Popular Bible Verses from Matthew 28

Share

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu, ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui. Ia e dee maleva i kinei, ia gu mouli age, bei dana hai gu tala adu ai. Loomai diiloo dono mommee nogo dagodo ai.

Gai Iesu ga hai ange gi gilaau, “Gooluu aude maatagu; gooluu hulo hai ange gi ogu daina gilaadeu gi hulo gi Galilee; go kilaa alaadeu e gidee ai au.”

Gai de gau haimeedabu ne hagabuni madali denga dagi ga hagasaele gu buni, gai gilaadeu ga hagao ange denga daane hebagi i hanu sseene lagolago ga hai ange, “Goodou hai ange gi dangada, ‘Ana dangada agoago ne loomai i de boo ga gaiaa de angaanga i de masavaa omaadeu e sseni ai.’ Gai noo gu langona e de goobenaa muna nei, gai gimaadeu ga hai gi sili ono lodo, gi dee tuu ange ai goodou gi de hai ngadaa.” Deelaa ai, denga daane hebagi ne kave sseene laa gai ga daudali i muna gu tala ange laa gi gilaadeu. Gai muna nei gu dele saele i daho de gau Ssuu ga dae mai ai gi anailaa nei.