5O severno učo brego sasa po paše o Mihmas, a o južno sasa po paše i Geva.
6O Jonatan phenda pe slugase savo inđarola leso štito: “Ajde te dža ki aver rig, dži i filistejsko četa ke manuša save naj obrezime. Šaj o GOSPOD ka pomožil amenđe. E GOSPODE khanči našti ačhavol te anol pobeda, dal sesa but il zala manuša.”
7A o sluga savo inđarola leso štito vaćarda: “Ćer sar de gođi kaj si šukar. Dža, tusa sem sa me ilesa.”
8Pe gova o Jonatan phenda: “Ka nakha prekal dži lende thaj ka mukha len te dićhen amen. 9Te phende amenđe: ‘Ađućaren amen te ava tumende’, ka ačha gothe kaj sam thaj ni ka dža upre premal lende. 10Al te phende: ‘Aven upre premal amende’, tegani ka dža upre. Gova ka avol amenđe znako kaj o GOSPOD predija len ane amare vasta.”
11Gija von solduj džene sikade pe e Filistejcurenđe.
E Filistejcura phende: “Dićhen! E Jevreja ikljen andare rupe ane save garadile!”
12E vojnikura andari filistejsko četa dije vika premalo Jonatan thaj premalo leso sluga vaćarindoj: “Aven upre premal amende, te sikava tumenđe khanči!”
A o Jonatan phenda pe slugase: “Ava pale mande. O GOSPOD predija len ane vasta e Izraelcurenđe.”
13O Jonatan uklilo naupre phirindoj ke vasta thaj ke pingre, a pale leste i leso sluga. O Jonatan peravola e Filistejcuren angle peste, a leso sluga pale leste mudarola len. 14Ano gova angluno napad, o Jonatan thaj leso sluga mudarde biše (20) manušen ko than baro paše tranda (30) ara. 15Sa e manušen andari filistejsko četa thaj trujal lende, e vojska thaj e manušen save džana te čoren, dolda gaći bari dar thaj i phuv lija te tresil pe. Sasa gova dar savi bičhalda o Dol.
16E Saulese manuša save posmatrina ani Giva e Venijaminesi, dikhlje sar i filistejsko vojska prastol ani pometnja ke sa e riga.
17O Saul phenda e vojskaće savi sasa lesa: “Đinen tumen te dikha ko naj gothe.”
Kana ćerde gova, dikhlje kaj naj gothe o Jonatan thaj leso sluga.
18Tegani o Saul phenda e Ahijase: “Ana o kovčego e Devleso!” Golese so o kovčego ane gova vreme sasa ke Izraelcura.
19Dži kaj o Saul vaćarola e sveštenikosa e Ahijasa, i vika ano filistejsko logori lija te avol sa pozurali. Golese o Saul phenda e sveštenikose: “Ačh, crde ćo va!”
20Tegani sa i vojska ćidija pe pašo Saul thaj đele ano maripe. Kana resle, dikhle e Filistejcuren kaj si ani bari pometnja thaj maren pe mačurencar maškar pumende. 21A kola Jevreja save angleder sesa e Filistejcurencar thaj sesa lencar upre ano logori, nakhle ki rig e Izraelcurenđi save sesa e Saulesa thaj e Jonatanesa. 22Kana sa e Izraelcura save garadile ane Efremeso brego šunde so e Filistejcura našen, iklile thaj lije te prasten ano maripe.
23Gija o GOSPOD ane gova đive dija pobeda e Izraelcurenđe, a o maripe đelo podur taro Bet-Aven.
O Jonatan phađol e Saulesi zabrana
24E Izraelcura gova đive sesa umorna thaj bokhale golese so o Saul xalja sovli sa e vojska vaćarindoj: “Harami te avol kova savo xal angleder i rat, savo xal angleder so osvetiv man me dušmanurenđe!”
Gija khoni andari vojska khanči ni xalja gova đive.
25Sa i vojska đeli ano jekh veš, a odori – ki phuv avđin! 26Kana đele andre ano veš, dikhlje sar o avđin thavdol, al khoni ni tromaja te xal golese so darajle tari arman.
27Al o Jonatan ni šunda so leso dad xalja sovli e vojska. Vov pružisada i rovli savi sasa lese ano va thaj čhuta la ano avđin. Kana xalja o avđin, lese jakha lije te sijajin.
28Tegani jekh tare vojnikura phenda lese: “Ćo dad xalja sovli zurale e vojska vaćarindoj: ‘Harami te avol ko avđive xal!’ Golese sa i vojska hasarda pi zor.”
29A o Jonatan phenda: “Mo dad čhuta e narodo ano bilačhipe. Dikh sar me jakha lije te sijajin kana xaljem zala avđin. 30So bi avola kana bi i vojska xala taro pleno savo arakhlja ke dušmanura? Šajine bi te mudara pobut Filistejcuren.”
