Rɔmdara 16
16
Polɩ fʋɔrɩkɛ a fʋɔrnɩ Rɔm ha pɛdarasɔ dɩɩdɩɩ
1Mɩ‐n ƴaalɛ nɩ jɛ dɩ asɩ õkhɛr Fəbeekɛ dɔnɩ Sãkɩrɛ we gbɛbɩdaraa thɔ̃ dodaar, tɩɩ teena a do. 2Nɩ teaa Kɔ̃tɩnɩ tee na fɩlɛɛkɛ tɩɩ phuusɔ teenanɩ wɩ hanana. Nɩ tɔɔ ga too a na buloo thɩ̃ɛ wo thɩɛnaakɛ a na hana narnɩ ƴaalɛ, gɩdonɩ ɔr dakha a kɔɔ bulle tibil jɔjʋɔ ka na mɛrkɛrakɛ dakha.
3Nɩ fʋɔrɛ Pirisika na Akɩlasɩ wɛrkɛ sɩ‐n donanɩ kha Jeju Kirisitii thɔ̃.#Th t t 18:2 4Awɩ yi na kɔɔ burera ɩ̃ sora, sɩ ga do mɛr dɩbara n fʋɔrɛ wɩ gelela ga, sɩ we gbɛbɩdara fɛʋʋkɛ hanɩ ca kpalaa thɩ̃thɩɩn fʋɔr wɛr ga sora. 5Nɩ fʋɔrɛ dakha we gbɛbɩdaraakɛ n gbɛbanɩ kha awɩ cɔ. Nɩ fʋɔrɛ Epaɩnɛtɩɩkɛ mɩ‐n nanɩ, ɔr dɔ caca tibilikɛ pɛnɩ Kirisiti haar Ajɩ dɩɩra. 6Nɩ fʋɔrɛ Marɩɩkɛ dɔ marnɩ thɔma jɔɔ ka. 7Nɩ fʋɔrɛ Ãdʋrɔnɩkasɩ na Junɩasɩ wɛrkɛ dɔ marnɩ toona, kɛ sɩ cʋʋnanɩ kha khaɩ, kɛ thɛnɩ ire ka thɔ̃thɔnaa thɩ̃thɩɩn, kɛrakɛ kɔɔ kʋlɛ mɩnɩ ƴɩɛ a pɛr Kirisiti haar.
8Nɩ fʋɔrɛ Ãpɩlɩasɩɩkɛ mɩ‐n nanɩ Kɔ̃tɩnɩ hʋra. 9Nɩ fʋɔrɛ Ʋrbɛ̃ɛkɛ sɩ‐n donanɩ kha Kirisitii thɔ̃, na Sɩtakɩsɩɩkɛ mɩ‐n nanɩ. 10Nɩ fʋɔrɛ Apɛlɛsɩɩkɛ kɔɔ nɛnanɩ mɔ̃kɛ ɔɔ ha pɛ Kirisitira hanɩ. Nɩ fʋɔrɛ Arɩsɩtobulɩ cɔdara. 11Nɩ fʋɔrɛ Ɛrɔdɩyɔ̃ ɩ̃ tibil; nɩ fʋɔrɛ wɩrɛ dɔnɩ Kɔ̃tɩnɩda, kɛ dɔnɩ Narsɩsɩɩ cɔdara. 12Nɩ fʋɔrɛ Tɩrɩfɛn na Tɩrɩfosɩ wɛrkɛ n dɔnɩ Kɔ̃tɩnɩ thɔ̃ jɔɔ ka. Nɩ fʋɔrɛ Pɛrsɩɩdɩɩkɛ mɩ‐n nanɩ, kɛ kɔɔ dɔnɩ Kɔ̃tɩnɩ thɔ̃ dɩɩ thʋ̃ kar. 13Nɩ fʋɔrɛ Rufusiikɛ teronɩ a ha kpɩɩ Kɔ̃tɩnɩ thɔ̃ dora, a fʋɔrna ɔɔ nɩɩkɛ dɔ marnɩ dakha nɩrɛ.#Mar 15:21 14Nɩ fʋɔrɛ Asɛ̃kɩrɩtɩ, na Filegɔ̃, na Ɛrmɛsɩ, na Paturobasɩ, na Ɛrmasɩ, na omɩnaakɛ wɩ hananɩ kha. 15Nɩ fʋɔrɛ Filoloogi, na Juli, na Nere na ɔɔ õkhɛr, na Olɛ̃pɩ, na tɩɩ phuusɔ fɛʋʋkɛ wɩ hananɩ kha. 16Na‐n fʋɔrɛ kha bɩɛlbɩɛl na ha lõ fʋɔrɛɛkɛ dɔnɩ daphuu. Kirisitii we gbɛbɩdara fɛʋ fʋɔr nɛr.
