Matthew 28

De mouli age

(Mark 16.1-10; Luke 24.1-12; John 20.1-10)

1Dua de laangi o Sabbath, i taiao o tahi laangi o de uvigi,#28.1 tahi laangi o de uvigi e bei go de laangi dabu. gai Mary Magdalene ma de Mary ange laa ne hulo e tilo taanunga.

2Gai tilo, gu kona de ngalungalue de henua, i hiidinga dahi dangada de langi o Tagi Maolunga gu hano iho ma gu hagadige gee de hadu e buibui ai laa de haitoga o taanunga, ga noho i honga de hadu laa. 3Dagodo o tangada de langi laa e bei de uila, gai ono malo e tea bei denga snow. 4Gai de gau hagaloosi gu bolebole ma de maatagu, gilaadeu gu bei dagodo o de gau maakau.

5Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui. 6Ia e dee maleva i kinei, ia gu mouli age, bei dana hai gu tala adu ai. Loomai diiloo dono mommee nogo dagodo ai. 7Gai gooluu hagamoolau hulo daalaa ange gi ana dangada agoago bolo ia gu mouli age, gai tilo, ia gu hano i oodou mada i mua gi Galilee; go kilaa oodou e gidee ai ia. Tilo, au gu tala adu mee nei gi gooluu.”

8Gai gilaau ne hagamoolau ga hulo gee mai i taanunga, gilaau gu maatagu gai gu malangilangi mmao. Gai gilaau ne saavini ga hulo e tala ange gi ana dangada agoago. 9Gai tilo, Iesu gu hedae ange gi gilaau, ga hai ange, “De laangi danuaa.” Gai gilaau ga hulo ga poo luoono vae ga daumaha ange gi de ia. 10Gai Iesu ga hai ange gi gilaau, “Gooluu aude maatagu; gooluu hulo hai ange gi ogu daina gilaadeu gi hulo gi Galilee; go kilaa alaadeu e gidee ai au.”

De hagailoo a denga daane hagaloosi

11De masavaa o luu haahine laa e hulo ai, gai hanu daane hagaloosi ne hulo gi de aduhale, ga tala ange mee alodahi gu hai gi de gau haimeedabu maolunga. 12Gai de gau haimeedabu ne hagabuni madali denga dagi ga hagasaele gu buni, gai gilaadeu ga hagao ange denga daane hebagi i hanu sseene lagolago 13ga hai ange, “Goodou hai ange gi dangada, ‘Ana dangada agoago ne loomai i de boo ga gaiaa de angaanga i de masavaa omaadeu e sseni ai.’ 14Gai noo gu langona e de goobenaa muna nei, gai gimaadeu ga hai gi sili ono lodo, gi dee tuu ange ai goodou gi de hai ngadaa.” 15Deelaa ai, denga daane hebagi ne kave sseene laa gai ga daudali i muna gu tala ange laa gi gilaadeu. Gai muna nei gu dele saele i daho de gau Ssuu ga dae mai ai gi anailaa nei.

De hagasauaa a Iesu tinoangahulu ma dogodahi

(Mark 16.14-18; Luke 24.36-49; John 20.19-23; Acts 1.6-8)

16Gai denga dangada agoago e dinoangahulu ma dogodahi ne hulo gi Galilee, i de mounga a Iesu ne hai ange gilaadeu gi hulo aagena.#Mat 26.32; Mark 14.28 17Gai de masavaa huu alaadeu ne gidee ai ia, gai gilaadeu ga daumaha ange gi de ia; gai hanu gilaadeu ne llodo lagolago. 18Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au. 19Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu, 20ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Currently Selected:

Matthew 28: DBD

Highlight

Copy

Compare