31A gova đive i vojska mudarda e Filistejcuren taro Mihmas dži o Ajalon thaj sesa but umorna. 32Golese i vojska čalada po pleno pa dolde e bakren, e guruven thaj e terne guruven. Čhinde len ki nanđi phuv thaj xalje len katane e ratesa.
33E Saulese vaćarde: “Ek i vojska ćerol greh premalo GOSPOD gija so xan mas e ratesa!”
A o Saul vaćarda: “Phagljen o savez! Sigate angle mande anen jekh baro bar!” 34Tegani vadži vaćarda: “Džan maškari vojska thaj phenen lenđe: ‘Dži jekh tumendar te anol manđe pe guruve il bakre, ka čhinen len kate pa ka xan len, thaj ni ka grešin protiv o GOSPOD gija so ka xan mas ane savo isi rat.’”
Ani goja rat savore ande pe guruven gothe thaj čhinde len. 35Gija o Saul vazdija piro angluno žrtveniko e GOSPODESE.
36O Saul phenda: “Ajde erat te dža tele pale Filistejcura, te čora lendar sa dži sabalje, thaj nijekhe te ni ačhava džuvde.”
A von phende lese: “Ćer sar so de gođi kaj si emšukar.”
Al o svešteniko phenda: “Ajde kate te puča e Devle so te ćera.”
37Gija o Saul pučlja e Devle: “Te džav li tele pale Filistejcura? Ka de li len ane vasta e Izraelese?”
Al o Dol khanči ni phenda lese gova đive.
38Golese o Saul phenda: “Aven akari savore e šorutne e vojskaće, te dodžanen savo greh avđive ćerda pe. 39Golese so, xama sovli po džuvdo GOSPOD savo spasil o Izrael, te ćerda gova greh i mo čhavo o Jonatan, mora te merol!”
Al khoni andari vojska khanči ni vaćarda.
40Tegani o Saul vaćarda sa e Izraelcurenđe: “Ačhen odori, a me thaj mo čhavo o Jonatan ka ačha akate.”
A i vojska vaćarda: “Ćer sar so de gođi kaj si emšukar.”
41O Saul tegani gija molisajlo e GOSPODESE, e Izraelese Devlese: “Sikav amenđe ko si bango.”
I kocka peli po Jonatan thaj po Saul, a i vojska sasa oslobodime tari tužba.
42Pe gova o Saul phenda: “Čhuden i kocka maškar mande thaj mo čhavo o Jonatan.”
I kocka peli po Jonatan.
43Tegani o Saul pučlja e Jonatane: “Vaćar manđe, so ćerdan?”
O Jonatan phenda: “Xaljem samo zala avđin taro vrho me rovljako savi sasa manđe ane vasta. Akh, spremno sem te merav!”
44A o Saul phenda: “O Dol nek kaznil man emzurale te ni muljan, Jonatane!”
45Al i vojska phenda e Saulese: “Dal o Jonatan te merol, vov savo anda kaja bari pobeda e Izraelcurenđe? Dur tare gova! Xamen sovli po džuvdo GOSPOD, ni i bal tare leso šoro ni tromal te perol lestar, golese so o Dol sasa lese ano pomoć avđive kana ćerda gova!”
Gija i vojska spasisada e Jonatane taro meripe.
46O Saul tegani ačhada te tradol e Filistejcuren, a von crdije pe ani piri phuv.
47Kana o Saul prelija o carsko vlast po Izrael, sasa ano maripe protiv sa e dušmanura trujal leste: E Moavcura, e Amoncura, e Edomcura, protiv e carura andari Cova thaj e Filistejcura. Pe kaste god te džala, vov pobedisada.
48Zurale marda pe thaj pobedisada e Amalečanuren thaj ikalda e Izraelcuren andare vasta kolendar save čorde lendar.
E Saulesi familija
49E Saulese čhave sesa o Jonatan, o Jišvi thaj o Malki-Šua. Lesi phureder čhej akhardola Merav a i ciknjeder Mihal. 50Lesi romni akhardola Ahinoam. Voj sasa čhej e Ahimaacesi.
Šorutno pe lesi vojska sasa o Avner, čhavo e Neroso, a o Ner sasa e Sauleso kako. 51E Sauleso dad o Kis thaj e Avnereso dad o Ner sesa e Avielese čhave.
52Sa dži kana o Saul sasa caro, sasa i pharo maripe e Filistejcurencar. Kana god bi dićhola o Saul nesave zurale manuše il manuše savo ni darala, čhuvola bi le ani služba.
Currently Selected:
1. Samuilo 14: GSP
Highlight
Copy
Compare
Share
Want to have your highlights saved across all your devices? Sign up or sign in
