Zechariah 5
5
De midi o de beebaa mulo e lele laa
1Au ne galo age hogi ga gidee, gai tilo, dahi beebaa mulo lele.
2Gai ia ne ssili mai gi de au, “Ni aha aau e gide laa?”
Au ne hai ange, “Au e gidee dahi beebaa mulo e lele i lo te moana; dono looloa se madalua sugilima, gai de lahalaha se madaangahulu sugilima.”
3Gai ia ga hai mai gi de au, “De beebaa nei e sisi ai de hagamalaia e gaavange gi honga henua i lalo alodahi; dahi baasi e sisi ai de hagaduasala o tangada gaiaa, gai de baasi ange laa e sisi ai de hagaduasala o tangada e haia dahi hagatoo donu hadu muna. 4Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”
De midi o de hine i lo te gede
5Gai tangada de langi e pasa laa gimaau ne seesee mai ga hai mai, “Galo ange diiloo be se aha gu sula age naa!”
6Gai au ne ssili ange, “Se aha donu deelaa?”
Ia ne hai mai, “De mee naa se gede e lele naa ma e hano.” Ia ne hai mai hogi, “Gai e hhao ai baubau o dangada i henua i lalo alodahi.”
7Gai ga hhuge age huu dono pono baalanga, gai au ne gidee dahi hahine e noho i lo te gede laa! 8Gai tangada de langi ne hai mai, “De hine nei se ada niio de baubau.” Gai ia ga usu iho ia gi lo te gede laa ga pono ange.
9Dua mee nei gai au ne galo age gu gidee e dogolua haahine gu llele mai! Gai de madangi e langa age olaau bakau. Olaadeu bakau e bei bakau o dahi stork, gai gilaau e langa age de gede laa i magavaa o henua i lalo ma de langi.
10Gai au ga ssili ange gi tangada de langi e pasa laa gimaau, “Luu haahine laa ga kave laa gi hee de gede laa?”
11Ia ne hai mai gi de au, “Gilaau e kave de gede laa gi de henua go Shinar, ma de hagaduu dahi hale e dugu ai. Gai ga lava naa huu de hale laa, gai gilaau ga dugu ange de gede laa gi honga dono mommee donu.”
Currently Selected:
Zechariah 5: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