Pɩpɩɩ kpãkpaanɛ na Thãgba khɩɩrɛ
17Mɩ‐n bɩɛl nɛr omɩna dɩ na jɩɩ dʋ bʋrɛ wɩrɛraakɛ n pɩɛrnɩ leere na nɛ baradaa, dɩ wa‐n kʋɛ dɩɩrɛɛkɛ nɩ kɔɔ ˈlɛnɩ; na‐n jana wa tibil casɔraale. 18Gɩdonɩ tibil ca wele ga do Kirisiti asɩ Kɔ̃tɩ̃ɩ thɔ̃ wɩ‐n doaˈ, sɩ gɩrɛ n danɩ awɩ tomɩra wɩ‐n yɩrna; dɩ wɩ gba nɔ da thɩmɩa, na fɩɩlɛ, wa‐n fɩɩlna tɩbɩlaakɛ na hananɩ jɩɩr bɔɔbɔaˈ. 19Tɩbɩla fɛʋ nɩrɛ mɔ̃ anɩ nũ nɩ hanɩ, gɛr gɩ anɩda da marɛ kpɛ, sɩ mɩ‐n ƴaalɛ nɩ hanana kpɛsɛrɛ a na jɛna thɩ̃ bʋɔ, sa dɔ yʋ ˈleedara thɩ̃ puu cʋʋrɛra. 20Kɩɛr na gbe Thãgbaakɛ ha ɩɩ n thernɩ na cʋɔrɛ Satãa yʋ anɩ nɛ ballɔ.
Asɩ Kɔ̃tɩ̃ Jeju na‐n jɛ nɩ bʋɔra.
21Timotheekɛ sɩ‐n donanɩ kha thɔma fʋɔr nɛr; Lusiyusi na Jajɔ̃ na Sojɩpatɛɛr wɛrkɛ dɔnɩ ɩ̃ too wɩ fʋɔr nɛr. 22Mɛr Tɛrtiyusiikɛ Pol pɛrnɩ dɩ ɩ̃ khere sɛbɛɛkɛ, mɩ fʋɔr nɛr mɔ̃ nɩ donɩ Kɔ̃tɩnɩda. 23Gayʋsɩɩkɛ tea mɩnɩ kpakpaalɛ, kɛ dɔnɩ ʋrɛɛ pa we gbɛbɩdara n gbɛbɩnɩ kha, a fʋɔr nɛr. Erasɩtɩɩkɛ dɔnɩ war fʋrɔdaar dɩɩra, na asɩ omi Kartusi wɩ fʋɔr nɛr dakha. [ 24Asɩ Kɔ̃tɩ̃ Jeju Kirisiti na‐n jɛ nɛrɛ fɛʋ bʋɔra.]
25Thãgba hɩna khɩɩrɛ, ɔr gɩɩkɛ hananɩ punone a na cʋʋna nɩ dɩ na tɩ, gɩ ha mɔ̃kɛ tutugo bʋɔɔkɛ mɩ‐n mɩɩnɩ hanɩ, kɛ n mɩanɩ Jeju Kirisitiida, gɩ ha dakha mɔ̃ thɩ̃ gbulikɛ kɔɔ maanɩ kerre sa yɩr dɩphã hanɩ, 26dɩ gɩ nɩrɔrɛ nɛnɛ̃ casɩ, Thãgbaa bobonaa sɛbɛ mɩa gɩ; dɩ Thãgbaakɛ dɔnɩ khorrdaar ɔr pɩɛr tibil caar fɛʋ n jɛ gɩ, wɩ puno wɩ pɛr haar wa‐n nɩ nũu.
27Thãgbaakɛ dɔnɩ bɩɛl ˈlẽˈlẽˈlẽekɛ hɩnanɩ kpɛsɛrɛ, ɔr n hɩna i dʋbɩrɛ waa khorr vʋ̃ʋ, gɩ do Jeju Kirisiti dɔ nɔɔ. Amɛn.
Currently Selected:
Rɔmdara 16: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
