Rɔmdara 4
4
Mɔ̃ Abɩrahamɩda donɩ thɩ̃ dɩɩrɛ
1A mɛ̃ gɩ, mɔ̃ sa so Abɩrahamnaakɛ dɔnɩ asɩ mama thɩ kɔ̃tɩ̃? Anye a kɔɔ ˈlɛ na ɔɔ thɛthɛɛ fãga? 2Ado sor kɔɔ hɛllɛ Abɩrahamna dɩɩ the thɩ̃ cʋʋrɛra a hananɛ gɩrɛ a na məbironi, sɩ ga do Thãgbaa ƴɛra ga. 3Gɩdonɩ anye Thãgbaa sɛbɛ so? Gɩ sor: “Abɩraham kɔɔ pɛr Thãgba haar dɩɩ do gɛr Thãgba hɩɩn sa wɩɩ tɩɩ sarʋ.”#Jən 15:6; Gal 3:6 4Mee ʋrɛ dɔnɩ thɔma wɩ‐n lɩmʋʋnɛ, ga do khaardaa wa hɩɩn gɩ gɩ doraˈ, sɩ helu gɩ dɩ wɩ lɩmʋʋ. 5Sɩ ʋrɛ na‐n cʋɛnɩ thɩ̃aˈ, sɩ dɩ pɛr haar ʋrɛraakɛ n hɛlanɩ sopugodaarra sor, Thãgba na thernanɛ ɔɔ ha pɛɛle dɩ sor na hɛllaa. 6Mɛ̃ Davɩdɩ mɩɩ mɔ̃ ga danɩ tibilləəkɛ Thãgba n hɛllɔnɩ sor sɩ ga‐n the thɔ̃ cʋʋrɛra ga, ayɩ:
7“Gɩ‐n dar wɩrɛraakɛ Thãgba faanɩ awɩ dakhaba do,
kɛ dɔnɩ wɩrɛ dakha a hɛllɔnɩ sopugo.#Khɩ 32:1–2
8Gɩ‐n dar tibilləəkɛ Kɔ̃tɩn na‐n thernɩ ɔɔ sopugo da‐n ha ga.”
9Dɩ ga kãka caakɛra khʋ̃ kurdaraada gɩ do dɩbara yaa, agɩbo wɩrɛ na kuroni khʋ̃aada gɩ do dakha? Gɩdonɩ sɩ kɔɔ sor ayɩ: “Abɩrahamɩ ha pɛ dɔ nɔɔ dɩ Thãgba wɩɩ tɩɩ sarʋ.” 10Dɩ bɔ ʋmɔna gɩ? Ɔbɔɔkɛ a kɔɔ kurni khʋ̃ʋ gɩ yaa, agɩbo ɔbɔɔkɛ aa kɔɔ kurni khʋ̃ʋ paa gɩ? Ɔbɔɔkɛ aa kɔɔ kurni khʋ̃ʋ paa gɩ, dɩ a dor ʋrɛ na kɔɔ kuroni khʋ̃aˈ. 11A kɔɔ ˈlɛr jɩɩnɩkɛ dɔnɩ khʋ̃ kurdaa dɩɩ do gɛr n nɛna so hɛllɛɛkɛ a kɔɔ ˈlɛnɩ ha pɛrɛra, ɔbɔɔkɛ aa kɔɔ kurni khʋ̃aˈ; dɩ mɛ̃ a do thɩrɛ wɩrɛ fɛʋraakɛ n pɩɛrnɩ haar, kɛ na kuroni khʋ̃aˈ, dɩ mɛ̃ Thãgba n hɩɩn wɩ dɩ wɩ do fɩl sardara.#Jən 17:10 12Abɩraham dor thɩrɛ dakha khʋ̃ kurdarara, sɩ ga do khʋ̃ kurdara ha wɩ dɩbara ga, sɩ wɛr dɔ wɩrɛɛkɛ n kpaannɩ asɩ mama thɩ kɔ̃tɩ̃ Abɩrahamɩ ha pɛraakɛ a kɔɔ hananɩ ɔbɔɔkɛ aa kɔɔ kurni khʋ̃ʋ paˈ.
