Malachi 3
3
1“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.#Mat 11.10; Mark 1.2; Luke 1.76; 7.27
2Aagai goai e maua i de lodo mmahi i de laangi oona e humai ai? Gai goai e maua i de duu i de masavaa oona e hagasula mai ai? Ia e bei naa dagodo o de ahi a de ia e hagagilimalali ina denga baalanga, ma soobe a de ia daa malo.#Joel 2.11; Rev 6.17 3Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga, 4gai sigidaumaha a Judah ma Jerusalem e hagamalangilangi naa Tagi Maolunga, bei denga masavaa ma ngadau gu hulo.
5“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.
De gaiaa mee de Maadua
6“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau. 7Mai i de masavaa o oodou dubuna madagidagi, gai goodou ne hulo gee i agu muna gu hagasauaa, gai tee daohi mee nei. Goodou aahe mai gi de au, gai au ga ahe adu gi goodou, go Tagi o denga hagabuulinga hebagi e hagadaba.
Aagai goodou e hagataba, ‘Dee hee demaadeu hai e aahe adu ai?’
8E aha, e heohi de gaiaa a tangada mee a de Maadua? Gai goodou gu gaiaa donu agu mee!
Aagai goodou e ssili, ‘Dee hee demaadeu hai ne gaiaa ai au mee?’
Goodou ne gaiaa dahi diba i diba e madaangahulu ma denga sigidaumaha. 9Goodou gu hagamalaia — de huaahenua alodahi — go hiidinga goodou gu gaiaa agu mee. 10Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.#Lev 27.30; Num 18.21-24; Deut 12.6; 14.22-29; Neh 13.12 11Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba. 12Gai denga huaahenua alodahi e hagataba naa bolo goodou gu manuuia, i hiidinga doodou henua gu se mommee hagamalangilangi, go Tagi o denga hagabuulinga hebagi e hagadaba.
13Gu kona mmao de hagadaemaha oodou muna e hai baasi mai ai gi de au, go Tagi Maolunga e hagadaba.
Aagai goodou e ssili, ‘Aahee amaadeu muna ne hai baasi adu ai gi de goe?’
14Goodou ne hagataba, ‘E deai donu haigamaiana demaadeu daumaha ange gi de Maadua. Gai ni aha amaadeu ne mau i demaadeu hai gi bei ana muna, ma de hagadaemaha omaadeu lodo i mada luu mada o Tagi o denga hagabuulinga hebagi? 15Aagai iainei gimaadeu e hagataba bolo go de gau hagamaolunga e manuuia. De gau baubau e hagadagadaga age, gai dangada e hagataalea de Maadua e ola.’ ”
De beebaa o de hagamaanadu
16Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.
17“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia. 18Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.
Currently Selected:
Malachi 3: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
