Malachi 4
4
De laangi o Tagi Maolunga
1“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe. 2Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave#4.2 ono gavegave, aabe go ono bakau. e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui. 3Gai goodou e dagadagahi naa gi lalo de gau baubau. Gilaadeu e bei naa denga lehu i lalo oodou vae, i de laangi aagu e hai ai agu hegau, go Tagi o denga hagabuulinga hebagi e hagadaba.
4Goodou manadua de hainga a dogu dangada hai hegau go Moses, ma muna gu hagasauaa aama agu hagamodu ne gaavange gi de ia i Horeb gi daalaa ange gi Israel alodahi.
5Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.#Mat 11.14; 17.10-13; Mark 9.11-13; Luke 1.17; John 1.21 6Gai ia e hagadanuaa naa magavaa o denga maadua ma alaadeu dama, ma magavaa o denga dama ma olaadeu maadua; kana hanadu au ga oha de henua ga hagamalaia.”
Currently Selected:
Malachi 4: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
