Mark Hanu dagodo o de beebaa nei
Hanu dagodo o de beebaa nei
Taane ne siia de beebaa nei go Mark aabe go John Mark, i daha denga ngadau e 55-65 a.d. (Acts 12.25). Ia se dangada niio Barnabas (Col 4.10), gai ne hano madali a Paul ma Barnabas i tahi hagadaga saele o Paul, aagai a Paul tee lodo e ahe ange e kave ia, gai Barnabas ne kave a Mark madali ia. (Acts 15.38-40; Phm 24). Paul ne aalu hogi a Mark gi humai gi dae mai gi ono daha i mua dono magau (2 Tim 4.11).
Mark ne sisi de beebaa nei e tala ange ai gi denga Gentile dagodo hegau a Iesu, bei de hai ne hai ai. Gai tee lagolago ana mee ne sisi i dagodo o denga agoago a Iesu. Dua dana tala dagodo o John taane Babudaisi, ma de babudaisi aama de hagatale o Iesu, gai ia ne tala dagodo agoago a Iesu ma dana hagaieiangi denga magi. Muli mai gai dangada ne hagadonusia laa gu kii ange de tonu ange gi ana agoago, aagai ono hagadaumee gu kii ange de kino i de ia. De beebaa nei e sisi ai hogi hanu mee hagasengasenga, aama de agoago dagodo o denga laangi hagaodi. Denga mada hagaodi e sisi ai dagodo mee ne hai ange gi Iesu, i de uvigi hagaodi o dono mouli i henua i lalo: go dono daudau i de laagau lui aama dono mouli age. Hanu e maanadu bolo denga gubu hagaodi o Mark (16.9-20) se dangada gee ne siia.
Dahi gubu hagamogomogo: “Go hiidinga Tama a Tangada tee humai donu hogi e hai dangada gi hai hegau ange gi de ia, aagai ia ne humai ga hai hegau ange gi dangada, ma de gaavange dono mouli e hagaola ai dangada soa” (10.45).
Denga vaevaaenga
Taamada o de longo danuaa (1.1-13)
Taamada hegau a Iesu i madamada o dangada i Galilee (1.14—9.50)
Mai i Galilee ga hano ai gi Jerusalem (10.1-52)
De uvigi hagaodi o Iesu i mommee e paa ange gi Jerusalem (11.1—15.47)
De mouli age o Iesu (16.1-8)
De hakide ange o Iesu gi hanu aama dono gaavage gi de langi (16.9-20)
Currently Selected:
Mark Hanu dagodo o de beebaa nei: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.