Zechariah 6
6
De midi o denga hada hebagi e haa
1Au ne galo age ange ga gidee e haa hada hebagi e ssao mai i magavaa o e lua mounga; gai luu mounga laa e hai i denga bronze. 2Tahi hada hebagi ni hoosa mmea e daangia, gai de lua hada hebagi ni hoosa uli;#Rev 6.4-5 3tolu hada ni hoosa tea, gai de hagahaa hada ni hoosa daubulebule.#Rev 6.2 4Gai au ga hai ange gi tangada de langi e pasa laa gimaau, “Dogu dangada aamua, aahee hagadoonunga o denga hoosa nei?”
5Tangada de langi laa ne hai mai gi de au, “Aanei denga madangi#6.5 denga madangi, aabe denga hagasaalunga. e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.#Rev 7.1 6De hada hebagi iai laa denga hoosa uli e hano naa gi denga henua i ngaiho, denga hoosa tea e hulo gi dai, gai denga hoosa daubulebule e hulo gi ngaage.”
7De masavaa o denga hoosa mmahi laa ne ssao mai ai, gai gilaadeu gu uluhia ange donu e hagadaga saele i henua i lalo. Gai tangada de langi laa ne hai ange, “Goodou hulo hagadaga i henua i lalo alodahi.” Gai gilaadeu ne hulo ga hagadaga i henua i lalo.
8Dua mee nei gai tangada de langi ne oo ga hai mai, “Tilo, denga hoosa ne hulo laa gi henua i ngaiho gu hai ma gu sili dogu lili i de henua i ngaiho.”
De hau hodooligi o Joshua
9Gai Tagi Maolunga ne hagaago mai ange hogi ana muna gi de au, ga hai mai, 10“Hannoo gi daho Heldai, ma Tobijah, aama Jedaiah, go denga daane gu aahe mai laa i Babylon, gai koe hannoo hogi gi de hale o Josiah, tama daane a Zephaniah, i de laangi mau, 11ga kave mai i olaadeu daha, denga selevaa ma goolo ga hai ai dahi hau hodooligi, ga dugu ange gi honga de biho o Joshua, tama daane a Jehozadak, tangada haimeedabu maolunga. 12Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.#Jer 23.5; 33.15; Zec 3.8 13Go ia e hagaduulia de temple o Tagi Maolunga, ma de kave de hagadubu o denga hodooligi, gai ia ga hodooligi ai i honga dono nohoanga hodooligi. Gai e dahi naa hogi dangada haimeedabu e balea dono nohoanga hodooligi, gai gilaau e hagadau bale naa ma de heloongoi.’ 14Gai de hau hodooligi e dugu naa i lo te temple o Tagi Maolunga e hagamaanadu ai Helem, ma Tobijah, ma Jedaiah, aama Josiah, tama daane a Zephaniah. 15Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”
Currently Selected:
Zechariah 6: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
