Zechariah 7
7
De hagamodu heohi ma de degi
1Gai de haa ngadau huu o de hodooligi go Darius ne hodooligi ai, gai Tagi Maolunga ne hagaago ange ana muna gi Zechariah i de haa laangi o ssiva malama go Kislev.#7.1 Kislev e bei go daha Laaga (November) ma Daholaa (December). 2De masavaa laa gai dangada o Bethel ne hai gi hulo Sharezer ma Regem-Melek ma olaau daane, gi dangidangi ange gi Tagi Maolunga, 3ma de ssili ange gi de gau haimeedabu, i de hale o Tagi o denga hagabuulinga hebagi, aama denga pelaabisi, gi hai ange, “E heohi dogu dangi ma de hagahiigai i de lima malama, bei agu mee gu hai i ngadau lagolago gu hulo laa?”
4Gai Tagi o denga hagabuulinga hebagi ne hagaago mai ana muna, ga hai mai: 5“Siilia ange gi dangada o de henua ma de gau haimeedabu, hai ange, ‘E aha, de masavaa oodou ne hagahiikai ai ma de tangi i de lima ma de hidu malama i denga ngadau e madahidu gu hulo, goodou ne hagahiikai laa donu i ogu hiidinga? 6E aha, de masavaa oodou e gaimee ai ma de unu, gai goodou tee hagamalangilangi laa donu huu goodou? 7E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”
8Gai Tagi Maolunga ne ahe ange ga hagaago ange ana muna gi Zechariah, ga hai ange, 9“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa. 10Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’
11Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna. 12Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.
13Au e dee hagallongo naa hogi delaadeu dangidangi, i de masavaa alaadeu e hagahi mai ai au, bei delaadeu hai tee hagallongo ai laa agu muna, go Tagi o denga hagabuulinga hebagi e hagadaba. 14Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”
Currently Selected:
Zechariah 7: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
