Rɔmdara 10
10
1Ɩ̃ omisɔ gɩrɛ mɩ‐n ƴaalnɩ na haar fɛʋ na gɩrɛ mɩ‐n bɩɛllɔnɩ Thãgba dʋɔn ɩ̃ ca n ˈlɛ taarɛ. 2Mɩ jɩrɛ tue awɩdara dɩ wɩ hananɛ gbɛ̃gbɛrɛnɛ wer Thãgbaadara, sɩ wa hana jɩɩrɩkɛ teananaˈ. 3Wa jɩnɩ kɩrʋ mɔ̃ Thãgba n hɛlnɩ tɩbɩlala soraˈ, wɩ‐n ƴaalɛ gɩ dɔ awɩ thɛthɛɛ bɔ dora sor hɛl war, dɩɩ do mɛ̃ wɩ bo so hɛllɛɛkɛ n thɛnɩ Thãgbara. 4Gɩdonɩ Kirisitii pa liir jɔfʋ khu, dɩ mɛ̃ wɩrɛ fɛʋʋkɛ na pɩɛrnɩ haar na ˈlɛ so hɛllɛ.
Mɔ̃ tibil wo tibil punoni a ˈlɛ taarɛ
5Gɛr dɔ gɩrɛ Mʋɩjɩ kɔɔ kherenɩ mɔ̃kɛ sor na hɛlnɩ tibillə jɔfʋ hɩɩnɛna ayɩ: “Tibilikɛ n cʋɛnɩ gɩrɛ jɔfʋ sonɩ a na hana garɛ yire.”#Lev 18:5 6Sɩ so hɛllɛɛkɛ n thɛnɩ ha pɛrɛra sor ayɩ: Fa‐n so afɩ hara “amɛ na jʋnɛ Thãgbaa dʋɔaˈ”, a thɩɛna gaa gɩ cʋʋ Kirisiti a gbũ;#Dət 30:12–14 7dɩ agɩbo “amɛ na gbuno tɩɛr dɩɩra ga”, a thɩɛna gaa gɩ cʋʋ Kirisiti a ɩɩr a the khirera. 8Dɩ mɔ̃ gɩ so? Gɩ sor: “Thɩmɩɩrra na hʋnɔna faˈ, nɔɔ gɩ ha fɩ na haarra”, dɩ ha pɛ thɩmɩɩr gɩɩkɛ sɩ‐n mɩɩnɩ. 9Ado fɩ cã na afɩ nɔ ayɩ: Jeju dʋɔn Kɔ̃tɩn, dɩ ado fɩ pɛr haar na afɩ bɩ̃ dɩ Thãgba kɔɔ cʋgʋʋrɛ dɩ ɩɩr a the khirera, fa ˈlɛr taarɛ. 10Gɩdonɩ ha pɛrɛ Jejura na bɩnɛ tibil n ˈlɛrɔ so hɛllɛ, sɩ caan na nʋɔ tibil n ˈlɛrɔ taarɛ. 11Gɩdonɩ gɩ kherere Thãgbaa sɛbɛra ayɩ: “Tibil wo tibilikɛ pɩɛrnɩ haar ɔrra, ga ɩ̃ kpɩɩrakɛ a na dʋʋraa yicuruəˈ.”#Eja 28:16 12Dɩ Juifi na ha kpɩɩ, na wɩrɛ na dɔnɩ Juifisɔa ha kpɩaˈ, wɛr fɛʋ Kɔ̃tɩ̃ bɩɛlla wɩ hana, kɛ ɔɔ bɔna jɔɔ n danɩ wɩrɛ fɛʋʋkɛ n wɩɛnɩ. 13Gɩdonɩ Thãgbaa sɛbɛ sor ayɩ: “Tibil wo tibilikɛ na wɛnɩ Kɔ̃tɩnɩ i a na ˈlɛr taarɛ.”#Jow 2:32
14Dɩ mɔ̃ wa fʋ sɩ na wɩɩ agado haar wɩ kɔɔ pɛr ɔrra ɓoa? Dɩ mɔ̃ wa fʋ sɩ na pɛr haar ʋrɛraakɛ wa kɔɔ nɩnɩ ɔɔ thɩmɩa? Dɩ mɔ̃ wa fʋ sɩ na nɩ ɔɔda ado mɩmɩɩ na hala? 15Dɩ mɔ̃ mɩmɩa na fʋ sɩ na hale agado wɩ thɔ̃ wɛra? Gɩ kherere Thãgbaa sɛbɛra ayɩ: “Wɩrɛ n ɩnanɩ na tutugo bʋɔɔ thɩmɩɩ, awɩ ɩ̃ n daarɛ ka.”#Eja 52:7 16Sɩ ga do fɛʋ kɔɔ tuon tutugo bʋɔɔ thɩmɩaˈ; Ejaɩɩ thɛthɛrakɛ kɔɔ mɩɩrɛ ayɩ: “Kɔ̃tɩn, amɛ pɩɛr haar gɩrɛraakɛ sɩ kɔɔ mɩɩnɩ?”#Eja 53:1 17Mɛ̃ ha pɛrɛ n the gɩrɛraakɛ tibil n nɩnɩ, dɩ gɩrɛra tibil n nɩnɩ Kirisitii thɩmɩɩra gɩ the. 18Dɩ mɩ‐n bulele: Wa ba nɩa yaa? Ɔɔ, wɩ nɩɛrɛ kɛ, mee Thãgbaa sɛbɛ sor ayɩ:
“Awɩ nɔ kpaarɛ thɩɩraakɛ fɛʋ,
dɩ awɩ thɩmɩɩ jaal a dã thɩɩ khu pa.”#Khɩ 19:4 19Mɩ bire ma‐n bule wo: Ɩjɩrayɛldara na kɔɔ jaa yaa? Mʋɩjɩ dɔ cacadaarɩkɛ sɔnɩ ayɩ:
“Ma cʋʋrɛ dɩ gbugi na fʋ nɩ
caarraakɛ na dɔnɩ caaraˈ;
Caarɩkɛ na jɛnɩ thɩ̃aˈ,
ma cʋʋrɛ nɩ̃khii dɩ ga fʋ nɩ wɛrra.”#Dət 32:21 20Dɩ Ejaɩ ˈlarrakɛ ɓoɓo a so:
“Wɩrɛ na kɔɔ hana mɩnɩ ƴaalaˈ, wɩ yɩ mɛr;
mɩ kɔɔ nɩnanɛ dɩbara wɩrɛɛkɛ na‐n kɔɔ buleneni thɩ̃ɛ ɩ̃dara ga.”#Eja 65:1 21Sɩ Ɩjɩrayɛldaraadara wer, a sor ayɩ: “Dɩwɩlʋ koo mɩ‐n kɔɔ ˈlaa nyɛ̃ɛ caarraakɛ dɔnɩ nũ nʋra wa‐n gba ɩ̃da ga.”#Eja 65:2
Currently Selected:
Rɔmdara 10: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