Mɔ̃ ha pɛrɛ donɩ nɔɔ dɩ sa ˈlɛrɔ gɩrɛ Thãgba yɩnɩ ɩna ha sɛr
13Thãgba kɔɔ ʋlfɛrɛ ayɩ, Abɩraham na ɔɔ məlsɔ na hɩna thɩɩkɛ; dɩ ga do jɔfʋ hɩɩnɛ dɔ nɔɔ dɩ Thãgba ʋlfɛnaa thalaˈ, sɩ ha pɛrɛɛkɛ a hananɩ a ˈlɛrɔ so hɛllɛ dɔ nɔɔ.#Jən 17:4–6; 22:17–18; Gal 3:29 14Gɩdonɩ ado jɔfʋ hɩɩnɛ dɔ nɔɔ dɩ wɩ do thɩ̃ hɩna, ga dor ha pɛrɛ wer mɔlɔ thɩ̃ɛ gɩ, dɩ ʋlfɛrɛ dakha kʋkʋʋlɛ.#Gal 3:18 15Gɩdonɩ jɔfʋ n ɩrɛna Thãgbaa nɩ̃khi, dɩ ka jɔfʋ na‐n hanaˈ, jɔfʋ kʋɛrɛ na‐n hale dakha ga.
16Mɛ̃ thɩ̃ hɩ̃ ˈlɛrɩle the ha pɛrɛra gɩ do bɔ jɩɩrra gɩ, dɩ mɛ̃ ʋlfɛrɛɛle na puno phubi a na do Abɩrahamɩ məl fɛʋʋda, sɩ ga do ɔɔ məlikɛ dɔnɩ jɔfʋdara dɩbara ga, sɩ gɩ do wɩrɛ fɛʋ hananɩ Abɩrahamɩ ha pɛɛda; gɩdonɩ Abɩraham dʋɔn sɛrɛ fɛʋʋ thɩ.#Gal 3:7 17Dɩ gɩ har mɔ̃kɛ gɩ kherenɩ Thãgbaa sɛbɛra ayɩ: “Mɩ thɩɩn fɛr fɩ do ca jɔɔ thɩ.” A do sarɛ thɩrɛ Thãgbaa ƴɛra, kɛ dɔnɩ ʋrɛ a pɛrnɩ haar, kɛ dɔnɩ Thãgbaakɛ n cʋɛnɩ khe dɩ wɩ bir hana yire, dɩ gɩrɛ na hanɩle paˈ sɩ a‐n therna gɛr mɔ̃kɛ gɩ hanɩle.#Jən 17:5 18Abɩraham hananɛ ha pɛrɛ Thãgbara gɛr gɩ dɩ hana nũ pɛrɛ gɩrɛraakɛ na dɔnɩ dacʋʋnaa ga, dɩ mɛ̃ a debi a do “ca jɔɔ thɩ”, dɩ gɩ har mɔ̃kɛ Thãgba sonɩ ayɩ: “Thale afɩ məl na ha.”#Jən 15:5 19Ɔɔ ha pɛɛkɛ a hananɩ ga wurəˈ, sɩrakɛ yɛna tamaa a kɔɔ thɔɔ a dã khir, dɩ Saraa bi kɔ̃ bɔ dakha ˈli kar.#Jən 17:17 20Sɩ ha pɛrɛ na ɓɔrʋaˈ, dɩ aa‐n baal Thãgbaa ʋlfɛra woaˈ, sɩ ha pɛrɛ cʋgʋʋrɛ dɩ ˈlɛ fãga da‐n khɩɩ Thãgba. 21A hananɛ tu jɩɩr gel dɩ gɩrɛ Thãgba ʋlfɛnɩ ɩna cʋʋrɛ a na puno ger a na cʋʋ; 22dɩ gɛrra dɔ nɔɔ dɩ “Thãgba wɩɩ tɩɩ sarʋ.”
23Thɩmɩɩrɩkɛ kherenenɩ ayɩ, “Thãgba wɩɩrɛ tɩɩ sarʋ”, ga do ɔr dɩbara gɩ soaˈ. 24Sɩ sɩ harrɛ ser tɩɩ sar dʋʋrraale, sɛrkɛ pɩɛrnɩ haar ʋrɛraakɛ ɩrɛnɩ Jeju asɩ Kɔ̃tɩ̃ dɩ the khirera. 25Ʋrɛɛkɛ wɩ kʋnɩ asɩ sopugora sɩ dɩ ɩɩr a the khirera sor n hɛl sar.#Eja 53:4–5
Currently Selected:
Rɔmdara 4: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
